នៅ​រសៀល​នេះ គ.ជ.ប​បាន​ជួប​ជាមួយ​តំណាង​សហភាព​អឺរ៉ុប ស្ថានទូត​ជប៉ុន និង​ស្ថានទូត​អាមេរិក ដើម្បី​ពិភាក្សា​គ្នា​អំពី​ដំណើរ​ការ​នៃ​ការ​បោះ​ឆ្នោត​ឃុំ​សង្កាត់​នា​ពេល​ខាង​មុខ។ ជំនួប​នេះ ធ្វើ​ឡើង​មួយ​ថ្ងៃ​មុន គ.ជ.ប បើក​កិច្ច​ប្រជុំ​ផ្សព្វ​ផ្សាយ​ស្តី​ពី​ការ​ការពារ​សន្តិសុខ​បោះ​ឆ្នោត​នៅ​តាម​ការិយាល័យ​បោះ​ឆ្នោត និង​រាប់​សន្លឹក​ឆ្នោត​នៅ​ថ្ងៃ​ស្អែក។ លោក​ហង្ស ពុទ្ធា អ្នក​នាំ​ពាក្យ គ.ជ.ប គឺ​ជា​ភ្ញៀវ​របស់​យើង​នៅ​រាត្រី​នេះ ដែល​វណ្ណ សុគន្ធា សាក​សួរ​ជុំវិញ​បញ្ហា​ទាំង​ពីរ​ខាង​លើ។ និយាយ​ដោយ​ឡែក ចំពោះ​ការ​ដាក់​ពង្រាយ​កង​កម្លាំង​នៅ​តាម​ការិយាល័យ​បោះ​ឆ្នោត និង​រាប់​សន្លឹក​ឆ្នោត លោក​ហង្ស ពុទ្ធា បាន​សង្កត់​ធ្ងន់​ថា គឺ​ដើម្បី​ការពារ​សន្តិសុខ​សណ្តាប់​ធ្នាប់​សម្រាប់​ការ​បោះ​ឆ្នោត មិន​មែន​ជា​រូបភាព​គំរាម​កំហែង​អី​ទេ។

ភ្ញៀវ​​ប្រចាំ​ថ្ងៃ​​របស់​​វិទ្យុ​​បារាំង​​អន្តរជាតិ ​RFI ​លោក​​វេជ្ជបណ្ឌិត ​លី ​សុវណ្ណ ​ប្រធាន​​នាយកដ្ឋាន​​ប្រយុទ្ធ​​​នឹង​​​ជំងឺ​​ឆ្លង​​​នៃ​​​ក្រសួង​​​សុខា​ភិបាល​​​។ ​​ឆ្លើយ​​តប​​​នឹង​​​សំណួរ​​​របស់​​​វិទ្យុ​​​បារាំង​​​អន្តរជាតិ​ ​RFI ​​​ទាក់​​ទង​​នឹង​​ការ​ផ្ទុះ​​ឡើង​​នៃ​​​ជម្ងឺ​​ផ្តាសាយ​ធំ ​នៅ​ក្នុង​​​ស្រុក​​​កោះ​ញែក​​​ខេត្ត​​ម​ណ្ឌល​​​គី​រី​ ​នៅ​​ថ្ងៃ​​នេះ ​​លោក​​​វេជ្ជ​បណ្ឌិត ​​លី ​សុវណ្ណ ​​បាន​​​ឲ្យ​​​ដឹង​​ថា ​​ជម្ងឺ​​​ផ្តាសាយ​ដែលកើត​​ឡើង​​ជា​បណ្តុំ​​ នៅ​​ក្នុង​​​ខេត្ត​​​ភាគ​​​ឥសាន​​​នៃ​​​ប្រទេស​​កម្ពុជា​​នេះ ​ជា​​ជម្ងឺ​​ផ្តាសាយ​​ធម្មតា​។ ​ប៉ុន្តែ​​ក្រសួង​​សុខា​ភិបាល​​​កំពុង​​បារម្ភ​​​ថា​ ​មេរោគ​​​ផ្តាសាយ​​នៅ​ក្នុង​​និន្នាការ​​សកលលោក​​​ដូច​បច្ចុប្បន្ន​​នេះ ​កាន់​តែ​​កាច​​សាហាវ​​ទៅ​ ​ដែល​​​តម្រូវ​​ឲ្យ​​​ប្រជាពលរដ្ឋ ​និង​​អាជ្ញាធរ ​ត្រូវ​តែ​មាន​​ការ​ប្រុង​ប្រយ័ត្ន ​ពិសេស​​ក្នុង​ករណី​​ផ្ទុះ​​នូវ​​ជម្ងឺ​​នេះ ​ក្នុង​​ទ្រង់ទ្រាយ​​ធំ​​ដូច​នេះ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នៅ​រាត្រី​នេះ គឺ​លោក​គីម ហ៊ាង​ ​ប្រធាន​ក្រុម​ហ៊ុន​ខ្មែរ​រៀល​អ៊ីស្ទែត ​និង​ជា​ប្រធាន​សមាគម​អ្នក​វាយ​តម្លៃ​ និង​ភ្នាក់​ងារ​អចលន​វត្ថុ​កម្ពុជា​។ នៅ​មិន​ដល់​មួយ​ខែ​ទៀត​ទេ កម្ពុជា​នឹងរៀប​ចំការ​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ​ សង្កាត់​។ ព្រឹត្តិការណ៍​នេះ​បាន​ធ្វើ​ឲ្យ​អ្នក​វិនិ​យោគ​បរទេស​កាត់​បន្ថយ​ការ​វិនិយោគ​លើ​គម្រោង​សាង​សង់​ថ្មីៗ ក្នុង​វិស័យ​អចលន​ទ្រព្យ​កម្ពុជា​។ នេះ​បើ​តាម​លោក​គីម ហ៊ាង។ លោក​បន្ថែម​ថា​ អ្នក​វិនិ​យោគ​ក្នុង​ស្រុក​វិញ​នឹង​បន្ត​ការ​សាង​សង់​ជា​ធម្មតា​។

