Raportên Peyamnêran

Rojane bi sedan kes ji Kurdên Rojhilatê Kurdistanê ji bo dabara xwe û malbatên xwe, wekî kolber dixebitin. Lê, gelek ji wan bûne qurbaniyên gulebarana rasterast a hêzên ewlehiya Îranê; hin hatine kuştin û hin jî birîndar bûne. Di vê hevpeyvînê de, nûçegîhan Ehmed Xefûr bi Roman Mirakî, rojnamevanekî Kurd û çalakvanê mafên mirovan re, li ser rewşa kolberan, zehmetiyên ku ew rojane rû bi rû dibin û xmetirsiyên ku jiyana wan tehdîd dikin, diaxive.

#sbsaudiopodcast

Li Amedê komele û tevgerên jinan li hember kuştin û tundiya li ser jinan dibe, dest bi çalakiya Jin, Dadperwerî û Bîranîn kirin. Çîroka jinên ku hatine kuştin tê xwendin. Ji meha yekê 2026 de li Tirkiye 289 jin hatine kuştin. Li alîkî din rojnamevan jî li hember zext û zora li ser azadiya ragihandinê xwepêşandanek kirin. Li gorî RSFê di rapora azadiya ragihandinê de Tirkye di rêza 163an da ye. Di nav mehekê de heft rojnamevan hatin girtin.

#sbsaudiopodcast

Li Herêma Kurdistanê, binpêkirina mafên rojnamevanan, bêhurmetî û gef li dijî wan hîn jî berdewam in. Tevî bangên berdewam ên navneteweyî ji bo parastina azadiya çapemeniyê û ewlehiya rojnamevanan, pirsgirêk hîn jî cihê xwe diparêze. Hozan Qadir serokê Rêxistina Peyamnêran li Herêma Kurdistanê ye. Ehmed Xefûr li Hewlêrê ev hevpyevîna derbarê binpêkirin, sûkatî û gefên li rojnamevanan tên kirin bi wî re pêk anîye.

#sbsaudiopodcast

Pêşnûmaqanûna derbarê Peymana Mekkeyê ku Tirkiye xwe li hember êrîşên Hûsîyan amade dike, ji bo piştgirya Erebîstana Siûdî leşkeran bişîne wî welatî. Herweha di raporta ji Amedê behs li ser beşdarîya Pêşengeha Pirtûkan ya Amedê ku îsal li gorî salên par kêmtir bû. Weşanger û nivîskar li ser egerên vê rewşê hizrên xwe parvedikin.

#sbsaudiopodcast

Şaredarê Bajarê Îzmîrê, Cemil Tugay, di 7ê Cotmeha 2026’an de ji Partiya Komarî ya Gel (CHP), ku berê endamê wê bû, derket û tevlî Partiya Edalet û Geşepêdanê (AKP) bû. Guhertina aliyê siyasî ya Tugay bû yek ji wan pêşketinên balkêş ên di siyaseta Tirkiyê de ku bal kişand ser hevsengiyên siyasî û têkiliyên di navbera partiyan de. Ji aliyê din ve, Serhat Bucak piştî bi salan li sirgûniyê vegeriya Tirkiyê, ku bal kişand ser paşereha wî siyasî û sedemên ku bûne sebeba sirgûniya wî. Zêdetir derbarê mijarên li jor di raporta Hatice Kamer ji Amedê heye.

#sbsaudiopodcast

Enstîtuya Lêkolînên Rojhilata Navîn (MERI) di 12 û 13ê Cotmeha 2026’an de Foruma xwe ya salane li Hewlêrê li dar xist. Di vê forumê de kesayetiyên siyasî yên girîng, di nav de Neçîrvan Barzanî, Bafel Talabanî, Qubad Talabanî û Mazlûm Ebdî, beşdar bûn. Nîqaş li ser mijarên sereke yên herêmê bûn, wek yekîtiya siyasî ya Kurdistanê, siberoja Sûriyê û rewşa Kurdan, her wiha pêşketinên aborî û ewlekariya Herêma Kurdistanê û Iraqê. Forumê derfeteke girîng ji bo danûstandin û nîqaşa pirsgirêkên siyasî û ewlehiyê yên ku bandorê li siberoja Kurdan û tevahiya herêmê dikin, pêşkêş kir. Zêdetir di raporta Ehmed Xefûr ji Hewlêrê heye.

#sbsaudiopodcast

Rewşenbîrê Kurd Musa Enter, 34 salan berê li Amedê li taxa Seyrantepe, di temenê 78 salî de bi destê hêzên tarî hate kuştin. Doza wî demeke dirêje hatiye girtin. Kujer nehatin eşkerekirin. Di bîranîna wî de kurê wî û şagirdên Musa Enter doza edaletê daxwaz kirin. Amedspor li sehaya xwe tîmê navdar yê Tirkan Beşîktaşê 3-2 têk bir. Ev serkeftin Amedsporê kir e yekemîn di rêza serkeftina tîman de. Bi hezaran alîgir bi kêfa coş serkeftina tîmê xwe heta sibehê şahî kirin.

#sbsaudiopodcast

Li Hewlêrê ji ber xwarina duner kebabê, nêzîkî 70 kes jehr dibin. Li gorî agahiyan, duner kebaba ku li ser erebeyekê hatibû firotin û bi awayekî neyasayî û bê destûr ew xwarina hatîye firotin. Kesên ku jehrî bûne, tûşî zikçûn û vereşiyê bûne.

#sbsaudiopodcast

Di raporta Hatice Kamer ji Amedê de, behs li ser daxuyanîya li dijî bûyerên li Kobaniyê dibe. Rêxistinên sivîl ên li Amedê di daxuyaniyê de buyeran weke proveksiyon pênase dikin. Herweha behs li ser serdana Wezîrê Karên Derve Hakan Fîdan û kurê Erdogan, Bîlal Erdogan ku hefteya borî di demên cuda de hatin Amedê û li ser pêvajoyê peyam dan.

#sbsaudiopodcast

Raporta Wezareta Darayî ya Herêma Kurdistanê diyar dike ku hevdîtinên wan ên bi Bexdayê re bo diyarkirina budceya texmînî ya sala 2027an ji ber sepandina sîstêma navendî û neheqiya di dabeşkirina mafên darayî de bêencam mane. Di civînan de Herêmê daxwaza 11 trîlyon û 717 milyar dînarî bo mûçeyên fermanberan kiriye, lê Bexda tenê bi 10 trîlyon û 210 milyar dînarî razî bûye. Zêdetir derbarê vê mijarê di raporta Ehmed Xefûr ji Hewlêrê heye.

#sbsaudiopodcast