Ashwath Stotram अश्वत्थ स्तोत्रम् ★

नारद उवाच

अनायासेन लोकोऽयम् सर्वान् कामानवाप्नुयात् ।

सर्वदेवात्मकं चैकं तन्मे ब्रूहि पितामह ॥ १॥

ब्रह्मोवाच

श्रुणु देव मुनेऽश्वत्थं शुद्धं सर्वात्मकं तरुम् ।

यत्प्रदक्षिणतो लोकः सर्वान् कामान् समश्नुते ॥ २॥

अश्वत्थाद्दक्षिणे रुद्रः पश्चिमे विष्णुरास्थितः ।

ब्रह्मा चोत्तरदेशस्थः पूर्वेत्विन्द्रादिदेवताः ॥ ३॥

स्कन्धोपस्कन्धपत्रेषु गोविप्रमुनयस्तथा ।

मूलं वेदाः पयो यज्ञाः संस्थिता मुनिपुङ्गव ॥ ४॥

पूर्वादिदिक्षु संयाता नदीनदसरोऽब्धयः ।

तस्मात् सर्वप्रयत्नेन ह्यश्वत्थं संश्रयेद्बुधः ॥ ५॥

त्वं क्षीर्यफलकश्चैव शीतलस्य वनस्पते ।

त्वामाराध्य नरो विन्द्यादैहिकामुष्मिकं फलम् ॥ ६॥

चलद्दलाय वृक्षाय सर्वदाश्रितविष्णवे ।

बोधिसत्वाय देवाय ह्यश्वत्थाय नमो नमः ॥ ७॥

अश्वत्थ यस्मात् त्वयि वृक्षराज नारायणस्तिष्ठति सर्वकाले ।

अथः श्रुतस्त्वं सततं तरूणां धन्योऽसि चारिष्टविनाशकोऽसि ॥ ८॥

क्षीरदस्त्वं च येनेह येन श्रीस्त्वां निषेवते ।

सत्येन तेन वृक्षेन्द्र मामपि श्रीर्निषेवताम् ॥ ९॥

एकादशात्मरुद्रोऽसि वसुनाथशिरोमणिः ।

नारायणोऽसि देवानां वृक्षराजोऽसि पिप्पल ॥ १०॥

अग्निगर्भः शमीगर्भो देवगर्भः प्रजापतिः ।

हिरण्यगर्भो भूगर्भो यज्ञगर्भो नमोऽस्तु ते ॥ ११॥

आयुर्बलं यशो वर्चः प्रजाः पशुवसूनि च ।

ब्रह्म प्रज्ञां च मेधां च त्वं नो देहि वनस्पते ॥ १२॥

सततं वरुणो रक्षेत् त्वामाराद्दृष्टिराश्रयेत् ।

परितस्त्वां निषेवन्तां तृणानि सुखमस्तु ते ॥ १३॥

अक्षिस्पन्दं भुजस्पन्दं दुःस्वप्नं दुर्विचिन्तनम् ।

शत्रूणां च समुत्थानं ह्यश्वत्थ शमय प्रभो ॥ १४॥

अश्वत्थाय वरेण्याय सर्वैश्वर्य प्रदायिने ।

नमो दुःस्वप्ननाशाय सुस्वप्नफलदायिने ॥ १५॥

मूलतो ब्रह्मरूपाय मध्यतो विष्णु रूपिणे ।

अग्रतः शिवरूपाय वृक्षराजाय ते नमः ॥ १६॥

यं दृष्ट्वा मुच्यते रोगैः स्पृष्ट्वा पापैः प्रमुच्यते ।

