ភ្ញៀវ​ប្រចាំ​ថ្ងៃ​របស់​យើង​នៅ​រាត្រីនេះ គឺ​​លោក ឆាំង យុ ដែល​ជា​នាយក​មជ្ឈមណ្ឌល​ឯកសារ​កម្ពុជា។​ លោក​​បាន​​ពន្យល់ពី​កម្មវិធី​សិក្សា​ប្រវត្តិសាស្ត្រ​ខ្មែរក្រហម សម្រាប់​សិស្សនិស្សិត និង​សម្រាប់​លោកគ្រូ​អ្នក​គ្រូ​ ។ លោក ឆាំង យុ បញ្ជាក់ថា​ ការ​បង្រៀន​ប្រវត្តិសាស្ត្រ​ខ្មែរក្រហម គឺ​ជាការ​ផ្សះផ្សា​សង្គម!

ចាប់​តាំងពី​​ដើម​ខែ​ម​ករា ​ឆ្នាំ២​០១​៧​មក ប្រទេស​​កម្ពុជា​​បាន​​រង​​នូវ​​ឥទ្ធិពល​​ខ្យល់​ព្យុះ​​ខ្យល់​​កន្ត្រាក់ ​ជាង​៦០​លើក ​បណ្តាល​​ឲ្យ​​ខូចខាត​​ផ្ទះ​សម្បែង​ និង​​អាគារ​​សាធារណៈ​​មួយ​ចំនួន ...

នៅ​ថ្ងៃ​អង្គារ​នេះ អង្គការ​ស៊ីវិល​មួយ​ចំនួន ដែល​ធ្វើ​ការងារ​លើ​វិស័យ​អប់រំ បាន​ប្រកាស​បើ​ក «យុទ្ធនាការ​សប្តាហ៍​សកម្មភាព​ជា​សកល​សម្រាប់​ការអប់រំ» ដែល​ជា យុទ្ធនាការ​ប្រចាំ​ឆ្នាំ​មួយ ប្រារព្ធ​ឡើង ចាប់ផ្តើម​ពីថ្ងៃទី​២៣ ដល់​ថ្ងៃទី​២៩ ខែ​មេសា ក្នុង​ពេល​តំណាល​គ្នា​​ជាមួយ​នឹង​ប្រទេស​ផ្សេង​ទៀត​នៅ​ជុំវិញ​ពិភពលោក​។ ប្រធាន​បទ​សម្រាប់​ការ​អប់រំ​នៅ​កម្ពុជា ក្នុង​ឆ្នាំ២០១៧​នេះ គឺ «ហិរញ្ញប្បទាន​វិស័យ​អប់រំ»។ លោក ជិន ច័ន្ទវាសនា នាយក​ប្រតិបត្តិ អង្គការ​ភាព​ជាដៃគូ​អប់រំ​នៃ​អង្គការ​ក្រៅ​រដ្ឋាភិបាល សង្កេតឃើញ​ថា តាំង​ពី​បើក​យុទ្ធនាការ​​លើក​​ទីមួយ ក្នុង​ឆ្នាំ​២០១៦ ដើម្បី​ជំរុញ​ឲ្យ​រាជ​រដ្ឋាភិបាល​កម្ពុជា បង្កើន​ថវិកា​ឲ្យ​បាន​២០​ភាគរយ​នៃថវិកាជាតិ​សម្រាប់​​វិស័យអប់រំ មក​ទល់​នឹង​ឆ្នាំ​២០១៧នេះ ការ​បែង​ចែង​ថវិកា​ជាតិ សម្រាប់​វិស័យអប់រំ​ គឺ​មាន​ការ​កើន​ឡើង និង​កំពុង​វិវឌ្ឍន៍​ទៅ​រក​ភាព​វិជ្ជមាន​។ លោក រំលឹកថា ការ​ជម្រុញ​ថវិកា​ដើម្បី​អភិវឌ្ឍ​សាលារៀន ក៏​មាន​សារសំខាន់​សម្រា​ប់​គុណភាព​អប់រំ​ដូចគ្នា ខណៈ​ថវិកា​វិស័យ​អប់រំ ៨០% គ្រោង​ចំណាយ​ទៅ​លើ​ប្រាក់​បៀវត្ស​មន្រ្តី​អប់រំ​។

