RADIO NOVA

Alberto Rodríguez entrevistou en MUNDO DEPORTIVO DO VERDUGO-OITAVÉN a Jaime Otero, delegado da Federación Galega de Fútbol en Pontevedra para aclarar un problema denunciado pola nai dun xogador xuvenil do Pontecaldelas nesta emisora que se queixaba de que o seu fillo fora atendido na Clínica Quirón (antigo Hospital Domínguez) en urxencias e que lle fixeran unhas placas e que despois, para pasar consulta, lle dixeron que tería que abonar 60 euros que, ao final, convertíronse en 120 euros.

Falamos con Gloria Cardama que pronunciará unha conferencia sobre o Síndrome de Dravet mañá xoves dentro dos actos organizados con motivo da IV Feira Artesanal e Solidaria de Fornelos de Montes e que terá lugar no Multiusos. Gloria Cardama falounos da actividade que organiza a Fundación da que é representante en Galicia e das peculiaridades dunha enfermidade cualificada como "rara", de orixe xenética e que se manifesta con ataques de epilesia.

Entrevistamos ao alcalde de Fornelos de Montes, Emiliano Lage, a raíz da celebración da IV Feira Artesanal e Solidaria que vai ter lugar mañá xoves no Multiusos deste concello. Lage agradeceu o esforzo das organizadoras, coas que colabora o Concello de Fornelos, e salientou a vocación solidaria dos veciños e veciñas deste municipio non só con esta causa senón con outras moitas como a recollida de tapóns ou a colaboración coa programa Vacacións en Paz que trae a nenos e nenas saharauis a pasar dous meses no verán neste municipio.

Entrevista a José Touceda Magariños xerente da empresa Touceda CB

Entrevista a Ana Leiro Sobral en Caza e Natureza 06122016

Programa a Saúde na Despensa 06/12/2016 con Cali Carabelos

Entrevista a Francisco Domínguez Fernández presidente do tecor A Laxe

Alberto Rodríguez entrevistou no programa MUNDO DEPORTIVO DO VERDUGO-OITAVÉN a Javi Canda, autor do gol do A Lama, S.D. no partido disputado este domingo en Racelo fronte ao Vilaboa. Este gol, de "chilena" foi considerado polo programa EN XOGO, da TVG como o de mellor factura de Galicia na pasada xornada.

Alberto Rodríguez manifestoulle á familia de Eliseo Lopo González, ex alcalde de Ponte Caldelas, o seu pesar polo seu pasamento. Rodríguez destacou que durante o mandato de Eliseo Lopo ao fronte da Alcaldía fundouse a Sociedade Cultural Deportiva Pontecaldelas, que sempre contou co apoio do Concello.

Falamos con Cruz Vila, organizadora da IV Feira Artesanal Solidaria que vai ter lugar este xoves 8 de decembro, día festivo, no Multiusos de Fornelos de Montes e que este ano vaise dedicar á solidariedade cos nenos e nenas con enfermiddes chamadas como raras. A entrada será de balde. Paralelamente terá lugar unha ruta de pinchos solidaria polos establecementos hostaleiros de Fornelos a un prezo de 2 euros. Haberá conferencias, actuacións de zumba e musicais e toda unha serie de actividades lúdicas para os máis pequenos.