Raportên Peyamnêran

Raporta Wezareta Darayî ya Herêma Kurdistanê diyar dike ku hevdîtinên wan ên bi Bexdayê re bo diyarkirina budceya texmînî ya sala 2027an ji ber sepandina sîstêma navendî û neheqiya di dabeşkirina mafên darayî de bêencam mane. Di civînan de Herêmê daxwaza 11 trîlyon û 717 milyar dînarî bo mûçeyên fermanberan kiriye, lê Bexda tenê bi 10 trîlyon û 210 milyar dînarî razî bûye. Zêdetir derbarê vê mijarê di raporta Ehmed Xefûr ji Hewlêrê heye.

#sbsaudiopodcast

Hevşaredarê berê yê Amedê, Selçuk Mizraklî, piştî heft salan ji Girtîgeha Edirneyê hate berdan. Piştî ku Mizraklî ji bo namzediya Amedê hate destnîşankirin, li ser îdiayên ku ji aliyê jinekê ve hatibûn kirin, doz li dijî wî hate vekirin. Jina ku bûbû îtirafkar, tawanbarî li dijî Mizraklî kir û doz li dijî wî bi tawana endambûna rêxistineke terorê 7 sal û çar meh cezayê girtîgehê lê hate birîn. Ew pişt kutakirina cezayê xwe hat berdan.

#sbsaudiopodcast

Hukûmeta Iraqê hewl dide ku PKK û komên din ên girêdayî bi wan ku li Şingalê ne çekên xwe radest bikin, pêkhateyên xwe yên çekdarî hilweşînin û endamên xwe tevlî hêzên Iraqî bikin. Li alîyekî din, Hukumeta Herêma Kurdistanê vegerandina 33 ciwanên kurd ragihand, ku zêdetirî mehekê di zîndanên Lîbyayê de mabûn. Li gorî amarên Fermangeha Medya û Zanyariyê, heta niha 335 kes ji Lîbyayê hatine rizgar kirin.

#sbsaudiopodcast

Korek Telecom biryarên Desteya Ragihandin û Agahdariyê ya Iraqê wekî "ne li gorî destûrê û siyasî" dibîne û dibêje ev deste xwediyê desthilatê nîne ku bi hevkariya Serokwezîrê berê re ji bo çareserkirina kêmasiyên darayî û kêmkirina îcazeya 4G hatibû çêkirin, biqedîne. Korek bang li Serokwezîrê Iraqê dike ku destwerdanê bike û tekezî li ser parastina mafên aboneyên xwe bike.

Raporta Hatice Kamer ji Amedê vê hefteyê li ser rewşa dawîn a qanûn û komisyonên ku ji bo pêvajoyê hatine avakirin e. Herwiha, rapor li ser şîna dehan şervanên PKKê ye ku navên wan hatine eşkerekirin û di deh salên dawî de di şer û pevçûnan de hatine kuştin. Di heman demê de li Amedê, bi beşdariya malbatan, şîna 49 şervanan sê rojan hate lidarxistin. Hemû şervan ji Amedê bûn.

Mazlûm Ebdî ragihand ku pêvajoya hilweşandina Hêzên Sûriyeya Demokratîk (HSD) û tevlîbûna wan a temam di nav saziyên fermî û ewlehiya dewleta Sûriyê de dê were pêkanîn. Li gorî daxuyaniyê, ev gav dê bibe beşek ji pêvajoya yekîtiya saziyên leşkerî û ewlehiyê û rêxistina nû ya hêzên li Sûriyê. Zêdetir derbarê vê mijarê di raporta Ehmed Xefûr ji Hewlêrê heye.

Qanûna Yasaya Pêvajoyê roja Sêşemê 19 Tebaxê bi İmzeya Serokomarê Tirkiyê, di Rojnameya Fermî ya Dewletê de hate belavkirin. Ji bo sepandina qanûnê sê komîte dê werin damezrandin. Avakirina Komîteya Çavderîkirin û Nîrxandinê, roja Sêşemê ji aliyê Cîgirê Serokê Tirkiye ve hate ragihandin. Ev qanûn, rê li vegera şervanên PKKê jî vedike. Lê gelo malbatên şervanan çi dibêjin, Hatice Kamer ji du dayikên Kurd li ser xemên wan dipirse.

Êrîşa mûşekî ya Îranê li ser ofîsa Serokwezîrê Herêma Kurdistanê Mesrûr Barzanî û baregeha ajansa ewlehiyê ya Hukûmeta Herêmê bû sedema nerazîbûna navxweyî û navneteweyî. Li alîkî din, li depoyeke sûtemeniyê ya li navçeya Tancero a Silêmaniyê agirêkî mezin derket. Di agirî de nêzîkî 25 kes birîndar bûn. Zêdetir di raporta Ehmed Xefûr ji Hewlêrê heye.

Nivîskar Cemîl Turan Bazidî, li ser helbestvanên jin ên Kurd, antolojiyek bi zimanê Yunanî amade kiriye. Ev di warê xwe de berhemeke sereke ye. Antolojî ji helbest û kurteçîroka 26 jinên Kurd pêk tê. Bazidî antolojiyê diyarî Rewşan Bedirxan dike. Di hevpeyvînê de Bazidî behsa serhatiya nivisandinê û armanca antolojiyê dike. Bazidî 40 sal in li Yunanistanê dijî.

166 parlamenterên Iraqê bi fermî daxwaz ji Serokwezîr Elî Zeydî kirine ku ji bo çareserkirina krîza sotemeniyê li Herêma Kurdistanê, pişka nefta xav ya Herêmê ji 50 hezar bermîlî bo 140 hezar bermîlî rojane zêde bike, an jî rasterast benzînê bişîne Herêmê. Niha nirxa benzînê li Herêma Kurdistanê gelek zêde bûye. Welatî nîgeran in û dest bi xwenîşandanan kirine, û daxwaza kêmkirina nirxa benzînê dikin.