यदाश्रयाच्चिरञ्जीवी तमश्वत्थं नमाम्यहम् ॥ १७॥

अश्वत्थ सुमहाभाग सुभग प्रियदर्शन ।

इष्टकामांश्च मे देहि शत्रुभ्यस्तु पराभवम् ॥ १८॥

आयुः प्रजां धनं धान्यं सौभाग्यं सर्वसम्पदम् ।

देहि देव महावृक्ष त्वामहं शरणं गतः ॥ १९॥

ऋग्यजुःसाममन्त्रात्मा सर्वरूपी परात्परः ।

अश्वत्थो वेदमूलोऽसावृषिभिः प्रोच्यते सदा ॥ २०॥

ब्रह्महा गुरुहा चैव दरिद्रो व्याधिपीडितः ।

आवृत्य लक्षसङ्ख्यं तत् स्तोत्रमेतत् सुखी भवेत् ॥ २१॥

ब्रह्मचारी हविष्याशी त्वदःशायी जितेन्द्रियः ।

पपोपहतचित्तोऽपि व्रतमेतत् समाचरेत् ॥ २२॥

एकाहस्तं द्विहस्तं वा कुर्याद्गोमयलेपनम् ।

अर्चेत् पुरुषसूक्तेन प्रणवेन विशेषतः ॥ २३॥

मौनी प्रदक्षिणं कुर्यात् प्रागुक्तफलभाग्भवेत् ।

विष्णोर्नामसहस्रेण ह्यच्युतस्यापि कीर्तनात् ॥ २४॥

पदे पदान्तरं गत्वा करचेष्टाविवर्जितः ।

वाचा स्तोत्रं मनो ध्याने चतुरङ्गं प्रदक्षिणम् ॥ २५॥

अश्वत्थः स्थापितो येन तत्कुलं स्थापितं ततः ।

धनायुषां समृद्धिस्तु नरकात् तारयेत् पितृन् ॥ २६॥

अश्वत्थमूलमाश्रित्य शाकान्नोदकदानतः ।

एकस्मिन् भोजिते विप्रे कोटिब्राह्मणभोजनम् ॥ २७॥

अश्वत्थमूलमाश्रित्य जपहोमसुरार्चनात् ।

अक्षयं फलमाप्नोति ब्रह्मणो वचनं यथा ॥ २८॥

एवमाश्वासितोऽश्वत्थः सदाश्वासाय कल्पते ।

यज्ञार्थं छेदितेऽश्वत्थे ह्यक्षयं स्वर्गमाप्नुयात् ॥ २९॥

छिन्नो येन वृथाऽश्वत्थश्छेदिता पितृदेवताः ।

अश्वत्थः पूजितो यत्र पूजिताः सर्वदेवताः ॥ ३०॥

॥ इति अश्वत्थ स्तोत्रं सम्पूर्णम् ॥

Manikarnika Ashtakam मणिकर्णिका अष्टकम् ★

त्वत्तीरे मणिकर्णिके हरिहरौ सायुज्यमुक्तिप्रदौ

वादन्तौ कुरुतः परस्परमुभौ जन्तोः प्रयाणोत्सवे ।

मद्रूपो मनुजोऽयमस्तु हरिणा प्रोक्तः शिवस्तत्क्षणा-

त्तन्मध्याद्भृगुलाञ्छनो गरुडगः पीताम्बरो निर्गतः ॥ १ ॥

इन्द्राद्यास्त्रिदशाः पतन्ति नियतं भोगक्षये ये पुन-

र्जायन्ते मनुजास्ततोपि पशवः कीटाः पतङ्गादयः ।

