Pieter du Toit se pa, Piet Spiere du Toit, en sy seun Pieter-Steph du Toit het albei die Springboktrui gedra. So tussen die rugby deur het hy en sy vier seuns die 8 Feet Village by Riebeeck se ingang gevestig met ou skeepsvraghouers. Johan Rademan het met Pieter op Kloovenburg gesels oor die rol van rugby en toerisme.

Anton Espos, broer van huiskok Errieda du Toit, is ‘n entrepreneur in Riebeeckvallei. Johan Rademan het met dié inwoner oor die omgewing gesels.

Rooiberg is ‘n gebied tussen Worcester en Robertson, waar baie mense aandoen om ‘n foto te neem om deel te wees van ‘n grootstoelversameling. Dié gesogte stilhouplek vir toeriste het ook swaar gebuk gegaan onder die lang globale wintertoerisme-inperking. In die tyd van toerismehibernasie het Rooiberg besluit om ‘n paar drastiese stappe te doen. Johan Rademan het by ‘n kunstenaars-ken-mekaar met ‘n paar mense gesels oor die uitdagings en veranderings.

Porterville is so 150 kilometer se ry van Kaapstad af, en daar is ‘n paar onontdekte juweeltjies soos ‘n 22-watervalle-staproete en ‘n onmeetbare diep poel (Die hel) waarin jy kan swem. Die dorpie bied talle verrassings en geleenthede soos die Porterville Kunsfees.

Bokkomlaan op Velddrif is ‘n historiese gebied waar ‘n vindingryke jong koffieman, Albert Cornelius, sy eie roostery gebou het nadat hy van Israel af teruggekom het. Johan Rademan het hom gepols oor sy liefde vir koffie.

Langs die Holrivier net buite Vredendal, op pad Lutzville toe, is ‘n stukkie grond waarop verskillende bamboesspesies gekweek word. Dit is hier waar 1st Principles distilleerdery met organiese groente en vrugte voggies soos pampoen- en tamatiejenewer en –vodka optower. Anja Roux vertel hoe ‘n ou stookketel, wat as versiering in haar ouma se tuin gestaan het, herstel is en vandag die middelpunt van die gebeure vorm. Johan Rademan het by dié weggesteekte juweeltjie in die Namakwaland aangedoen.

Die groendoringboom by Thornybush Wildreservaart in die Laeveld, aangrensend aan die Krugerpark, maak in Toerismemaand die deure vir Suid-Afrikaners oop. Johan Rademan stel Gerhard en Nataly van Zyl voor aan die reisluisteraars. Hulle bestuur die Jackalberry Lodge by Thornybush bo in die noorde naby Hoedspruit.

Jurgens Schoeman het pas 6 000 km afgelê in ‘n nuwe deel van Suid-Afrika wat hy ontdek het. Johan Rademan het hom gepols oor die Ivoorroete en plekke soos Crook’s Corner en Poacher’s Corner.

Sandra Prinsloo, Anna Davel, Dowwe Dolla, Margit Meyer-Rödenbeck en Helenè Bester deel hulle Oppiwater-ervaring met Johan Rademan.

Tienie en Harda Jonker deel die gevoel wat 'n mens kry wanneer jy toer en oppad is om die vliegtuig te verpas - daai klammigheidjie-op-die-voorkop-gevoel...