Visita tar ina controlla da bio ad Andeer. En butia empermettan labels da bio sin mangiativas ina producziun persistenta, reglas rigurusas e dapli bainstar dals animals. Ma co vegn garantì ch’igl è propi en bio, là nua che stat scrit si bio?

A questa dumonda va suenter la Marella actuala che accumpogna il controllader, Simon Raguth Tscharner tar ina controlla da bio sin in bain puril da Rico e Ricarda Michael ad Andeer. Da la pavlada dals animals fin tar la documentaziun da biro. Plinavant metta il co-president da Bio Grischun, Claudio Gregori a lieu las fermezzas e las flaivlezzas da la agricultura biologica. In sistem ch’ha sias sfidas e che prova cuntinuadamain da sa megliurar – en ina realitad cumplexa tranter persvasiun, pretensiun e realisabladad.