ये मातर्मणिकर्णिके तव जले मज्जन्ति निष्कल्मषाः

सायुज्येऽपि किरीटकौस्तुभधरा नारायणाः स्युर्नराः ॥ २ ॥

काशी धन्यतमा विमुक्तनगरी सालङ्कृता गङ्गया

तत्रेयं मणिकर्णिका सुखकरी मुक्तिर्हि तत्किङ्करी ।

स्वर्लोकस्तुलितः सहैव विबुधैः काश्या समं ब्रह्मणा

काशी क्षोणितले स्थिता गुरुतरा स्वर्गो लघुत्वं गतः ॥ ३ ॥

गङ्गातीरमनुत्तमं हि सकलं तत्रापि काश्युत्तमा

तस्यां सा मणिकर्णिकोत्तमतमा येत्रेश्वरो मुक्तिदः ।

देवानामपि दुर्लभं स्थलमिदं पापौघनाशक्षमं

पूर्वोपार्जितपुण्यपुञ्जगमकं पुण्यैर्जनैः प्राप्यते ॥ ४ ॥

दुःखाम्भोधिगतो हि जन्तुनिवहस्तेषां कथं निष्कृतिः

ज्ञात्वा तद्धि विरिञ्चिना विरचिता वाराणसी शर्मदा ।

लोकाःस्वर्गसुखास्ततोऽपि लघवो भोगान्तपातप्रदाः

काशी मुक्तिपुरी सदा शिवकरी धर्मार्थमोक्षप्रदा ॥ ५ ॥

एको वेणुधरो धराधरधरः श्रीवत्सभूषाधरः

योऽप्येकः किल शङ्करो विषधरो गङ्गाधरो माधवः ।

ये मातर्मणिकर्णिके तव जले मज्जन्ति ते मानवाः

रुद्रा वा हरयो भवन्ति बहवस्तेषां बहुत्वं कथम् ॥ ६ ॥

त्वत्तीरे मरणं तु मङ्गलकरं देवैरपि श्लाघ्यते

शक्रस्तं मनुजं सहस्रनयनैर्द्रष्टुं सदा तत्परः ।

आयान्तं सविता सहस्रकिरणैः प्रत्युद्गतोऽभूत्सदा

पुण्योऽसौ वृषगोऽथवा गरुडगः किं मन्दिरं यास्यति ॥ ७ ॥

मध्याह्ने मणिकर्णिकास्नपनजं पुण्यं न वक्तुं क्षमः

स्वीयैरब्धशतैश्चतुर्मुखधरो वेदार्थदीक्षागुरुः ।

योगाभ्यासबलेन चन्द्रशिखरस्तत्पुण्यपारङ्गत-

स्त्वत्तीरे प्रकरोति सुप्तपुरुषं नारायणं वा शिवम् ॥ ८ ॥

कृच्छ्रै कोटिशतैः स्वपापनिधनं यच्चाश्वमेधैः फलं

तत्सर्वे मणिकर्णिकास्नपनजे पुण्ये प्रविष्टं भवेत् ।

स्नात्वा स्तोत्रमिदं नरः पठति चेत्संसारपाथोनिधिं

तीर्त्वा पल्वलवत्प्रयाति सदनं तेजोमयं ब्रह्मणः ॥ ९ ॥

Pashchanupurvi (Reverse) Chanting of Namokar Mantra णमोकार मन्त्र की पश्चानुपूर्वी (उल्टी) जाप ◆

