Festivallaurdag vert det eit realt mestermøte mellom nokre av våre fremste historiebærarar! Elias Akselsen, pinsevenn og vår fremste forvaltar av tatarane sin songtradisjon, Terje Nordby, mytolog, dramatikar og visesongar, Fridtjov Urdahl, historieformidlar og skald. Med sine forskjellige utgangspunkt samlast dei på utescena i song, drøs og historieforteljing - i eit program som vil handle om Tru og Overtru, leia av regissør og dramaturg Morten Cranner.

Den revolusjonære katolske ungjenta Jeanne d ́Arce vart brent på bålet som kjetter for sin heilage overtydning i 1341. Lekmannspredikanten Hans Nielsen Haug skapte ei folkerørsle i Noreg på byrjinga av 1800-talet, og for det vart han fengsla fleire gonger. Skodespelar Juni Dahr har levd med Jeanne d ́Arc i snart førti år, medan Birger Løvlie har fordjupa seg i Hauge i si forskning på Høgskulen i Volda. I Radio Fjaler diskuterer dei tema som Tro og Ytringsrom, saman med Ole Mads Vevle, som er både religionshistorikar og performancekunstnar - og festivalaktuell med monologframsyinga ”KJÆRE G-d”.

Kva har sokneprest Knut Arne Kummuneje, kunstmålar Erik Hovland, skodespelarane Torbjørn Davidson (”Flytende Speil” ) og Vincent Vernerie (”SOLA”) til felles? Jo, dei er alle aktuelle på festivalen - og i arbeida deira står ideen om FAR, heilt sentralt. I Radio Fjaler vil dei fire drøfte faren sin plass, i kvardagen og det nære, i arbeida deira - men og korleis vi les denne rolla i eit kulturelt og religiøst perspektiv.

Om fotballens mysterier og lengselen etter heltar; Henning Bergsvåg leiar samtalen med forfattar Dag Solstad og fotballspelet-regissør Vegard Vinge og tidlegare Fjalerordførar og linjemann Arve Helle. 

Scenekunsten og kutlurlivet er hardt ramma av koronakrisa- kva vert den langvarige konsekvensen?  Til å hjelpe oss å løfte blikket og filosofere over kunstens kår i denne underlege forbudstida, har vi invitert scenekunstkritikarane Grethe Melby (BT), Chris Erichsen (scenekunst.no) og Therese Bjørneboe (Redaktør, Norsk Shakespearetidsskrift).

Samtalen vert leia av Idun Vik. 

Dansar og koreograf Jonas Pedersen fra Høyanger har eit nostalgisk forhold til vestlandsnaturen han vaks opp i. 

Dramatikar Camara Joof vart invitert til å sitte ved ei bestemt fjordutsikt og skrive tekst til Desibel, medan komponist Terje Isungset gjerne finn musikken sin i fleire tusen år gamal is. Idun Vik samlar nokre av kunsntarane bak bestillingsverka «Røyst» og «Ripe» til ein samtale om inspirasjon, frykt og kjærleik,  i spennet mellom individ og natur.