ក្រសួង​រ៉ែ និង​ថាមពល នៅ​ថ្ងៃ​សុក្រ ទី ៥ ឧសភា​នេះ បាន​ចេញ​លិខិត​បំភ្លឺ​មួយ បដិសេធ ជុំវិញ​ការ​ចោទ​ប្រកាន់​របស់​សកម្មជន​អង្គការ​មាតា​ធម្មជាតិ​ដែល​ថា ក្រសួង​បាន​រំលោភ​លើ​ការ​ផ្អាក​បណ្តោះ​អាសន្ន​នៃ​នាំ​ចេញ​ខ្សាច់។ ការ​បំភ្លឺ​នេះ បន្ទាប់​ពី​មាន​សកម្មជន​នៃ​អង្គការ​មាតា​ធម្មជាតិ​បាន​បង្ហោះ​វីដេអូ​នៅលើ Facebook របស់ខ្លួន អំពី​សកម្មភាព​កប៉ាល់​ផ្ទុក​ខ្សាច់​នាំចេញ​ទៅ​ក្រៅប្រទេស។ ដូចនេះ​ភ្ញៀវ​ប្រចាំថ្ងៃ​របស់​វិទ្យុ​យើង​គឺ​លោក​ឌិ​ត ទីណា រដ្ឋលេខាធិការ​ក្រសួង​រ៉ែ និង​ថាមពល និង​ជា​អ្នក​នាំ​ពាក្យ។ អ្នក​នាំ​ពាក្យ​រូបនេះ បាន​អះអាង​ថា របាយការណ៍​នៃ​អង្គការ​មាតា​ធម្មជាតិ គឺជា​រឿង​នយោបាយ​ដែល​បំពុល​បញ្ហា​សង្គម​ច្រើន​ជាង​រឿង​ការ​ពិត។ បន្ថែម​ពីនេះ លោក ឌិ​តទី​ណា ក៏បាន​លើកឡើង​ពី​ភាព​មិនទាន់​ប្រាកដប្រជា​ស្តីពី​ការ​បូម​ប្រេង​របស់​កម្ពុជា​ផងដែរ។