णमो लोए सव्वसाहूणं

णमो उवज्झायाणं

णमो आईरियाणं

णमो सिद्धाणं

णमो अरिहन्ताणं ◆

Daridrya Dahan Shiv Stotram दारिद्र्य दहन शिव स्तोत्रम् ★

विश्वेश्वराय नरकार्णव तारणाय

कर्णामृताय शशिशेखर धारणाय

कर्पूरकांति धवलाय जटाधराय

दारिद्र्य दु:ख दहनाय नम: शिवाय।

गौरी प्रियाय रजनीशकलाधराय

कालान्तकाय भुजगाधिप कंकणाय

गंगाधराय गजराज विमर्दनाय

दारिद्र्य दु:ख दहनाय नम: शिवाय।

भक्तिप्रियाय भवरोग भयापहाय

उग्राय दुर्गभवसागर तारणाय

ज्योतिर्मयाय गुणनाम सुनृत्यकाय

दारिद्र्य दु:ख दहनाय नम: शिवाय।

चर्माम्बराय शवभस्म विलेपनाय

भालेक्षणाय मणिकुंडल मण्डिताय

मंजीर पादयुगलाय जटाधराय

दारिद्र्य दु:ख दहनाय नम: शिवाय

।

पंचाननाय फनिराज विभूषणाय

हेमांशुकाय भुवनत्रय मण्डिताय

आनंदभूमिवरदाय तमोमयाय

दारिद्र्य दु:ख दहनाय नम: शिवाय।

भानुप्रियाय भवसागर तारणाय

कालान्तकाय कमलासन पूजिताय

नेत्रत्रयाय शुभलक्षण लक्षिताय

दारिद्र्य दु:ख दहनाय नम: शिवाय।

रामप्रियाय रघुनाथवरप्रदाय

नागप्रियाय नरकार्णवतारणाय

पुण्येषु पुण्यभरिताय सुरर्चिताय

दारिद्र्य दु:ख दहनाय नम: शिवाय।

मुक्तेश्वराय फलदाय गणेश्वराय

गीतप्रियाय वृषभेश्वर वाहनाय

मातंग चर्मवसनाय महेश्वराय

दारिद्र्य दु:ख दहनाय नम: शिवाय।

दारिद्र्य दहन शिव स्तोत्र और अर्थ

~

जो विश्व के स्वामी हैं,

जो नरकरूपी संसारसागर से उद्धार करने वाले हैं,

जो कानों से श्रवण करने में अमृत के समान नाम वाले हैं,

जो अपने भाल पर चन्द्रमा को आभूषणरूप में धारण करने वाले हैं,

जो कर्पूर की कांति के समान धवल वर्ण वाले जटाधारी हैं,

दारिद्र्य रुपी दुःख का नाश करने वाले शिव को मेरा नमन है|

जो माता गौरी के अत्यंत प्रिय हैं,

जो रजनीश्वर (चन्द्रमा) की कला को धारण करने वाले हैं,

जो काल के भी अन्तक (यम) रूप हैं,

जो नागराज को कंकणरूप में धारण करने वाले हैं,

जो अपने मस्तक पर गंगा को धारण करने वाले हैं,

जो गजराज का विमर्दन करने वाले हैं,

दारिद्र्य रुपी दुःख का नाश करने वाले शिव को मेरा नमन है|

जो भक्तिप्रिय, संसाररूपी रोग एवं भय का नाश करने वाले हैं,

जो संहार के समय उग्ररूपधारी हैं,

जो दुर्गम भवसागर से पार कराने वाले हैं,

जो ज्योतिस्वरूप, अपने गुण और नाम के अनुसार सुन्दर नृत्य करने वाले हैं,

दारिद्र्य रुपी दुःख का नाश करने वाले शिव को मेरा नमन है|

जो बाघ के चर्म को धारण करने वाले हैं,

जो चिताभस्म को लगाने वाले हैं,

जो भाल में तीसरा नेत्र धारण करने वाले हैं,

जो मणियों के कुण्डल से सुशोभित हैं,

जो अपने चरणों में नूपुर धारण करने वाले जटाधारी हैं,

दारिद्र्य रुपी दुःख का नाश करने वाले शिव को मेरा नमन है|

जो पांच मुख वाले नागराज रूपी आभूषण से सुसज्जित हैं,

जो सुवर्ण के समान किरणवाले हैं,

जो आनंदभूमि (काशी) को वर प्रदान करने वाले हैं,

जो सृष्टि के संहार के लिए तमोगुनाविष्ट होने वाले हैं,

दारिद्र्य रुपी दुःख का नाश करने वाले शिव को मेरा नमन है|

जो सूर्य को अत्यंत प्रिय हैं,

जो भवसागर से उद्धार करने वाले हैं,

जो काल के लिए भी महाकालस्वरूप, और जिनकी कमलासन (ब्रम्हा) पूजा करते हैं,

जो तीन नेत्रों को धारण करने वाले हैं,

