Omelia Hartzenberg van die Pensioenfonds vir Staatsamptenare praat oor die kinderpensioene wat in Junie 2018 in werking getree het. Sy identifiseer die struikelblokke, en verduidelik watter dokumentasie nodig is om hiervoor aansoek te doen. Sy ‘n beroep op lede van die fonds om ten alle tye hulle kontakbesondherhede op datum te hou, want dit kan help dat uitbetaling vinniger geskied.

Regine le Roux van Reputation Matters vertel watter uitwerking Covid-19 op haar besigheid gehad het, en hoe hulle die krisis tot voordeel omskep het deur hulle dienste meer aanlyn te bemark. Sanel Roux van die aanlynwinkel, Petalje Blomme, gesels oor die uitwerking wat kreatiwiteit en blomme op haar kliënte het, en hoe die inperking nuwe lewe in haar besigheid geblaas het. Willie Cloete, 'n privaatsjef, vertel hoe kreatiwiteit deel van jou werk en jou lewe is, en hoe ons dit op verskillende manier kan gebruik om elke dag iets nuuts te skep.

Die ABC van geldbestuur vir individue en kleinsakeondernemings.

Olivia Sambo praat met Johannes de Villiers, skrywer van Blydskap en kalmte in die malle gejaag, oor jou emosies wanneer jy jouself in ‘n moeilike finansiële situasie bevind, en hoe om dit te hanteer sodat jy weer opnuut kan begin. Carla Oberholzer van Debtsafe vertel hoe jy finansiële stres kan hanteer en weer op die been kan kom. En Willie Cloete, 'n privaatsjef van Pretoria, sê eenvoudige kos is die lekkerste kos. Hy gee wenke wat jou soos ‘n sjef sal laat kook sonder om jou hand te diep in jou sak te steek.

Olivia Sambo hoor by Carla Oberholzer van Debtsafe hoe om onnodige uitgawes te snoei en ‘n nuwe blaadjie om te slaan vir die nuwe jaar. Eric Jordaan van Crue Invest moedig luisteraars aan om nie moedeloos te word as jy te veel skuld het nie, maar om jou skuld stap-vir-stap te pak. Johannes de Villiers moedig ons aan om vorentoe te kyk en nie te fokus op ons probleme nie. En Willie Cloete deel sy wense vir 2021 met ons.

Olivia Sambo praat met Willie Cloete, ‘n privaatsjef van Pretoria, oor alternatiewe en kreatiewe maniere vir ‘n heerlike en goedkoper kersmaal. Johannes de Villiers, skrywer van twee boeke, gesels oor maniere waarop jy kan uitreik na ander mense tydens die feesseisoen, en hoe jy steeds kan gee, selfs al dink jy daar is niks om te gee nie. Carla Oberholzer van Debtsafe moedig ons aan om onnodige aankope te vermy, en eerder jou geld te spaar. Eric Jordaan van Crue Invest en Sanel Roux van Petalje Blomme deel hulle kerswense met ons.

Olivia Sambo praat met Omelia Hartzenberg van die Pensioenfonds vir Staatsamptenare oor die fonds. Sy beantwoord vrae oor die veiligheid van jou geld, watter faktore veroorsaak dat jou aansoek sloer, en wat jy kan doen om die proses seepglad te laat verloop.

Olivia Sambo praat met Sanel Roux van Petalje Blomme in Pretoria oor die uitwerking wat Covid-19 op haar besigheid gehad het, en hoe dit gelei het tot die ontstaan van ‘n aanlynwinkel. Eric Jordaan van Crue Invest in Kaapstad gesels oor skuld en hoe ‘n finansiële plan jou kan help om jou doelwitte te bereik.

Dawie Roux van Legatus Trust gesels oor trustfondse. Bertie Nel van Momentum Beleggings verduidelik watter uitwerking jurisdiksie en wetgewing van ‘n ander gebied op jou boedel het, as jy bates in die buiteland het.

Andrè Tuck van 10X Investments verduidelik hoe swaar Jan Taks jou belas as jy jou pensioenuitbetaling in kontant neem. Carla Oberholzer van Debtsafe gee wenke oor Swart Vrydag, en hoe jy geld kan spaar in dié tyd. Richus Nel van PSG Wealth vertel waarom eerlikheid so belangrik is tussen ‘n finansiële adviseur en ‘n kliënt. En Eric Jordaan van Crue Invest gesels oor die persoonlike konneksie wat adviseurs met hulle kliënte moet maak.