Radio Occitania

André Neyton, dramaturg e empontaire de Var, s’es fait una especialitat de contar Provença a travèrs los episòdis grands de l’Istòria de França.
Amb sa darrièra pèça « Los trompa-la-mòrt de l’an II », tornam al temps de la Terror.

Interpretada en francés, amb d’unas frasas en occitan acompanhant los dialògs, aquela òbra torna traçar la repression menada contra Provença pels Jacobins, majoritaris a la Convencion.

Doas vistas de la Republica s’encaran: lo biais radicala dels Jacobins contra lo biais moderat dels Girondins… Encarnats per dos personatges. Lo notari tolonenc Victor Trucy (Girondin) presonièr del deputat Paul Barras (Jacobin).    

Soutenez-nous sur Patreon et HelloAsso !

Artistas de la region de Tolosa, als vòstres dossièrs ! Se torna aviar lo dispositiu d’acompanhament Focus d’Opus elaborat pel webzine Opus Musiques e sos partenaris. Avètz encara quinze jorns per candidatar en telecargant lo formulari sul site opus-musiques.fr. Marlène Lorrain, encargada de comunicacion de la chorma nos dona d’unas informacions practicas.   

Soutenez-nous sur Patreon et HelloAsso !

Pel segond còp, la Federacion Calandreta de Miègjorn-Pirenèus organiza, una matinada pòrtas obèrtas, comuna a totas las escòlas Calandreta de sa region. Se passarà lo dissabte 3 de febrièr de 2024 de 9h30 a 12h30. Aquel rendètz-vos serà l'ocasion de presentar l'escòla, de far descobrir lo projècte Calandreta, e sa pedagogia a las familhas interessadas per inscriure lor(s) mainatge(s) a Calandreta per la dintrada escolara de setembre de 2024. Mai de precisions amb Noemia Verney salariada de la federacion regionala de Calandreta.

Soutenez-nous sur Patreon et HelloAsso !

Amb son documentari « Un díder de huec », Patric Lavaud nos dona d’unas claus per comprendre lo poèta e artista complet que foguèt Bernat Manciet. Amb sa camerà nos passejam dins la granda Landa del costat de Sabras. Caminam, timides fàcia a las poissentas èrsas de la Mar granda. Entremesclat de lecturas del comedian Christian Loustau e d’una entrevista de Joan-Pèire Tardiu, companh de rota de Manciet a la revista Òc, Lavaud nos liura un portrait mai fisèl que siá d’aquela personalitat originala.

Soutenez-nous sur Patreon et HelloAsso !

A Tolosa avèm lo Sòl Violette, a Baiona an los Euskos e a Niça an los Nissards ! Volèm parlar aquí de monedas localas que s’escàmbian contra d’euros e que se pòdon utilisar per far de crompas dins de comèrcis partenaris. Del costat de la Comtèa, se pòdon dispausar de bilhetas de 1 a 100 nissarts estampilhats « República de Nissa » amb de grandas caras coma Garibaldi, Catarina Segurana o encara Menica Rondelly autor de la famosa cançon « Nissa la bèla »… Mai de precisions amb un dels iniciators d’aquela moneda locala, l’occitanista Cristòu Daurore.

Soutenez-nous sur Patreon et HelloAsso !

« Convivéncia ». A l’usatge, aquel tèrmi poiriá semblar bufèc, se es utilisat per de monde que ne vòlon far un eslogan sens cap de realisacion concreta a la clau… Coma es lo cas amb son equivalent francés de « vivre-ensemble », teorizat per Ernest Renan que s’espia de mai en mai amb cinisme tant los que l’emplegan sabon pas eles-meteisses çò que significa vertadièrament. Amb son libre eponime « Convivéncia », Alem Surre-Garcia ensaja el de donar de sens a aquela valor de la societat occitana classica. Avèm ensajat amassa de ne dessenhar los entorns a l’escasença de la publicacion de son libre a las edicions Tròba Vox lo 6 de febrièr.

Soutenez-nous sur Patreon et HelloAsso !

Un anar-tornar a Chicago mai tard… Es tornar lo parelh CXK format per Paulin Courtial e Dimitri Kogane. Ne resulta un album ròck poderós que va dret a l’essencial e fa sonar la lenga occitana coma jamai. Sortida prevista lo 29 de mars. Fasèm lo bilanç d’aquela aventura estasunidenca amb lo guitarista Paulin Cortial, plan urós de l’aver temptada.

Soutenez-nous sur Patreon et HelloAsso !

Pel quatren còp, l’Agéncia Virasolelh autreja un prèmi a un o una artista cantant en lenga occitana. Lançat en 2021 pel Joan-Marc Leclercq, a per mira de recompensar los artistas per lor originalitat, lo melhor clip vidèo, lo melhor tèxte o encara (per menas musicalas) la melhora cançon trad, fòlc, world e ròck. Avèm devisat del palmarès 2024 amb Joan-Marc Leclercq, iniciator d’aquel concors.

Soutenez-nous sur Patreon et HelloAsso !

Partit de la basa, lo movement dels agricultors pren d’ample amb de reinvindacions simplas de far conéisser al govèrn : una concurréncia leiala, un revengut juste pels productors e l’arrèst de las negociacions entre UE e Mercosur. Coma lo de las giletas jaunas, lo movement dels agricultors investís los giratòris e recep un grand sosten de la part de la populacion dels alentorns. Foguèt lo cas per aqueles agricultors tarneses sòcis de la Confederacion paisana de Tarn dont Daniel Coutarel. Nos a rapelat las reinvindicacions de son sindicat, pas tant aluenhadas qu’aquò de las de las autras centralas.

Soutenez-nous sur Patreon et HelloAsso !

E se deman, lo departament de Pirenèus-Orientals cambiava de nom ? Seriá possible se la desmarcha entamenada per la majoritat al Conselh departamental va duscas al cap. L’idèa : donar un nom a aquela collectivitat mai en acòrd amb la cultura catalana qu’es una de las causas dins las qualas los estatjants del departament se reconeisson majoritàriament, excepcion faita pel país occitan de Fenolheda. Avèm demandat al primièr vice-president departamental Nicolas Garcia de nos detalhar lo calendièr d’aquela iniciativa que se deu conclure en fin d’annada per una proposicion mandada al Conselh d’Estat.    

Soutenez-nous sur Patreon et HelloAsso !