នៅ​ថ្ងៃ​ស្អែក​នេះ គណបក្ស​សង្រ្គោះ​ជាតិ​នឹង​រៀប​ចំ​ធ្វើ​សមាជ​វិសាមញ្ញ​លើក​ទី ២​របស់​ខ្លួន​នៅ​ទី​ស្នាក់​ការ​កណ្តាល​នៅ​ក្នុង​រាជធានី​ភ្នំពេញ ដើម្បី​ធ្វើ​វិសោធនកម្ម​ប្រការ ៤៧​ថ្មី​ឈាន​ទៅ​រក​ការ​ជ្រើស​រើស​អនុប្រធាន​គណបក្ស​ឡើង​វិញ។ ដូច្នេះ​នៅ​រាត្រី​នេះ លោក​អេង ឆៃអ៊ាង ដែល​ជា​អនុប្រធាន​គណបក្ស​សង្រ្គោះ​ជាតិ​ គឺ​ជា​ភ្ញៀវ​របស់​យើង។ ឆ្លើយ​នឹង​សំណួរ​របស់​វណ្ណ សុគន្ធា លោក​អេង ឆៃអ៊ាង បាន​បញ្ជាក់​ថា ការ​ធ្វើ​សមាជ​វិសាមញ្ញ​ជា​លើក​ទី​ពីរ​នៅ​ថ្ងៃ​ស្អែក​នេះ គឺ​ដើម្បី​កុំ​ឲ្យ​ក្រសួង​មហាផ្ទៃ​“ទើស”​ត​ទៅ​ទៀត។

ក្នុង​ឆ្នាំ​២០១៧​នេះ រដូវវស្សា នឹង​មក​ដល់ កម្ពុជា នៅ​ចុងសប្តាហ៍​ទី​មួយ នៃ​ខែ​​ឧសភា ដោយ​នាំ​មក​នូវ ភ្លៀង​ធ្លាក់​តាំង​ពី​ដើម​រដូវ រហូត​ដល់ ចុង​រដូវ​វស្សា ដែល​នឹង​បញ្ចប់​ត្រឹម​សប្តាហ៍​ទី​ពីរ ...

ភ្ញៀវ​ប្រចាំថ្ងៃរបស់​យើង​នៅ​រាត្រីនេះ គឺ​លោក គឹម សន្តិភាព ជា​អនុរដ្ឋ​លេខា​ធិការ​ និង​ជា​អ្នក​នាំពាក្យ​ក្រសួង​យុត្តិធម៌​ ហើយ​ភ្ញៀវ​មួយ​រូប​ទៀត គឺ​លោក លោក ជុន ច័ន្ទបុត្រ ជា​អនុប្រធាន​វិទ្យុ​អាស៊ីសេរី ...

នៅ​​ថ្ងៃ​ទី២១ ខែ​មេសា​​នេះ អង្គការ​​ICCO​ដែ​ល​​ជា​​អង្គការ​​ជំនាញ​ផ្នែក​​កសិកម្ម រួម​​ជា​មួួយ​អង្គការ​ផ្សេងៗ​ទៀត បាន​រៀប​ចំ​​សិក្ខា​សាលា​មួយ​​ស្តីពី​​ការ​លើក​កម្ពស់​សុវត្ថិភាព​​បន្លែ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នៅ​យប់​នេះ គឺ​លោក វេង​ សាខុន រដ្ឋមន្ត្រី​ក្រសួង​កសិកម្ម រុក្ខា​ប្រមាញ់ និង​នេសាទ។ លោក​វេង សាខុន​បាន​បញ្ជាក់​ថា ដើម្បី​ជៀស​វាង​នៅ​បញ្ហា ដែល​លំបាក​ដោះ​ស្រាយ ចំពោះ​ការ​កំណត់​ប្រភេទ​ឧបករណ៍​នេសាទ​នោះ ក្រសួង​កសិកម្ម​ត្រូវ​តែ​ធ្វើ​វិសោធនកម្ម​ច្បាប់​ស្តី​ពី​ជល​ផល​ជា​បន្ទាន់។ កិច្ច​ប្រជុំ​រៀប​ចំ​វិសោធនកម្ម​នឹង​ធ្វើ​ឡើង​នៅ​ថ្ងៃ​ចន្ទ​សប្តាហ៍​ក្រោយ។ ការ​ធ្វើ​វិសោធនកម្ម​នេះ គឺ​ធ្វើ​ឡើង​ទៅ​តាម​កាលៈទេសៈ​ជាក់​ស្តែង និង​ទៅ​តាម​ការ​កើន​ឡើង​នៃ​ចំនួន​ប្រជានេសាទ។

