L'advent è il temp dal spetgar: nus spetgain sin Nadal, nus ans legrain da passentar intgins dis en famiglia, e per in u l'auter èsi franc era in spetgar sin regals daditg desiderads. Mo il spetgar n'è betg adina insatge positiv, el po era esser pesant e destructiv. La Marella fa visita a quellas persunas ch'èn senza vulair daventadas expertas en spetgar: ils requirents d'asil ch'èn per part gia dapi onns en l'Europa e spetgan sin ina permissiun da dimora. Cussadents dal center da transit «Bellavista» a Mustér tradeschan co ch'els emprovan da render il spetgar pli supportabel, daco ch'els na gughegian betg da far plans per il futur e tge consequenzas fisicas e psichicas che quai spetgar ha sin els.