ភ្ញៀវ​ប្រចាំថ្ងៃ​របស់​យើង​នៅ​យប់​នេះ គឺ​លោក ង៉ែត ចាន់សៀក ដែល​ជា​​សមាជិក​នៃ​ក្រុម​អ្នក​ចិញ្ចឹម​ជ្រូក​នៅ​ក្នុង​ស្រុក។ ក្រោយ​ពី​បាន​ចុះ​ឃ្លាំមើល​ការ​ដឹក​ជ្រូក​នាំចូល​ពី​ប្រទេស​វៀតណាម ប៉ុន្មាន​ថ្ងៃ​មកនេះ​, លោក ង៉ែត ចាន់សៀក ប្រាប់​វិទ្យុ​បារាំង​អន្តរជាតិ​ RFI ថា ជ្រូក​រស់​ ដឹកនាំ​​ចូល​មក ពីវៀតណាម​ មាន​ចំនួន​ច្រើន គឺ​លើស​ពី​បំរាម​របស់​រដ្ឋាភិបាល​ខ្មែរ ហើយ​ឡាន​ដឹក​ជ្រូក​ខ្លះ គឺគ្មាន​ឯកសារ​ច្បាស់​លាស់​។ ចំណែក​ជ្រូក​នោះវិញ ក៏​គ្មាន​លិខិត​ស្នាម​បញ្ជាក់​​​សុខភាព​ជ្រូក ពី​ពេទ្យ​សត្វ​ត្រឹម​ត្រូវ​នោះដែរ។

ប្រទេស​កម្ពុជា​បាន​ប្រារព្ធ​ពិធី​អបអរ ​ទិវា​សេរីភាព​ពិភព​លោក​នៅ​ថ្ងៃ​ទី​៣​ខែ​ឧសភា​នេះ ​ដូចជា​ប្រទេស​នានា​ដែរ​ ដោយ​មាន​ការ​រួម​គ្នារ​វាង​ក្រសួង​ព័ត៌មាន ​និង​អង្គភាព​កាសែត​នានា ...

នៅ​ថ្ងៃអង្គារ​នេះ​គណៈកម្មាធិការជាតិរៀបចំការបោះឆ្នោត គជប បាន​​កោះ​​ប្រជុំ​ជាមួយ​ប្រព័ន្ធ​ផ្សព្វផ្សាយ​ព័ត៌មាន ដើម្បី​ជូន​ដំណឹង​ពី​ការ​អនុវត្ត​​ច្បាប់​​បោះឆ្នោត និង​គោលការណ៍​សម្រាប់​​ផ្សព្វផ្សាយ​អំឡុង​ពេល​ឃោសនា​បោះ​ឆ្នោត ដែល​នឹង​មក​ដល់​ចាប់​ពី​ថ្ងៃទី​២០ ខែ​ឧសភា ដល់​ថ្ងៃទី​០២ ខែ​មិថុនា ឆ្នាំ​២០១៧​។ បើ​​តាម​ ​លោក ហង្ស ពុទ្ធា អ្នកនាំ​ពាក្យ​ គជប​ អំឡុង​ពេល​ឃោសនា​នេះ គជប នឹង​​គ្រប់គ្រង​រាល់​សម្ភារៈ និង​ខ្លឹមសារ​ផ្សព្វផ្សាយ​របស់​កាសែត​បោះពុម្ព វិទ្យុ ទូរ​ទស្សន៍​ទាំង​រដ្ឋ និង​ឯកជន​ក្នុង​ស្រុក ទាក់ទង​នឹង​​គណបក្ស​នយោបាយ លើកលែង​តែ គេហទំព័រ​អនឡាញ និង​ហ្វេស​ប៊ុក​។ ប៉ុន្តែ​ប្រសិន​បើ​​ខ្លឹមសារ​ឃោសនា​នយោបាយ​នៅ​លើ​ហ្វេស​ប៊ុក​មាន​លក្ខណៈ​ធ្ងន់ធ្ងរ នឹង​មាន​ស្ថាប័ន​ផ្សេង​ពី គជប ជា​អ្នក​ទទួល​ខុស​ត្រូវ​។ លោក ហង្ស ពុទ្ធា បាន​បន្ថែម​ថា ដូច​ឆ្នាំ​មុនៗ​ដែរ នៅ​ឆ្នាំ​២០១៧​នេះ គជប នឹង​អំពាវ​នាវ​ឲ្យ​ប្រព័ន្ធ​ផ្សព្វ​ផ្សាយ​ទាំង​អស់ សូម​រក្សា ថ្ងៃទី​០៣ ខែ​មិថុនា ជា​ថ្ងៃ​ស ថ្ងៃ​ស្ងប់​ស្ងៀម ​ដោយ​មិន​ផ្សព្វផ្សាយ​អំពី​គោល​នយោបាយ​គណបក្ស ឬ​លើក​តម្កើង​គណប​ក្ស​ណាមួយ​ឡើយ​។