មក​ទល់​ពេល​នេះ​ការ​ផ្គត់​ផ្គង់​អគ្គិសនី តាម​រយៈ​បណ្តាញ​ចែក​ចាយ​របស់​រដ្ឋ មាន​ចំនួន​ជិត ៨០​ភាគ​រយ​ហើយ។ នៅ​ឆ្នាំ ២០២០​ខាង​មុខ អគ្គិសនី​កម្ពុជា​នឹង​គ្រប​ដណ្តប់​ទៅ​ដល់​ភូមិ​ចំនួន​ជាង​ ១៤០០០​ភូមិ នៅ​ទូទាំង​ប្រទេស។ លោក វិចទ័រ ហ្សូនា អគ្គនាយក​នៃ​អគ្គនាយកដ្ឋាន​ថាមពល និង​ជា​អ្នក​នាំ​ពាក្យ​ក្រសួង​រ៉ែ និង​ថាមពល​ ថ្លែង​ប្រាប់​វិទ្យុ RFI ថា រយៈ​ពេល ៣​ឆ្នាំ​ទៀត កម្ពុជា​នឹង​មាន​អគ្គិសនី​ប្រើ​ប្រាស់​គ្រប់​គ្នា ស្រប​តាម​គោល​នយោបាយ​របស់​រដ្ឋាភិបាល​ នា​អាណត្តិ​ទី ៥​នេះ។ លោក​វិចទ័រ ហ្សូនា បញ្ជាក់​ថា​ទៅ​អនាគត​កម្ពុជា​នឹង​មាន​អគ្គិសនី​លក់​ទៅ​ក្រៅ​ប្រទេស​ផង​ដែរ។

ការ​​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ​សង្កាត់​អាណតិ្តទី​​បួន នឹង​​មក​ដល់ នៅ​ថ្ងៃទី​០៤ ខែ​មិថុនា ឆ្នាំ​២០១៧ ខាង​មុខ ! ការ​​បោះ​ឆ្នោត​​នេះ មាន ១២ គណបក្ស​​នយោបាយ​ចូលរួម និង​មាន​​បេក្ខភាព​ឈរ​​ឈ្មោះ​​សម្រាប់​ការ​​បោះ​ឆ្នោត សរុប ៩៤.៥៩៥ នាក់ ក្នុ​ង​នោះ​បេក្ខនារី មាន​សរុប ២៥.៧៨៨ នាក់​។ ក្នុង​ចំណោម​គណបក្ស​ទាំង ១២​នេះ មាន​តែ ពីរ​​គណបក្ស​នយោ​បាយ​​ប៉ុណ្ណោះ គឺ បក្ស​ប្រជាជន​កម្ពុជា និង​បក្ស​សង្រ្គោះ​ជាតិ ដែល​មាន​សមត្ថភាព ចុះ​បញ្ជី​បេក្ខជន​ឈរ​ឈ្មោះ​បោះឆ្នោត​នៅ​គ្រប់​ឃុំ​ស​ង្កាត់​ទាំង ១៦៤៦ ទូទាំង​ប្រទេស​។ អ្នក​​នាំ​​ពាក្យ គណៈ​​កម្មាធិការ​ជាតិ​​រៀបចំ​​ការ​បោះឆ្នោត (គជប) លោក ហង្ស ពុទ្ធា បាន​បញ្ជាក់​ថា គណ​បក្ស​​នយោបាយ​​មិន​សូវ​​ល្បី​ឈ្មោះ​​មួយ​ចំនួន មាន​ការ​​ពិបាក​​ស្វែង​រក​​បេក្ខជន​​មក​ឈរ​ឈ្មោះ​បោះឆ្នោត​​តំណាង​​ឲ្យ​​គណ​បក្ស​របស់​ខ្លួន ខណៈ​មាន​បេក្ខជន​ខ្លះ ចុះ​ឈ្មោះ​រួច​ហើយ រារែក​ចង់​លុប​​ឈ្មោះ​​ចេញ​​វិញ​។