Raportên Peyamnêran

Di 7-8ê meha Tîrmehê de Kombûna Bilind a NATO ê li Tirkiyê bê lidarxistin. Berî civînê jî, rêxistin û partiyên çep operasyonên berfireh yên dij tên kirin. Li Enqerê û Stembolê 233 kes hatin desteserkirin. Li alîkî din duyemîn romana Kurdî ya nivîskar û serokê PENa Navnetewî Burhan Sonmez ji aliyê Weşanxaneya Avesta ve hate weşandin. Navê romanê “Neynika Sor” e. Zêdetir di raporta Hatice Kamer ji Amedê heye.

Ji ber belavbûna çend tomaran dengî ku tê de îdîaya destdirêjiya li ser xwendekarên keç ên Zanîngeha Silêmaniyê li dijî mamosteyekî kolêja ayînî tê kirin, komîsyoneke lêkolînê hatiye damezrandin. Li aliyekî din nakokiyên di navber Partî û Yekîtiyê de ji bo avakirina kabîneya dehem ya parlemana Herêma Kurdistanê berdewamin. Zêdetir di hevpeyvîna bi peyamnêr Ehmed Xefûr ji Hewlêrê heye.

Serokwezîr Mesrûr Barzani spasiya Tom Barrack Nûnerê Taybet yê DYA bo hevkarîya Amerîka û piştgiriya berdewam a Herêma Kurdistanê kir. Herdu alî li ser girîngiya ji nû ve aktîvkirina Parlamena Kurdistanê, avakirina kabîneya nû ya Hukûmeta Herêma Kurdistanê û bi zûtirîn dem bidawîanîna rewşa siyasî li hev kirin. Her weha raport behsa parastina maf û pêkvejiyana olî û neteweyî ya li Herêma Kurdistanê ku neteweyên cuda bi awayekî azad tê de dijîn.

Kûpa Cîhanê ya futbolê ya FIFA’yê di 11’ê Hezîranê de dest pê kir. Tirkiyê jî bi tîma xwe yê neteweyî beşdarî tornemêntê bû. Maça yekem a Tirkiyê li dijî tîmê Australya hate lîstin. Her çiqas e ku Tirkiyê ji xwe pir bawer bû, di dawiyê de têk çû.

Çalakvanê Kurd Ferîd Azad, dîsa hate desteserkirin. Azad, berdevkê Tevgera Vejînê ye, ew hem leşkerîya Tirkiyê hem jî zimanê Tirkî red dike û doza xwe ya ji bo mafê Kurd û Kurdistanê bi çalakiyên pasîf bi rêya medya civakî belav dike. Hevjîna wî Evîn Azad, behsa rewşa hevjînê xwe dike û vedibêje ka çima Ferîd Azad gelek caran dibe armanca dozgeran û di mafê wî de doz vedibin.

Pêşveçûnên artêşa Tirkiyê li sînorê qezaya Amêdîyê berdewamin. Hemwlatîyên deverê hişyarîyê didin ku ev rewş heybeta serbazî ya nîştîmanî ya Îraqê lawaz dike û daxwazê dikin ku di bin sîbera gihîştinên aştîyê de, artêşa Tirkîyê û hêzên PKK ji navçeyên sivîl dûr bikevin da ku aramî vegere. Herweha, artêşa Tirkîyê proseya berfireh a talankirina jîngehê bi birîna daran berdewam dike, ev yeka jî karesateke jîngehî pêk tîne.

Weqfa Mezopotamya “Ferhenga Rastnivîsînê” ya taybet ji bo Kurdiya Kurmancî çap kiriye. Ev xebata ku cara yekem bi vî awayî li Bakurê Kurdistanê hatiye amadekirin, ji bo standardkirina zimanê Kurdî gaveke girîng û dîrokî tê nirxandin. Koordînatorê Weqfê, Mîkaîl Bulbul, got taybetmendiya vê ferhengê hem di xebata kolektîf û hem jî di berfirehiya naveroka wê de ye. Wî diyar kir ku Celadet Bedirxan berê alfabeya Kurdî ava kiribû û bingeha nivîsîna Kurdî danîbû, lê ji bo Kurdiya Kurmancî ferheng û rêberên rastnivîsînê kêm bûn.

Piştî salên dirêj yên hebûna çekên derveyî qanûnê ku di nakokiyên navxweyî de hatine bikaranîn û bûne sedema kuştin, birîndarkirin, revandin û windakirina gelek welatiyên bêguneh, niha pêvajoyeke cidî ji bo radestkirina çekan bo dewletê dest pê kiriye. Ji alîyekî din ve, hejmareke ji siyasetmedar û kesayetên Êzîdî yadestnameyeke fermî şandine hukûmeta Îraqê û daxwaz kirine ku navên gund û bajarokên Kurdî û Êzîdî yên resen vegerînin bo tomarên fermî.

Operasyona polîsan a li baregeha CHP li Enqerê û derxistina serokê ji kar dûrxistî Özgür Özel, berteka tund a siyasî çêkir. DEM Partî roja Duşemê ev operasyon “şermeke ji bo demokrasiyê” bi nav kir û biryara dadgehê ya ku hefteya borî serokatiya CHP ji kar dûr xist rexne kir. Peyamnêra SBS Kurdî, Hatice Kamer, ji Amedê zêdetir agahdarî dide.

Komara Îslamî ya Îranê bi 2 dironan û moşekekê baregeha Çemşar a Spaya Millî ya Kurdistanê, ku dikeve bakur rojavayê Hewlêrê û nêzîkî kampa Dareşekranê, kir armanc. Di encamê de 9 pêşmerge birîndar bûn ku rewşa 4an ji wan giran e û ji bo dermankirinê veguhastin nexweşxaneyê. Zêdetir di naveroka raporta Ehmed Xefûr ji Hewlêrê heye.