René Wicky, il musicant, cumponist, producent e corifea da la musica populara svizra, ha anniversari.

René Wicky è ina corifea da la musica populara svizra. Dapi decennis fa el musica cun pliras chapellas enconuschentas, uschia cun las furmaziuns dals Ribarys, cun la chapella Dünner-Mooser-Wicky ed er cun sia chapella René Wicky. El ha cumponì sur 1'000 tocs da musica populara ed instrumentala, titels sco «Innerschwyzer-Schtimmig», «Blick uf See und Bärge», «Im Rössli z'Steihuse», «S'Härz am rächte Fläck», «Fröhlich dur s'Läbe», «Erinnerig a schöni Stunde» e «Viel Glück uf de Wäg». Ina da sias melodias las pli enconuschentas é senza dubi il «Schönegg-Marsch».

Dal 1969 fin il 1983 è el er stà producent da discs tar Polydor e Polygram, e là ha el lavurà cun grondezzas da la musica sco Ernst Mosch e Max Greger. A partir dal 1983 ha el sia atgna interpresa e cun ses label Corema Records producescha el surtut discs da musica populara e procura per ediziuns da notas.