Radio Sunnmøre

I Mediekommentaren frå Tro & Medier denne veka tek Bergitte Viste opp nokre tankar om korleis vi kan normalisere seksualitet, framfor å normalisere ein seksualisert kultur, noko vi opplever at fleire gjer ved for eksempel å bruke pornografiens språk. 

Høyr vekas mediekommentar frå Tro & Medier.

(Foto_Bergitte Viste/Heltfri.net)

To av Robert Tjomlid sine dikt kjem no på trykk på tskjorter. Det er Fair&Square som lagar desse t-skjortene som er etisk produserte plagg, og der salet av t-skjortene går til å hjelpe fleire. Tjomlid fortel i eit intervju kva salet av desse t-skjortene går til, og kva han sjølv vil bruke sitt overskot på salet av. 

Ved kjøp av ei av t-skjortene gir du då ei julegåve til fleire. Høyr meir i intervjuet med Robert Tjomlid.

Sjølv om det i dag er vanskeleg å samlast til foreldremøte i skulen, så er det viktig å ha kontakt med kvarandre. Barnevakten kjem med fleire tips og idear til korleis dette kan gjerast, og kvifor det kan vere bra å ha ein kommunikasjon foreldre seg i mellom når dei fleste elevar i dag har eit sosialt liv på digitale plattformer. Høyr vekas intervju med dagleg leiar i Barnevakten, Leif Gunnar Vestbøstad Vik.