Radio Occitania

Las edicions Letras d'òc acaban de publicar d’enregistraments de contes populars mas tanben de tèxtes literaris en occitan, realisats per legeires que mestrejan cap e tot l’occitan.

Joan Eigun, capolièr de las edicions Letras d’Òc ne nos a faita la presentacion amb de vertadièrs tròces de paraula d’òc al dintre.

Soutenez-nous sur Patreon et HelloAsso !

De l’autre costat de l’Atlantic, los especialistas en lengas romanicas semblan descobrir que la lenga nòstra se parla encara. Sovent, la se creson ja mòrta dempuèi de sègles. Per tornar metre las causas dins l’òrdre, lo doctorant Oliver Whitmore prepausa d’elaborar una mena de guida a destinacion dels estudiants per se mainar que l’occitan se parla encara, que i a totjorn una produccion literària e que ne cal conéisser l’evolucion dempuèi lo sègle XIII ! Una enquèsta en linha es disponibla duscas al 12 de febrièr dins la quala los locutors occitans pòdon recomandar de domenis d’estudi per far conéisser la lenga als Estats-Units mas tanben al nivèl internacional. Oliver Whitmore nos a descrit sa desmarcha dempuèi lo campus californian de Berkeley.

Soutenez-nous sur Patreon et HelloAsso !

Aquò comencèt per un trabalh de comanda pel compte de la MARPOC de Nimes. A l’estiu de 2023, l’associacion culturala gardenca organisèt tota una jornada consacrada a Robèrt Lafont dins l’encastre de son Universitat Occitana d’Estiu. Eric Fraj bastiguèt doncas per l’escasença tot un repertòri a partir de poèmas redigit au començament de l’òbra lafontiana. E dempuèi, un projècte de libre-disc se concretisa pauc a pauc amb d’unes articles prèstes a èsser publicats e sèt títols enregistrats mercés al sosten de las seccions audenca, gardenca e provençala de l’IEO. Avèm fait un punt complet amb Eric Fraj sus l’avançament del libre-disc « Parle a un pòble » a man d’èsser publicat al mes d’abril en cò de Tròba vox.

Soutenez-nous sur Patreon et HelloAsso !

En 1904, Frederic Mistral emportèt lo prèmi Nobel de literatura per son òbra « Mirelha » venent atal lo sol laureat de lenga minorizada. Cent vint ans mai tard, lo CIRDOC-Institut occitan de cultura vòl marcar lo còp mercés a tota una seria de manifestacions destinada a explorar l’òbra mistralenca e ne donar un agach novèl. Primièra d’una longa seria : una sesilha de lecturas numericas d’òbras de Mistral en portant una atencion tota particulara sus sas figuras femeninas. Aquò se debana lo 18 de mars a 18h30 sus la pagina FB del CIRDOC. Sandra Juan, encargada de las cooperacions, ne nos fa lo detalh.

Soutenez-nous sur Patreon et HelloAsso !

Imaginatz que lo vòstre vilatge venga una granda sala de las fèstas que s’i contan d’istòrias al canton… Dempuèi tres ans, es l’escomesa que fa la SCOP Sirventès amb son festenal itinerant « La tuta a contes ». En mobilisant totas las contairas e totes los contaires del catalòg atal coma que d’artistas convidats, se pòrta atal la bona paraula dins l’ensemble dels vilatges de la comunautat de comunas dels Causses a Aubrac. Ongan lo rendètz-vos es donat del 15 al 17 de mars entre Sant Laurenç d’Òlt, Busens e Severac d’Avairon. Mai de precisions amb lo contaire Ives Durand, que figura al programa.

Soutenez-nous sur Patreon et HelloAsso !

Nouvel épisode durant lequel Fabienne Prost et Caroline Can font entendre des voix issues du monde entrepreneurial, des arts, de la musique, et même des oubliettes de l'Histoire.

Fabienne apporte d'abord sa réflexion sur l'âgisme et notamment quand il pointe les femmes, puis donne la parole à l'entrepreneuse Lucie Rondelet, créatrice d'un média dédié aux femmes, Celles qui osent. Caroline boucle ensuite son tour historique des luttes féministes des dernières décennies, en se fondant sur la dernière grande partie du livre Rage against the machisme, consacrée aux violences sexuelles.

