Radio Occitania

L’avètz benlèu ausida a l’antena de Ràdio Occitania, per un divendres de matin cap a 9h. Dins son emission « Lo 30 Bolega », la gardenca Claudina Paul, aliàs Ester Lucada, vos fa profitar de sas passejadas per Occitania e tanben pel mond tot… e vos sap far viatjar amb ela ! Pasmens, aquela ensenhaira a la vila se podiá pas contentar d’aquò. En mai de sas emissions de ràdio, fa la guida conferencièra per far descobrir Provença rodanenca o encara fa la contaira sul site d’Ambrussum per la nuèit dels musèus. Vos prepausam d’anar al rencontre d’una iperactiva de la transmission.

Soutenez-nous sur Patreon et HelloAsso !

Imaginatz-vos… Tota una jornada consacrada a vos iniciar al cant occitan e d’autres païses o alara a las tecnicas vocalas e l’improvizacion amb onze intervenires de renom. Es çò que vos espèra se vos anatz passejar del costat de Carcin, per la comuna de l’Albenca lo 9 de març a l'escasença de "Cantem sul pic". Dins la còla organizatritz, Mickaël Courdesses, cantaire e cap de còr que nos parla d’aquela jornada estudiosa e ambiciosa dins sos objectius.

Soutenez-nous sur Patreon et HelloAsso !

Radio Occitania èra presenta lo jorn de la primièra acampada generala de l’associacion « La Gardarem » a Rodés. Sa mira : crear las condicions per reviscolar Estivada e subretot son esperit. Tres meses mai tard, apareguèt suls malhums socials un visual, de datas e un luòc per la Nov’Estivada, rampa de lançament per tornar bastir dapasset un festenal interregional occitan pel parçan de Rodés. Olivièr Daillut, sòci eminent de l’associacion « La Gardarem » ne nos a detalhat un pre-programa.

Soutenez-nous sur Patreon et HelloAsso !

Te desiran la benvenguda… dins un univèrs mornarós e grís que fa figura d’anti- carta postala. Lo parelh de rapaires Antes e Madzes nos venon de Rodés ont, coma endacòm mai, una partida de la populacion se sentís blocada dins una espirala entre languiment e fatalisme. En d’autres tèrmes, los dos artistas te desiran la benvenguda dins lo monde del monde daissats de caire per la "start up nation". N’avèm devisat amb Madzes, un dels dos autors, acompanhat de Léo Magod, un dels dos compositors de la chorma. Una release party s’aprèsta entre París, Revel e Rodés entre mars e Abril… Sèm anats al lor rencontre a l'escasença de la sortida del primièr single del lor EP venent : "Bienvenue chez nous". (Fòto Mathieu Lacout) 

Soutenez-nous sur Patreon et HelloAsso !

L’autora provençala Josiana Ubaud a jamai la lenga dins sa pòcha. Se pòt constatar en donant una espiada a son site web que compila de documents en rapòrt amb son trabalh de lexicografa o d’etnobotanista… mas tanben çò que ditz « las orrors », comprenètz : d’errors o de formas incorrèctas passadas dins l’occitan de cada jorn o encara de citacions e escrits clarament glotofòbas. Es per aquò que la cercaira mobilisèt tot son saber-far scientific per compilar tota aquel triste verbatim que li serviguèt de matèria primièra a son darrièr obratge « La romèca occitanofòba » a las edicions l’Aucèu Libre… un pamflet ferotge vestit en conte ont totes los tenents de la lenga unica universala e esclarida ne prenon pel lor grade. Explicacion de tèxte amb Josiana Ubaud.

Soutenez-nous sur Patreon et HelloAsso !

De qué se son pogut dire ? Èra la question qu’òm se podiá pausar a la seguida del rencontre entre de liceans del collectiu « Pour que vivent nos langues » e de deputats del grop d’estudi parlamentari sus la lengas lengas regionalas. Cada jovent a pogut testimoniar de las dificultats que rescontran per aprendre lor lenga dins lors regions respectivas. Resson d’una discutida prolifica, per la quala avèm demandat tanben de qué ne serà la seguida al deputat breton Paul Molac.

Soutenez-nous sur Patreon et HelloAsso !

Eva Cassanhet fa partir dels autors mai prolifics dins l’audiovidual occitan. Après la seria « Lo banc » s’en tòrna darrièr la camerà al mes de julhet per una novèl format contant las istòrias d’un gojat que lança son food truck « Lo clacamion » en companhiá de sa grand. Lo truc de las generacions es garantit entre los dos personatges… Eva ne nos ditz mai sus sa novèla creacion.

Soutenez-nous sur Patreon et HelloAsso !

Lo rendètz-vos èra donat a 12h a l’angle de las carrièras de Grenelle e Saint-Simon a París. Atal, lo 7 de febrièr, 42 liceans venguts d’en pertot (Alsàcia, Bretanha, Occitania, País basc) protestèron contra la manca de mejans autrejats a l’ensenhament de las lengas ditas regionalas… A l’apèl del collectiu « Pour que vivent nos langues ». Sièis d’entre eles foguèron puèi recebuts a l’Assemblada nacionala per testimoniar sul sicut. Anne Wildy-Bach, sòcia de l’associacion Eltern Alsace, acompanhèt los jovents dins lor accion e ne nos faguèr resson.

Soutenez-nous sur Patreon et HelloAsso !

Mesclar tradicion orala e punk a la salça « The Clash », es la recèpta que vos prepausa la chorma de Papa Gahús dempuèi 14 ans. Aqueles bigordans, en mai d’enfuocar los endrets ont passan, ne profièitan per far ausir la votz de personas collectadas per Pirenèus que son una matèria primièra de tria per tornar fondar un ròck popular. Après « Calhavari » en 2019, s’en tornan per una novèla seria de concèrts e tanben un disc novèl en preparacion al tèrç-lòc La Soulane. Mai de precisions amb lo cantaire bolhent de Papà Gahús, Silvan Carrèra.   

Soutenez-nous sur Patreon et HelloAsso !

A La Topina, se contentan pas de servir de qué beure e de qué manjar… Vos prepausan a còps de concèrts, de talhièrs de lenga e tanben… de mòstras. Darrièr exemple en data : l’artista « Camp liure » alias Lauria Privat dont poiretz contemplar l’univèrs del 10 de febrièr fins al 16 de mars dins lo bar tapas occitan.

Soutenez-nous sur Patreon et HelloAsso !