ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នារា​ត្រី​នេះ គឺ​លោក​វរសេនីយ៍ឯក ថី វិសាល អនុ​ប្រធាន​នាយកដ្ឋាន នគរ​បាល​ចរាចរណ៍​ផ្លូវ​គោក ​និង​សណ្តាប់​ធ្នាប់​សាធារណៈ​។ ...

លោក​ស្រី ​កែ ឡេង ​វីរកីឡា​ការិនី​ប៉េតង់​កម្ពុជា ​ទើប​តែ​បាន​ឈ្នះ​មេដាយ​មាស​ប៉េតង់​ពិភព​លោក​ជា​លើក​ទី​០៤ ​កាល​ពី​ថ្ងៃទី ​២២​ វិច្ឆិកា​ តាម​រយៈការ​ផ្តួល​កីឡាកា​រិនី​ឡាវ ​នៅ​ក្នុ​ង​ព្រឹត្តិការណ៍​ជើង​ឯក​ប៉េតង់​ពិភព​លោក​យុវជន ​និង​ ស្ត្រី​លើក​ទី​១៧​ ដែល​កម្ពុជា​កំពុង​ធ្វើ​ជា​ម្ចាស់​ផ្ទះ​។ ​ជ័យ​ជំនះ​នេះ​មាន​ន័យ​ថា ​លោក​ស្រី ​កែ​ ឡេង​​ បាន​ក្លាយ​​​ជា​​កីឡាការិនី​​ម្នាក់​​គត់​​​ដែល​បាន​ឈ្នះ​​ជើង​​ឯក​​ពិភព​លោក​​៤​​ដង​​ជាប់​ៗ​គ្នា​នេះ​។​ ក្នុង​នាម​ជា​​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ ​RFI​ នៅ​រាត្រី​នេះ ​លោកស្រី ​កែ ឡេង ​បាន​លើក​ឡើង​ថា ​ការ​តាំង​ចិត្ត​ខ្ពស់ ​គឺ​ជា​ចំណុច​សំខាន់​មួយ​ដែល​ធ្វើឲ្យ​លោក​ស្រីបា​ន​ឈ្នះ​មេដាយ​មាស​ប៉េតង់​ពិភព​លោក​ជាលើ​ក​ទី​០៤​នេះ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​RFI​នៅរាត្រីនេះ គឺ​លោក យី គឹមថាន នាយក​ស្តីទីអង្គការភ្លែន​អន្តរជាតិប្រចាំ​កម្ពុជា។ ជាអង្គការមួយក្នុងចំណើអង្គការ​អន្តរជាតិ​សរុបចំនួន៦​ដែលបាន​ចេញ​របាយការណ៍​ស្រាវ​ជ្រាវ​ស្តី​ពី​ស្ថាន​ភាព​សិទ្ធិ​កុមារ​នៅ​កម្ពុជា​។ លោក​កត់​សំគាល់ថា មានឧបសគ្គធំៗចំនួន២​ដែល​​ជាការ​គំរាម​កំហែង​ទៅ​ដល់​សិទ្ធិកុមារ​ គឺការ​ចែក​រំលែក​មិន​ស្មើ​ភាព​នូង​អត្ថ​ប្រយោជន៍​ដែល​បាន​មក​ពីការ​អភិ​វឌ្ឍ និង​​បញ្ហា​ប្រឈម​ថ្មី​ ​កំពុង​លេច​ឡើងក្នុង​សម័យ​បច្ចេក​វិទ្យា​ទំនើប​។ លោក យី គឹមថាន ស្នើ​ឲ្យ​ភាគី​ពាក់​ព័ន្ធ​វិនិយោគ​បន្ថែម​លើ​កុមារ​ដើម្បី​កម្ពុជា​សម្រេច​បាន​គោល​ដៅ​អភិវឌ្ឍ​ទៅ​ប្រទេស​មាន​ចំណូល​មធ្យម​កម្រិត​ខ្ពស់​នៅឆ្នាំ​២០៣០។

