Il chantun Grischun sto elavurar in nov sistem d'eleger sias deputadas e ses deputads. Qua insaquantas propostas Déjà-vu politic: Gia otg giadas dapi l'onn 1937 ha il suveran dal Grischun laschà ir ina midada dal sistem d'eleger il Cussegl grond en il Grischun da la glatscha giu.

Uss STO il Grischun dentant midar quel, il Tribunal federal ha decidì ch'il maiorz, sco sistem d'eleger per l'entir chantun, n'è betg confurm a la constituziun. Gea, schizunt mintga segund deputà na saja betg elegì confurm a la constituziun. Co pudess lura in nov sistem guardar or? In, ch'è il pli sincer per la pli gronda part pussaivla dal chantun? Cun agid dal schurnalist Curdin Vincenz avain nus tschertgà uschia in sistem – e surdà ina proposta al president da la regenza Jon Domenic Parolini.