Olivia Sambo praat met Chris Weyer, die hoof van Momentum Trust, oor testamente en hoekom dit so belangrik is om jou finansiële plan aan te pas soos jou omstandighede verander. Prof. Jonathan Jansen van die Universiteit Stellenbosch gesels oor die koste van hoër onderwys en die verskillende beurse wat beskikbaar is. En Johan Kritzinger van Energy Partners praat oor die gebruik van stoom in die vervaardigingsektor.

Olivia Sambo praat met West Hendriks, 'n kandidaatagent by Emacplan Eiendomme, oor die verskillende aspekte van eiendomme. Hy vertel wat dit behels om ‘n goeie eiendomsagent te wees, hoe die prys van eiendom bepaal word, en hoekom dit raadsaam is om eers advies van jou agent te kry voordat jy jou eiendom begin opknap wanneer jy verkoop. Richus Nel, 'n finansiële adviseur by PSG Wealth, gesels oor eiendom as ‘n belegging, die risiko’s daaraan verbonde, en hy deel sy persoonlike ervaring met die koop van eiendom.

Prof. Jonathan Jansen van die Universiteit van Stellenbosch vertel hoe studente hulle voet in die deur kan kry by enige maatskappy en in enige bedryf. Madelein Hendricks van HR Company Solutions gee wenke aan mense wat werk soek, maar beperkte toegang tot die internet het. Willie Cloete, 'n privaatsjef van Pretoria, praat oor die belangrikheid daarvan om jou eie geleenthede te soek en te skep, en om jou vrees vir nuwe dinge te oorkom.

Ilse-Marie Iding van Pretoria vertel van haar troue wat tydens grendeltyd plaasgevind het. Sy gee wenke aan voornemende bruide, gesels oor die besparing wat hulle kon maak weens die kleiner gastelys en die ander koste wat verminder het weens grendeltyd. Richus Nel van PSG Wealth werp lig op die belangrikheid van 'n finansiële adviseur en die beginsels waarop goeie finansiële beplanning rus. En Willie Cloete, 'n privaatsjef van Pretoria gesels oor die risiko wat hy geneem het toe hy van beroep verander het, en sy passie as 'n sjef begin volg het.

Madelein Hendricks van HR Company Solutions praat oor die veranderinge wat Covid-19 teweeg gebring het in die werwingsbedryf, en hoe Suid Afrikaase maatskappye sukkel om aan te pas in 'n wêreld waar werkers van die huis af werk. Die skrywer van die boek Blydskap, Johannes de Villiers, gee wenke oor hoe jy jou denke kan verander en jou vaardighede kan gebruik om 'n inkomste te verdien.

Elizabeth Petersen van Libby's Pride Wyne gesels oor die pyn, frustrasie en verlies aan inkomste wat die verbod op die verkoop van alkohol veroorsaak. Rico Basson van Vinpro praat oor die skade wat die verbod aan die wynbedryf veroorsaak. Walter van der Merwe van die Fedgroup Life vertel hoekom dit so belangrik is om jou kliënte altyd te sien as meer as net 'n leêr of 'n nommer.

Ian Scott van Momentum Beleggings gesels oor die lae repokoers, en die verband tussen die repokoers en die rente wat ons betaal wanneer ons skuld aangaan. Allan Hannie van Cliffe Decker Hofmeyr vertel wat besighede in Suid-Afrika strem. En Regine le Roux van Reputation Matters herinner daaraan dat jy nie moet wag totdat jou maatskappy in 'n krisis beland, voordat jy reageer nie. Sy gee wenke oor wat jy kan doen om jou voor te berei vir enige krisis wat jou reputasie kan skend.

Franzo Friedrich, die hoof van bemarking by Momentum Beleggings, gee wenke oor hoe jy kan spaar, nog voordat jy geld weggesit het. Jeanette Marais, ook van Momentum Beleggings, verduidelik wat 'n effektetrust is, en hoekom dit as een van die beste finansiële produkte beskou word. Walter van der Merwe van Fedgroup Life vertel hoe die voorbeeld van sy pa sy finansiële besluite beïnvloed het. En Marise Smit van Brenthurst Wealth gesels oor die bevrydende gevoel wat spaar aan jou gee, en ook wat rentedraende beleggings is.

Richus Nel van PSG Wealth moedig verbruikers aan om hulle beplanning vir aftrede te hersien en aan te pas, sodat jy genoeg dekking het wanneer jy aftree. Marise Smit van Brenthurst Wealth gesels oor die veranderinge in die bedryf wat daar gestel is om polishouers te beskerm en in te lig oor die waardes van hulle neseier. En Carla Oberholzer van Debtsafe deel die uitslag van die opnames wat hulle gedoen het oor die impak van Covid-19 op Suid Afrikaners.

Carla Oberholzer van Debtsafe moedig jou aan om jou denke te vernuwe, sodat jy kan oorleef in onsekere tye. Sy het ook wenke oor hoe jy jou skuld kan aanpak. Walter van der Merwe van Fedgroup Life gesels oor die impak wat Covid-19 op voorsorgfondse het, en veruidelik hoe jy kan bereken hoeveel jy nodig sal hê om 'n gerieflike oudag te hê. Marise Smit van Brenthurst Wealth vertel hoekom dit raadsaam is om 'n finansiële adviseur te gaan sien wanneer jy vir jou aftrede beplan.