Radio Occitania

Dempuèi dètz ans ara, molons d'estructuras trabalhan amassa per far viure una filièra novèla : la del doblatge en occitan ! Atal se poguèron presar d’òbras divèrsas per de publics divèrses dobladas en occitan coma lo Ussard sul tèit e Cyrano de Brageirac de Jean-Paul Rappeneau, Terminator 2 de James Cameron, Brendan e lo secret de Kells… etc. Se aquò vos ditz de far partida d’aquela aventura, poiriatz participar a la formacion al doblatge programada del 8 al 12 de mai entre Peirigòrd e Bearn. Lo capmèstre d’aquela formacion, lo comedian Laurenç Labadia, ne nos recapitula lo contengut.

Soutenez-nous sur Patreon et HelloAsso !

La nòva tombèt lo 13 de març de 2024 : lo president de la Generalitat Pere Aragonés anoncièt alara la dissolucion venenta del Parlament de Catalonha e la tenguda d’eleccions autonomicas anticipadas pel 12 de mai de 2024. 

Prenguèt aquela decision a la seguida d’una majoritat impossibla a trobar sul vòte del budgècte de la Generalitat. 

D’ont ven aquela androna politica dins la quala se tròban los vesins catalans ? 

D’unes elements de responsa amb lo nòstre confraire de Jornalet, Ferriol Macip, que seguís e viu aquela actualitat de prèp.

Soutenez-nous sur Patreon et HelloAsso !

Antoine Raimbault réalisateur de l'excellent film "Une affaire de principe"

Jacques Dandelot pour parler des OGM

Jean-Marc Desfilhes attaché parlementaire de Benoît Biteau et José Bové

Frédéric Berthelot de l'association ICARE

Marc de la maison Berthe Guilhem cosmétiques bios

Soutenez-nous sur Patreon et HelloAsso !

L’una es una cantairitz soprano lirica, l’autra es acordeonista classica. Claire Bouyssou e Maylis Arrat, musicianas complidas forman lo duò Acrilys al repertòri tan original coma eclectic. Vos pòdon far ausir de cantas ancianas coma d’òbras compausadas dins l’après-guèrra… Bach, Monterverdi, Kurt Weill o encara los barròcas occitans, an de tot dins la biaça e prenon plaser a ne vos far profitar. Las avèm rencontradas a Tolosa, del temps qu’aprèstan lor prestacion venenta al festenal Passa Pòrts, organizat del 25 al 30 de mars a Sent Gaudens.

Soutenez-nous sur Patreon et HelloAsso !

Aquelas tres linhas del sinòpsis bastan a plantar lo decòr e… donar enveja de ne conéisser la seguida : « un òme en veitura en 2009, una bruèissa en 1485, un coble de paisans en 2012, un jovent en 1941 e un repais en 2023. Lor punt comun ? Lor istòria es vertadièra ».

Alavetz, de qu’es aquela istòria doncas « vertadièra » d’aquelas personas desconegudas ? 

Es la que conta lo Florant Mercadièr dins son recuèlh de novèlas « Quatre vidas e una mòrt » publicat ongan en cò d’Edite-moi. 

Mai d’explicacion de la part de l’autor.

Soutenez-nous sur Patreon et HelloAsso !

Far d’estòp en demandant son camin en occitan, ne pantaissàvetz, lo Collectiu Dètz o faguèt ! Atal nasquèt la seria « Fai la rota » a mièg-camin entre « Pékin Express » e « J’irai dormir chez vous » que se declina en mantuns episòdis que se pòdon visionar dins l’emission « Viure al País » o alavetz sus la plataforma france.tv o encara YouTube. Davant la camerà Anaèl Garcia Drieu e darrièr Estela Blenet que nos a explicat lo concèpte.

Soutenez-nous sur Patreon et HelloAsso !

Alidé Sans es de retorn amb un album nòu titolat « Arraïtz ». Tot es dich dins lo nom : la cantaira aranesa torna a la font amb uèit cançons eissidas de la tradicion orala, adobadas a la salça electro-pop, mercés a l’acompanhament del productor galician Iago Pico.Encontra amb l’artista que, coma de costuma, se donèt d’a fons sus aquel repertòri que trenca amb lo de sos albums d'abanç. 

Soutenez-nous sur Patreon et HelloAsso !

Lo 16 de març a 20h30, lo COMDT de Tolosa aculhís lo duo trad « Face à Phasmes ». Aquò va cercar luènh, amb a la basa los collectatges de musicas tradicionalas del centre de França e tanben d’incursions de la techno minimala atal coma del hip hop. Lo parelh es compausat de Joanny Nioulou a las cornamusas e de Lucien Pillot, a la sansònha altò. Avèm volgut saber a de qué s’esperar se passam la pòrta del COMDT dissabte de ser.

Soutenez-nous sur Patreon et HelloAsso !

L’Union Democratica Bretona, partit autonomista breton, festeja sos seissanta ans d’existéncia. Aquel aniversari serà marcat per una fèsta lo 27 d’abril a Pontivy (Mor Bihan) amb a la clau : de taulas redondas, un salon del libre e (solide) un fest noz. Per l’existéncia, los militants festejaràn tanben los seissanta ans del jornal de l’UDB, « Le Peuple Breton », n’avèm parlat amb lo conselhièr regional e cap redactor Gaël Briand.

Soutenez-nous sur Patreon et HelloAsso !

Mesclar lo subjècte d’actualitat bruta al supòrt nòble del libre, es lo quite principi de çò que dison los « mooks », un tèrme mesclant los mots « magazine » e « book ». Un an fa, sus una idèa d’Eric Fraj, las edicions Reclams se lancèron dins aquel format particular amb la colleccion « los ABC del saber » e un primièr numèro abodat a la tematica de la guèrra. Aqueste còp, lo numèro novèl dels ABC del saber se consacra el a la tematica de l’energia jos la direccion de l’universitari paulin Jaume Jaussaud.

Soutenez-nous sur Patreon et HelloAsso !