जो शुभ लक्षणों से युक्त हैं,

दारिद्र्य रुपी दुःख का नाश करने वाले शिव को मेरा नमन है|

जो राम को अत्यंत प्रिय, रघुनाथजी को वर देने वाले हैं,

जो सर्पों के अतिप्रिय हैं,

जो भवसागररूपी नरक से तारने वाले हैं,

जो पुण्यवालों में अत्यंत पुण्य वाले हैं,

जिनकी समस्त देवतापूजा करते हैं,

दारिद्र्य रुपी दुःख का नाश करने वाले शिव को मेरा नमन है|

जो मुक्तजनों के स्वामीस्वरूप हैं,

जो चारों पुरुषार्थों का फल देने वाले हैं,

जिन्हें गीत प्रिय हैं और नंदी जिनका वाहन है,

गजचर्म को वस्त्ररूप में धारण करने वाले हैं, महेश्वर हैं,

दारिद्र्य रुपी दुःख का नाश करने वाले शिव को मेरा नमन है|

Laghu Annapurna Stotram लघु अन्नपूर्णा स्तोत्रम् ★

भगवति भवरोगात् पीडितं दुष्कृतोत्यात् ।

सुतदुहितृकलत्र उपद्रवेणानुयातम् ।

विलसदमृतदृष्ट्या वीक्ष विभ्रान्तचित्तम् ।

सकलभुवनमातस्त्राहि माम् ॐ नमस्ते ॥ १ ॥

माहेश्र्वरीमाश्रितकल्पवल्ली

महंभवोच्छेदकरीं भवानीम् ।

क्षुधार्तजायातनयाद्दुपेत

स्त्वान्नपूर्णे शरणं प्रपद्ये ॥ २ ॥

दारिद्र्यदावानलदह्यमानम् ।

पाह्यन्नपूर्णे गिरिराजकन्ये ।

कृपाम्बुधौ मज्जय मां त्वदीये ।

त्वपादपद्मार्पितचित्तवृतिम् ॥ ३ ॥

दूत्थन्नपूर्णास्तुतिरत्नमेतत् ।

श्लोकत्रयं यः पठतीह भक्त्या ।

तस्मै ददात्यन्नसमृद्धिमम्बा ।

श्रियं च विद्यां च यशश्र्च मुक्तिम् ॥ ४ ॥ ॥

इति श्रीमद् शंकराचार्य विरचितम् श्री लघु अन्नपूर्णास्तोत्रम् संपूर्णम् ॥ •

Ganga Pujan Mantra गंगा पूजन मन्त्र ★

गंगा पूजन की विधि:

इस दिन गंगा नदी में स्नान करके पुष्प और अर्घ्य देते हुए निम्न मंत्र का उच्चारण चाहिए •

'ॐ नमो भगवति, ऐं ह्रीं श्रीं (वाक्-काम मायामयि) हिलि हिलि, मिलि मिलि, गंगे मां पावय पावय',

इस मंत्र से पांच बार गंगा का पूजन करें।

★ यह गंगाजी का सबसे पवित्र पावन मंत्र है। इसका अर्थ है कि,

हे भगवति गंगे! मुझे बार बार मिल, पवित्र कर, पवित्र कर...

इस मंत्र से गंगाजी के लिए पंचोपचार और पुष्पांजलि समर्पण करें।

इसके अतिरिक्त गंगा नदी से दूर रहने वाले उपासक मां गंगा की मूर्ति का अक्षत, पुष्प, धूप आदि से विधि विधानपूर्वक पूजन करना चाहिये। इसके बाद ' पूजन के बाद अगर संभव हो तो दस फल, दस दीपक और तिलों का दान करना चाहिए।

Ganga Ashtakam गंगा अष्टकम ★

भगवति तव तीरे नीरमात्राशनोऽहं

विगतविषयतृष्ण: कृष्णमाराधयामि ।

सकलकलुषभंगे स्वर्गसोपानसंगे

तरलतरतरंगे देवि गंगे प्रसीद ।।1।।

भगवति भवलीलामौलिमाले तवाम्भ:

कणमणुपरिमाणं प्राणिनो ये स्प्रशन्ति ।

अमरनगरनारीचामरग्राहिणीनां विगतकलिकलंकातंकमंके लुठन्ति ।।2।।

ब्रह्माण्डं खण्डयन्ती हरशिरसि जटावल्लिमुल्लासयन्ती स्वर्लोकादापतन्ती कनकगिरिगुहागंडशैलात्स्खलन्ती ।

क्षोणीपृष्ठे लुठन्ती दुरितचयचमूर्नीर्भरं भत्र्सयन्ती पाथोधिं पूरयन्ती सुरनगरसरित्पावनी न: पुनातु ।।3।।

मज्जन्मातंगकुम्भच्युतमद मदिरामोदमत्तालिजालं

स्नानै: सिद्धांगनानां कुचयुगविगलत्कुंकुमासंगपिंगम् ।

सायंप्रातर्मुनीनां कुशकुसुमचयैश्छन्नतीरस्थनीरं पायान्नो गांगमम्भ: करिकलभकराक्रान्तरंहस्तरंगम् ।।4।।

आदावादिपितामह्स्य नियमव्यापारपात्रे जलं पश्चात्पन्नगशायिनो भगवत: पादोदकं पावनम् ।

