Dis snoektyd in die Kaap! Johan Rademan kuier in Nossab-visfabriek waar Henki en Elana Basson gesels oor die omgewing en snoekbraaiwenke gee.

Doornbaai se Jetty-restaurant is ‘n gemeenskapsprojek aan die Weskus waar die bestuurder en wynmaker, Liza Goodwin, ‘n prominente rol speel. Dié wynbougebied is die kleinste geregistreede wyngebied in Suid-Afrika. Dit is 500 meter van die see, en net minder as 30 km se waterpypaanleg maak dit ‘n besondere ervaring om in ‘n ou visfabriek fryerscove en vis en tjips met die Weskusbranders aan die kaai te geniet. Johan Rademan het met Liza Goodwin gesels.

Johan Rademan het onlangs die blokhuis in Montagu besoek waar JP Viljoen van Capedry meer daarvan vertel, en ook mense nooi vir ‘n gratis trekkerrit en besoek aan die vrugtedroogplantasies en -oonde.

Johan Rademan besoek Nieuwoudtville se NG Kerk oor die vark in doodskis en die pannekoeke in blomtyd.

Blaauwklippen is die oudste wynplaas op Stellenbosch. Ditis vernoem na die blou granietrotse van die omgewing. Johan Rademan het met Ben-Carl Havenga oor die geskiedenis en stand van die plaas gesels. Johnny Hamman van die Hamm en Uys restaurant vertel van Kaapse Erfeniskos. Wynmaker Nerina Cloete vertel van haar drome met Cabernet Sauvingon op Blaauwklippen, en ons leer ook meer van die Kroatiese-kultivar, Zinfandel.

Die toerismebedryf steier steeds onder die aanslag van die Coronavirus, maar daar is tog nog ondernemings wat ‘n geloof in die toekoms van toerisme het. Johan Rademan het met Teena Douglas van Lion Roars gepraat oor hulle fokusverskuiwing na die binnelandse mark, en hoe daar steeds in die moeilike tye uitgebrei word.

Ons verken die bolplanthoofstad van die wêreld, Nieuwoudtville, waar Johan Rademan met Mike Spies van Namakwatoere oor die twee roetes - links of regs - gesels. Mandie Kotze van Nieuwoudtville Toerisme vertel van die waterval, Loeriesfontein en Calvinia, terwyl Eugene Marinus besoekers in die blommetyd sal verwelkom in die grootste botaniese tuin in Suid-Afrika, die Hantam Botaniese Tuin.

In die mees suidelike deel van Namakwaland tussen Vanrhynsdorp en Nieuwoudtville, op die Knersvalkte, staan die Bagdad Café, wat die naam van Roete 66 in die Nevada-woestyn ontleen het. Johan Rademan het met Mike Spies en Owen Mcgregor oor die landskap en stilhouplek gesels. Die driejarige Alexander van Huysteen ken ook al ‘n hele paar blom- en plantname uit die Knersvlakte.

In die Koo-vallei in die Burgerspas is ‘n ou kafeetjie, Oupa Batt se winkel, wat al 105 jaar bestaan. Johan Rademan het met Stefan Crous oor die merkwaardige plekkie gesels wat Roete 62 vanaf Montague verbind met die N1 tussen De Doorns en Touwsrivier.

Gerber Basson ken die Weskus se visgate, banke en see baie goed. Hy werp lig op die bedryf en gee wenke vir toeriste wat vis kom soek en braai. Johan rademan het by Sonnab Fisheries met hom gesels en ook agter die kap van die byl gekom met Bokkoms en Voetsek.