Радыё Свабода / Радыё Свабодная Эўропа

Якія перавагі і недахопы вяртаньня ў сваю краіну палітычнага лідэра, калі пры вяртаньні існуе пагроза яго свабодзе, здароўю і жыцьцю? Гэтае пытаньне ў Праскім акцэнце абмяркоўваюць палітоляг Андрэй Казакевіч і мэтадоляг, філёзаф, грамадзкі дзеяч Уладзімер Мацкевіч.

Якім быў гістарычны досьвед эпохаў палітычнай рэакцыі ў Беларусі: пасьля паўстаньня 1863 году, пасьля расейскай рэвалюцыі 1905 году, пасьля Плошчы-2010? У якой ступені брутальнасьць рэакцыі абумоўлена псыхалягічнымі асаблівасьцямі яе лідэраў? Што ў гісторыі паўтараецца са стагодзьдзя ў стагодзьдзе?

Над гэтымі тэмамі ў Праскім акцэнце разважаюць гісторык Павал Церашковіч і доктар, грамадзкі дзеяч Дзьмітры Шчыгельскі.

Чаму Лукашэнка заплянаваў падрыхтаваць праект новай Канстытуцыі да канца 2021 году? Якая роля ў гэтых плянах Усебеларускага народнага сходу? Што можа супрацьпаставіць апазыцыя гэтым плянам? Якой будзе рэакцыя Масквы на такія пляны Лукашэнкі?

Гэтыя пытаньні ў Праскім акцэнце абмяркоўваюць палітычныя аналітыкі Валер Карбалевіч і Аляксандар Класкоўскі.

Абнародаваньне інфармацыі аб плянах КДБ Беларусі забіць палітычных эмігрантаў — ці зробіць гэта Лукашэнку і яго паплечнікаў тэрарыстамі ў вачах Захаду? Якую палітычную ролю адыграюць «стужкі генэрала Зайцава» ва ўкраінскіх спрэчках наконт справы Паўла Шарамета? Якую ролю адыграла і адыграе Расея ў гэтым скандале?

Гэтыя пытаньні ў Праскім акцэнце абмяркоўваюць дырэктар украінскага Інстытуту сусьветнай палітыкі Яўген Магда і навуковы супрацоўнік дасьледчага цэнтру Барыса Нямцова ў Празе, экспэрт міжнароднай ініцыятывы iSANS (The International Strategic Action Network for Security) Аляксандар Марозаў.

Як зьбіраецца мяняць Канстытуцыю Лукашэнка? Ці можа пратэст скарыстацца Ўсебеларускім сходам? Ці даможацца Расея сваіх мэтаў наконт канстытуцыйнай рэформы ў Беларусі? Гэтыя пытаньні абмяркоўваюць доктар палітычных навук, дырэктар інстытуту «Палітычная сфэра» Андрэй Казакевіч і публіцыст, паліттэхноляг Аляксандар Фядута.

Чаму Папа Рымскі Францішак задаволіў прашэньне аб адстаўцы арцыбіскупа Кандрусевіча? Што атрымала ад гэтага Каталіцкая царква? Чым тлумачыцца прызначэньне часовым перамнікам біскупа Казімера Велікасельца?

Гэтыя пытаньні ў Праскім акцэнце абмяркоўваюць палітоляг, дырэктар Беларускага інстытуту стратэгічных дасьледаваньняў Пётра Рудкоўскі і гісторык і журналіст Сяргей Абламейка.

Ці зьбіраецца Лукашэнка праз Усебеларускі сход зьмяніць Канстытуцыю? Ці зможа і ці захоча Расея прымусіць Лукашэнку выканаць сочынскія абяцаньні? Ці скончылася беларуская рэвалюцыя?

На гэтыя пытаньні ў Праскім акцэнце адказваюць палітычныя аналітыкі Валер Карбалевіч і Вадзім Мажэйка.

Як павінныя будавацца адносіны з Расеяй будучай Беларусі без Лукашэнкі? Ці варта Беларусі заставацца ў тых саюзах з РФ, у якіх яна знаходзіцца зараз – у саюзнай дзяржаве, АДКБ і Эўразійскім эканамічным саюзе? Як магчыма, застаючыся ў саюзах з Расеяй, не ўцягвацца ў яе канфрантацыю з Захадам?

Чаму ў Беларусі адбылася рэвалюцыя, якую мала хто прадказваў? Калі б не падтрымка Расеі, Лукашэнка сышоў бы? Ці прайграў гандызм у Беларусі? Чаму рэвалюцыя адбылася пад бел-чырвона-белым сьцягам?

Над гэтымі пытаньнямі ў Праскім акцэнце разважаюць заснавальнік і ўласьнік рэсурсу «Сильные новости» Пятро Кузьняцоў і палітолягі Андрэй Казакевіч, Арсен Сівіцкі і Арцём Шрайбман.

Які прынцып уключэньня асобаў у санкцыйны сьпіс – датычнасьць да рэпрэсіяў ці апаратная «вага»? Ці далі эфэкт папярэднія санкцыі? Гэтыя пытаньні ў Праскім акцэнце абмяркоўваюць беларускі і польскі палітолягі Кацярына Шмаціна і Каміль Клысінскі.