Il est toujours question d'Histoire, mêlée cette fois-ci à l'art : entre exposition d'artistes femmes au musée des Beaux-Arts de Lille et essai sur l'effacement des femmes de Titiou Lecoq, on se penche sur les tristes manœuvres d'oubli à leur encontre - qui se rétablissent ! Puis l'on vous invite à une initiative qui donne la part belle aux musiciennes femmes et minorisées:  une soirée jam de FOM dans un club de jazz à Toulouse. 

Détour par le Sri Lanka où séjourne Alice, pour conclure ce numéro.

A la suite de l'émission, l'épisode 7 de Héroïnes ordinaires de plus de 50 ans sera diffusé. Il met en lumière Annie Sarfati, une femme de 78 ans, bien dans ses baskets qui a l'appétit de vivre, et qui sait le transmettre.

Références citées dans l'émission:

Livres:

Rage Against The Machisme, de Mathilde Larrère (Ed. du Détour et Poche)

Les Grandes Oubliées. Pourquoi l'Histoire a effacé les femmes, de Titiou Lecoq (Ed. L'Iconoclaste)

Référence web: 

fommaisondartistes.com

Podcasts:

Smartlink du podcast Héroïnes ordinaires de plus de 50 ans

https://smartlink.ausha.co/les-heroines-ordinaires-de-plus-de-50-ans  

Musiques:

Ah ! que la vie est belle, de Brigitte Fontaine

Killing in the Name, de Rage against the machine (extraits)

Vent Castanhèr, de Thérèse Pambrun et mise en musique par Nadèta Carita (extrait)

Le récupérateur d'eau de pluie, de Totun

Confess, de Piche

Soutenez-nous sur Patreon et HelloAsso !

Es totjorn un plaser d’aver de las loras nòvas.

Lo triò vocal desencalat en mòde « Occitan Ministers » Aqueles, contunhan de tirar camin.

Van e venon dins lòcs dispariers ont s’esfòrçan de menar un peçic de convivencia a braves còps de cantas occitanas revisitadas, acompanhadas de  riffs de contrabassina o encara de tustas de bomba.

Eràn de passatge a Tolosa, a la sala de la Candèla lo 16 de març a 20h30. Aimat Brees, un d’Aqueles, ne nos ditz mai sul triò e suls seus projèctes al costat.

Soutenez-nous sur Patreon et HelloAsso !

Es una paradòxa de las estonantas. Coneissèm mai Alem Surre-Garcia coma pensaire, conferencièr o ensagista… mas quid del poèta sensible e prigond ? 

Dins la dralha de la sortida del libre « La convivéncia » que n’avèm parlat amb l’autor sus aquesta antena, se combina una creacion apelada « Les mots d’Alem » dins la quala un triò format de Guillaume Lopez, Serge Lopez e Louis Navarro canta, escanda o mormolha los vèrses de l’autor tolosan. 

Guillaume Lopez es tornat amb nosautres sus la genèsi d’aquel espectacle qu’es primièr la frucha d’una longa amistat.

Soutenez-nous sur Patreon et HelloAsso !

Alexeï Navalny, principal opausant a Vladimir Potine, es mòrt en preson. Julian Assange, fondator del site Wikileaks que desvelèt de documents classificats suls metòdes de l’armada estasunidenca en Iraq, risca l’extradicion als Estats-Units… La rason d’Estat o empòrta encara fàcia a la libertat d’expression ? Es la question que pausan los sòcis del Partit occitan a la seguida d’un comunicat que met aquelas doas novèlas sus un meteis plan. N’avèm devisat amb Dàvid Grosclaude, sòci del burèu federal del PÒc.

Soutenez-nous sur Patreon et HelloAsso !

Al cap de tres ans, lo projècte portat per l’Inti Cohen (pel biais de l’Erau Dub Sound) es man de crebar l’uòu.

Pòrta sus l’òbra del poèta persan Omar Khayyam que visquèt dins l’Iran d'ara a l’Edat-mejana. Foguèt famós mercés a sos « Rubaiyat », equivalent dels nòstres quatrins.

Pel biais de son album venent « Skanking Khayyam », l’Erau Dub Sound fa non solament omenatge a l’òbra del poèta mas ne prepausa de versions occitanas e francesas pausadas sus un dub tanlèu planant tanlèu ritmat. Explicacion de tèxte amb Inti Cohen.

Soutenez-nous sur Patreon et HelloAsso !