ថ្ងៃ​នេះ គឺ​ជា​ទិវា​ពលកម្ម​អន្តរជាតិ ១​ឧសភា។ ឆ្លៀត​ឱកាស​នេះ វណ្ណ សុគន្ធា បាន​ជួប​សម្ភាសន៍​ជាមួយ​លោក​ស្រី​យ៉ាង សុភ័ណ្ឌ ប្រធាន​សម្ព័ន្ធ​សហជីព​កម្ពុជា​អំពី​សិទ្ធិ​សេរីភាព​ក៏​ដូច​ជា​បញ្ហា​ប្រឈម​នានា​របស់​កម្មករ​កម្មការិនី​ខ្មែរ។ លោក​ស្រី​យ៉ាង សុភ័ណ្ឌ បាន​លើក​ឡើង​ថា មក​ដល់​ពេល​នេះ​ កម្មករ កម្មការិនី​ខ្មែរ​មិន​ទាន់​ទទួល​បាន​សិទ្ធិ​សេរីភាព​គ្រប់​គ្រាន់​នៅ​ឡើយ​ទេ ហើយ​ជីវភាព​រស់​នៅ​ក៏​មិន​សូវ​ជា​ល្អ​ប៉ុន្មាន​ដែរ។ តាម​ប្រធាន​សហជីព​រូប​នេះ គឺ​ទាល់​តែ​ប្រាក់​ខែ ២០៧​ដុល្លារ​ក្នុង​មួយ​ខែ ទើប​ធ្វើ​ឲ្យ​កម្មករ​អាច​រស់​នៅ​បាន​សមរម្យ​បន្តិច។

កម្ពុជា កាលពី​ថ្ងៃទី២៩ខែមេសា បាន​ពន្លិច​កុងតឺន័រចាស់ៗចំនួន​ពីរ​ទៅក្នុង​បាតសមុទ្រ​ជា​លើក​ដំបូង​​ស្ថិត​នៅក្នុង​តំបន់​កោះរ៉ុង។ ការធ្វើ​បែបនេះ នាំ​ឲ្យ​មានការ​ព្រួយបារម្ភ​ថា វា​នឹងធ្វើ​ឲ្យ​ប៉ះ​ពាល់​​ដល់​បរិស្ថាន​សមុទ្រ​កម្ពុជា។ ប៉ុន្តែ ក្នុងនាម​ជា​ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI លោក​ឧ​ត្ត​មនា​វី​ឯក ទៀ សុខា មេបញ្ជាការរង​កងទ័ព​ជើង​ទឹក និង​ជា​មេបញ្ជាការ​ជួរមុខ គណៈកម្មាធិការ​ជាតិ​សន្តិសុខ​លម្ហ​សមុទ្រ បាន​ពន្យល់ថា ផ្ទុយទៅវិញ ការធ្វើ​បែបនេះ គឺ​ដើម្បី​​ធ្វើជា​របាំង​ការពារ​ជីវៈចម្រុះ និង​ផ្កាថ្ម ក្នុង​តំបន់​កោះរ៉ុង​ទៅវិញ​ទេ ខណៈដែល​តំបន់​កោះរ៉ុង​​បានក្លាយជាតំបន់​ទាក់ទាញ​ភ្ញៀវ​ទេសចរណ៍​ទៅមុជទឹក​កំសាន្ត​និងទស្សនា​ផ្កា​ថ្ម​នៅ​ទី​នោះ៕

ក្លឹប​អ្នក​ការ​សែត​កម្ពុជា​នៅ​ព្រឹក​ថ្ងៃ​ទី២៨ មេសា​នេះ បាន​បើក​កិច្ច​ពិភាក្សា​តុមូល​ស្តី​ពី​យុវជន​ក្នុង​ដំណើរ​ការ​បោះ​ឆ្នោត​។ ការ​រៀប​ចំ​កិច្ច​ពិភាក្សា​តុ​មូល​នេះ ...