L'instrumentala beneventa la primavaira cun ina bella schelta da melodias primavaunas. Ils utschels chantinan puspè ti mordio e laschan giudair nus mintga damaun lur melodias che fan bainvegni a la primavaira! Gist uschia èn era las musicantas ed ils musicants da lunsch e damanaivel pronts, e quai cun bleras bellas melodias.

As legrai sin la «Fanfare du printemps» da la Musica da la scola da polizia Savatan en la Svizra franzosa, sin il valzer «Frühlingsstimmen» cun la Czech Army Central Band, ni sin l'enconuschenta chanzun d'uffants «Alle fugler sma» cun la Wingates Brass Band.