भूय: शम्भुजटाविभूषण मणिर्जहनोर्महर्षेरियं

कन्या कल्मषनाशिनी भगवती भागीरथी दृश्यते ।।5।।

शैलेंद्रादवतारिणी निजजले मज्जज्जनोत्तारिणी पारावारविहारिणी भवभयश्रेणीसमुत्सारिणी ।

शेषाहेरनुकारिणी हरशिरोवल्लीदलाकारिणी काशीप्रान्तविहारिणी विजयते गंगा मनोहारिणी ।।6।।

कुतो वीचिर्वीचिस्तव यदि गता लोचनपथं त्वमापीता पीताम्बरपुरनिवासं वितरसि ।

त्वदुत्संगे गंगे पतति कायस्तनुभ्रतां तदा मात: शातक्रतवपदलाभोऽप्यतिलघु: ।।7।।

गंगे त्रैलोक्यसारे सकलसुरवधूधौतविस्तीर्णतोये पूर्णब्रह्मस्वरूपे हरिचरणजोहारिणी स्वर्गमार्गे ।

प्रायश्चित्तं यदि स्यात्तव जलकणिका ब्रह्महत्यादिपापे कस्त्वां स्तोतुं समर्थस्त्रिजगदघहरे देवि गंगे प्रसीद ।।8।।

मातर्जाहनवि शम्भुसंगवलिते मौलौ निधायाञ्जलिं त्वत्तीरे वपुषोऽवसानसमये नारायणांगघ्रिद्वयम् ।

सानन्दं स्मरतो भविष्यति मम प्राणप्रयाणोत्सवे भूयाद्भक्तिरविच्युताहरिहराद्वैतात्मिका शाश्वती ।।9।।

