Dis onvermydelik dat die Covid-19 pandemie 'n negatiewe uitwerking op die wêreldekonomie sal hê. Richus Nel, 'n finansiële beplanner by PSG Wealth, en Herman van Papendorp, hoof van beleggings by Momentum, praat oor die ekonomiese impak van Covid-19. Hulle gee ook raad aan kleinsake-ondernemings en beleggers oor oorlewing in hierdie onsekere finansiële tye.

Hoe onderskei jy tussen fopnuus en nuus wat van betroubare bronne kom? Jeanette Marais van Momentum Beleggings en Richus Nel van PSG Wealth probeer die vraag beantwoord. Hulle gee ook raad oor hoe jy die vrees van die Covid-19 pandemie onder beheer kan hou deur kalm te bly, en moedig ons aan om juis die tyd te gebruik om ons persoonlike finansies te hersien. Leonard Willemse van Mazars praat oor belasting en hoekom dit belangrik is dat almal deel moet hê aan die opbou van die land.

Hoe pas jy jou salaris aan as jy nie gereeld 'n inkomste verdien nie? Marise Smit van Brenthurst Wealth gee raad oor hoe om te oorleef in onsekere finansiële tye. Leonard Willemse van Mazars vertel hoekom dit noodsaaklik is dat entrepreneurs uit die staanspoor uit hulle belastingsake in orde moet kry. Allan Hannie van Cliffe Decker Hofmeyer sê entrepreneurs móet 'n onderskeid tref tussen geld vir die besigheid en geld vir hullle persoonlike behoeftes. En Eugene Botha van Momentum kalmeer die senuwees oor die onsekerheid op die aandelemarkte.

Hoeveel dra ons as individue by tot die staatskoffers, en hoekom moet ons belasting betaal? Leonard Willemse van Mazars in Kaapstad beantwoord die vrae, en praat ook oor die spandering van die regering. Allan Hannie van Cliffe Decker Hofmeyer praat oor die administratiewe sy van klein sakeondernemings, en verduidelik hoekom finansiële geletterheid so belangrik is vir entrepreneurs.

Is jy bekommerd dat jy nie genoeg geld sal hê wanneer jy aftree nie? Of dink jy dat jy nog jonk is, en aftrede net vir oumense is want jy het nog genoeg tyd om te beplan? Marise Smit van Brenthurst Wealth gee jou 'n dosis realiteit, maar ook aanmoediging om te begin spaar en minder skuld te maak. Eugene Botha van Momentum Belegggings wys ook dat dit 'n mite is dat jy moet wag tot jy ryk is of meer geld verdien, voordat jy begin spaar.

Johan Vorster van PPC sement praat oor onwettige invoere, en die nadelige uitwerking wat dit op die ekonomie het. Hy gesels ook oor die stand van die sementbedryf en die groot rol van die boustof in die konstruksiebedryf speel. Anton Roelofse van Business Partners praat oor bemarking en die gevolge van negatiewe blootstelling vir jou maatskappy.

Eugene Botha van Momentum praat oor buitelandse beleggings, en hoekom dit so belangrik is om die regte vrae te vra wanneer jy jou geld wil belê. Weet jy hoeveel fooie daar op die belegging is, en watter uitwerking dit op jou opbrengste kan hê? Is jy die eienaar van 'n kleinsake-onderneming, maar het nie 'n benul wat bemarking behels en hoe om jou dienste of produk te adverteer nie? Anton Roelofse van Business Partners Limited gee raad oor effektiewe bemarking.

Rika Wedderburn van Pretoria is 'n gekwalifiseerde prokureur en tuisskoolouer, wat begin navorsing doen het oor emigrasie, nadat die behoefte ontstaan het om 'n nuwe begin in 'n ander land te maak. Sy deel haar ervarings en die foute wat sy gemaak het, en praat oor hoe die besluit haar familie geraak het. Sy deel sy ook wenke oor hoe om die regte agent te vind, en hoe om die emosionele tol van emigrasie te hanteer.

Olivia Sambo doen 'n samevatting van die belangrikste punte wat genoem is in die reeks oor die Pensioenfonds vir Staatsamptenare.

Omelia Hartzenberg van die Pensioenfonds vir Staatsamptenare praat oor die verouderde stelsel van lewenssertifikate, en hoekom dit steeds in sekere omstandighede gebruik word. Francois Lombard van Momemtum gee raad met beleggings, en wat 'n realistiese opbengs is.