गंगाष्टकमिदं पुण्यं य: पठेत्प्रयतो नर: ।

सर्वपापविनिर्मुक्तो विष्णुलोकं स गच्छति ।।10।।

Pavitra Ganga Stotram पवित्र गंगा स्तोत्रम्

★ श्री गंगा जी की स्तुति ★

गांगं वारि मनोहारि मुरारिचरणच्युतम् ।

त्रिपुरारिशिरश्चारि पापहारि पुनातु माम् ॥ ★

माँ गंगा स्तोत्रम्॥

देवि सुरेश्वरि भगवति गङ्गे

त्रिभुवनतारिणि तरलतरङ्गे ।

शङ्करमौलिविहारिणि विमले

मम मतिरास्तां तव पदकमले ॥१॥

भागीरथि सुखदायिनि मातस्तव

जलमहिमा निगमे ख्यातः ।

नाहं जाने तव महिमानं

पाहि कृपामयि मामज्ञानम् ॥ २॥

हरिपदपाद्यतरङ्गिणि गङ्गे

हिमविधुमुक्ताधवलतरङ्गे ।

दूरीकुरु मम दुष्कृतिभारं

कुरु कृपया भवसागरपारम् ॥ ३॥

तव जलममलं येन निपीतं,

परमपदं खलु तेन गृहीतम् ।

मातर्गङ्गे त्वयि यो भक्तः

किल तं द्रष्टुं न यमः शक्तः ॥ ४॥

पतितोद्धारिणि जाह्नवि गङ्गे

खण्डितगिरिवरमण्डितभङ्गे ।

भीष्मजननि हे मुनिवरकन्ये,

पतितनिवारिणि त्रिभुवनधन्ये ॥ ५॥

कल्पलतामिव फलदां लोके,

प्रणमति यस्त्वां न पतति शोके ।

पारावारविहारिणि गङ्गे

विमुखयुवतिकृततरलापाङ्गे ॥ ६॥

तव चेन्मातः स्रोतःस्नातः

पुनरपि जठरे सोऽपि न जातः ।

नरकनिवारिणि जाह्नवि गङ्गे

कलुषविनाशिनि महिमोत्तुङ्गे ॥ ७॥

पुनरसदङ्गे पुण्यतरङ्गे

जय जय जाह्नवि करुणापाङ्गे ।

इन्द्रमुकुटमणिराजितचरणे

सुखदे शुभदे भृत्यशरण्ये ॥ ८॥

रोगं शोकं तापं पापं

हर मे भगवति कुमतिकलापम्।

त्रिभुवनसारे वसुधाहारे

त्वमसि गतिर्मम खलु संसारे॥ ९॥

अलकानन्दे परमानन्दे

कुरु करुणामयि कातरवन्द्ये ।

तव तटनिकटे यस्य निवासः

खलु वैकुण्ठे तस्य निवासः ॥ १०॥

वरमिह नीरे कमठो मीनः

किं वा तीरे शरटः क्षीणः ।

अथवा श्वपचो मलिनो दीनस्तव

न हि दूरे नृपतिकुलीनः॥ ११॥

भो भुवनेश्वरि पुण्ये धन्ये

देवि द्रवमयि मुनिवरकन्ये ।

गङ्गास्तवमिमममलं नित्यं

पठति नरो यः स जयति सत्यम् ॥ १२॥

येषां हृदये गङ्गाभक्तिस्तेषां

भवति सदा सुखमुक्तिः ।

मधुराकान्तापज्झटिकाभिः

परमानन्दकलितललिताभिः ॥ १३॥

गङ्गास्तोत्रमिदं भवसारं

वाञ्छितफलदं विमलं सारम् ।

शङ्करसेवकशङ्कररचितं पठति

सुखी स्तव इति च समाप्तः ॥ १४॥

देवि सुरेश्वरि भगवति गङ्गे

त्रिभुवनतारिणि तरलतरङ्गे ।

शङ्करमौलिविहारिणि विमले

मम मतिरास्तां तव पदकमले ॥

शंकरसेवकशंकरचितं पठति सुखी स्तव इति च समाप्त:★

Shri Ganga Chalisa श्री गंगा चालीसा ★

पतित पावनी गंगाजल का आचमन और स्नान।

कर ले जो एक बार जन्म में उसे मिले निवांन॥

मुक्तिदायिनी जय जय गंगे। जय हरि पद जल सुधा तरंगे ॥ जय माँ सिव की जटा निवासिनि। तुम हो सब जीवन्ह की तारिनि ।

गंगोत्री से हुयी प्रवाहित । धरा पे तुम्हरी धारा अमृत ।॥

पुनि पुनि मैं करूं विनय तुम्हारी। सुनो सगर कुल तारनहारी ॥

भगीरथ तप से भूमि पे आई। माँ तुम भगीरधी कहलाई॥

सिव की जटा में बास बनाया। तुममें है सब तीर्थ समाया ॥

जहनु के मुख में जाय समाई। निकल कान से फिर लहराई।

हुआ जाह्नवी नाम तुम्हारा। माँ तुम सब का पाप निवारा।

मकर श्वेत अति विकट बिसाला। उसे बनाकर वाहन पाला॥

श्वेत वस्त्र वर मुद्रा शुभकर। चार कलश हाथों में सुन्दर ।

धवल प्रकाशित शुभ मनोहर। हीरक जटित मुकुट मस्तक पर ।।

मुख छवि कोटिक चन्द्र समाना। देखत कलिमल सकल नसाना ।

चारों जुग में गंगा धारा । कर देती भव सागर पारा॥

सब तीरथ तुम्हरे गुन गावें। जग अध का सब भार मिटावें ॥

ऋषीकेश में तुम्हरी तरंगा। हरिद्वार में हर हर गंगा ।।

शोभित तीरथ राज प्रयागा। तीर्थ त्रिवेनी का जस जागा।

रवि तनया जमुना की धारा । श्यामल शुभ रंग अपारा ॥

सरस्वती अलखित गुन श्रेनी। सब मिल निर्मित भई त्रिवेनी॥

स्याम धवल जल देख हिलोरें। देव दनुज नर चरन अगोरें।

नित नित पावें ब्रह्मानन्दा। छूट कोटि जनम कर फंदा॥

विन्ध्याचल गिरि वृहद अपारा। जेहि कर सागर तक विस्तारा ॥

अष्टभुजा के चरण से उपजत। विन्ध्यवासिनी कर पद सेवत।

तुम्हरे चरण कमल में झुक कर। निस दिन विनय करत सौ गिरिवर ।।

कासी महिमा जाय न बरनी। तहाँ भी तुम राजत सुखकरनी ॥

पारबती संग सिव सुख रमना । हम सब को राखो निज सरना ।

जनम जनम संग सब परिवारा। पाइ जनम जहँ गंगा धारा ।

सिव त्रिसूल वसि कासी नगरी। वहीं मुक्ति हो माता हमरी ॥

तुम्हरा कर के सुमिरन पूजन । अतुलित बुधि बल धन पाते जन ॥

चन्दन इत्र सुगन्ध अपारा। तट बड़ाय करे स्वच्छ किनारा॥

फूल अगरु श्रद्धा से चढ़ाये। सो नर निश्चय स्वर्ग को पाये।॥

रोपे तुम्हरे तीर जो तुलसी। पाये मुक्ति महामुनि जैसी ॥

पुष्प वाटिका फल कर बागा। तट पर रच कर करें जो जागा॥

मंदिर तट सोपान बनाये। अक्षय धन सुख ग्यान को पाये।

दूध औषध केवड़ा गुलाबजल। चड़ा जो निर्मल करे गंगजल।

उसके कुल रहे सदा उजियाला। इच्छित पुत्र मिले गुणवाला॥

गंगा गुन पढ़े सुने जो मन धर। कृपा करें अज हरि सिब उसपर ।।

जो पड़े यह गंगा चालीसा। उसके संकट हरे जगदीसा॥ नित्य आचमन कर जो नहाता। उसे रक्षेन नौ दुगा माता। रामरंग को शरण लगाओ। रिद्धि सिद्धि धन मुक्ति दिलाओ।

सब मुख रुप धन संतन को, संग भक्ति सत्य निर्वान।

पावत्त नग जग जीवन में करे जो गंगा का ध्यान ।॥ ★

Look at your Palms when u wake up सुबह करने चाहिए हथेलियों के दर्शन ◆ Wake up Mantra प्रातः हस्तदर्शन मन्त्र◆

अपनी हथेलियों के जरिए आप अपने जीवन में सकारात्मक उर्जा का संचार कर सकते हैं।

ऐसा माना जाता है कि शास्त्रों के मुताबिक हाथों में ब्रह्मा, लक्ष्मी और सरस्वती तीनों का वास होता है। आचारप्रदीप के एक श्लोक में कहा गया है कि

★ कराग्रे वसते लक्ष्मी: करमध्ये सरस्वती।

करमूले स्थ‍ितो ब्रह्मा प्रभाते करदर्शनम्।।

★ इस श्‍लोक का एक अन्‍य पाठ भी प्रचलित है, जो इस तरह है: ★

ऊं कराग्रे वसते लक्ष्‍मी: करमध्‍ये सरस्‍वती।

करमूले च गोविंद: प्रभाते कुरुदर्शनम्।। ★

इस श्लोक का अर्थ है कि हथेली के सबसे आगे के भाग में लक्ष्मी जी, बीच के भाग में सरस्वती जी और मूल भाग में ब्रह्माजी निवास करते हैं, इसलिए सुबह दोनों हथेलियों के दर्शन करना चाहिए।

सुबह हाथों के दर्शन के पीछे की मान्यता है कि जब व्यक्ति अपनी हथेलियों को आपस में रगड़कर पूरे विश्वास के साथ हथेलियों को देखता है तो उसमें एक विश्वास जाग्रत हो जाता है कि उसके शुभ कर्मों में देवता भी सहायक होंगे। जब वह अपने हाथों पर भरोसा करके सकारात्मक कदम उठाएगा, तो भाग्य भी उसका साथ देगा। ध्यान रहे कि इस मंत्र का जाप करते समय आपको केवल हथेली की ओर ही अपनी निगाहें रखनी हैं। और फिर मंत्र उच्चारण समाप्त होते ही हथेलियों को परस्पर घर्षण करके उन्हें अपने चेहरे पर लगाना चाहिए।

मान्यता है कि ऐसा करने से हम सभी देवी-देवताओं का आशीर्वाद प्राप्त कर लेते हैं और पूरा दिन अच्छा बीते इसके लिए सकारात्मक ऊर्जा भी प्राप्त हो जाती है।