ប្រទេស​កម្ពុជា​បាន​បង្វែរ​មុខ​ព្រួញ​នាំ​អំបិល​ពី​ឥណ្ឌា ជំនួស​ឲ្យ​ការ​នាំ​អំបិល​ចិន​ដែល​ឡើង​ថ្លៃ​ដើម្បី​ឲ្យ​ទាន់​រដូវ​កាល​ធ្វើ​ប្រហុក​នា​ខ្នើត​ខាង​មុខ​។ កាល​ពី​ពេល​ថ្មីៗ​នេះ កម្ពុជា​បាន​នាំ​ចូល​អំបិល​ពី​ប្រទេស​ឥណ្ឌា​ចំនួន​៥ពាន់​តោន ហើយ​នឹង​បន្ត​នាំ​ចូល​បន្ថែម​ទៀត ដើម្បី​ផ្គត់​ផ្គង់​កង្វះ​ខាត​អំបិល​ប្រើ​ប្រាស់​ក្នុង​ស្រុក ដែល​នៅ​ឆ្នាំ​២០១៩​នេះ តម្រូវ​ការ​អំបិល​ទូទាំង​ប្រទេស​មាន​រហូត​ដល់​១០​ម៉ឺន​តោន​។ លោក ប៊ុន បារាំង ប្រធាន​សហគមន៍​ផលិត​អំបិល កំពត-កែប បាន​ថ្លែង​ថា កម្ពុជា​នឹង​ប្រឈម​កង្វះ​ខាត​អំបិល​ជា​រៀង​រាល់​ឆ្នាំ ប្រសិន​បើ​អាកាស​ធាតុ​នៅ​តែ​មិន​អំណោយ​ផល រួម​នឹង​កង្វះ​ខាត​កំលាំង​ពល​កម្ម​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​រាត្រី​នេះ គឺ​លោក ចាន់ យុត្ថា រដ្ឋ​លេខា​ធិការ និង​ជា​អ្នក​នាំពាក្យ​នៃ​ក្រសួង​ធនធាន​ទឹក​និង​ឧតុនិយម​។ ឆ្លើយ​នឹង​សំណួរ​របស់​វិទ្យុ​បារាំង​អន្ដរជាតិ RFI លោក ចាន់ យុត្ថា បាន​ពន្យល់​ពី​ស្ថានភាព​រាំង​ស្ងួត​នៅ​កម្ពុជា ​ចាប់​ពី​ពេល​នេះ រហូត​ដល់​ដើម​ឆ្នាំ​២០២០​​។ ភាព​រាំង​ស្ងួត​នេះ អាច​បង្ក​ផល​ប៉ះពាល់​ខ្លះ​ដល់​ការ​បង្ក​បង្កើន​ផល​របស់​ប្រជាពលរដ្ឋ ប៉ុន្តែ​លោក ចាន់ យុត្ថា បាន​អះអាង​ថា ក្រសួង​ធនធាន​ទឹក ​មាន​បរិមាណ​ទឹក​បម្រុង​គ្រប់​គ្រាន់​ សម្រាប់​ផ្គត់ផ្គង់​ដល់​ការ​ធ្វើ​ស្រែ​ប្រាំង​របស់​ប្រជាពលរដ្ឋ​បាន​ពី​៤៥ទៅ​៥០​​ម៉ឺន​ហិចតា ហើយ​ថែម​ទាំង​អាច​មាន​ទឹក​សេស​សល់​សម្រាប់​បម្រើ​ដល់​ការ​ប្រើ​ប្រាស់​ប្រចាំ​ថ្ងៃ​ទៀត​ផង​។

ក្រសួង​ទេសចរណ៍ នៅ​ថ្ងៃ​អង្គារ​នេះ បាន​បើក​វេទិកា​ជាតិ​អេកូ​ទេស​ចរណ៍​លើក​ទី១ អម​ជាមួយ​ពិធី​ប្រកាស​ដាក់​ឲ្យ​ប្រើ​ប្រាស់ គោល​នយោ​បាយ​អេកូ​ទេសចរណ៍(២០១៩-២០៣០)។ លោក ជុក ជំនោរ អ្នក​នាំ​ពាក្យ​ក្រសួង​ទេស​ចរណ៍ ថ្លែង​ថា​ការ​ជួប​ជុំ​គ្នា​ជជែក​រឿង​អេកូ​ទេសចរណ៍​នៅ​ថ្ងៃ​នេះ គឺ​ដើម្បី​ដាក់​ចេញ​នូវ​យន្ត​ការ​ជម្រុញ​ការ​អភិវឌ្ឍ​សហគមន៍​អេកូទេស​ចរណ៍​ទាំង​អស់​នៅ​ទូទាំង​ប្រទេស​។ ដោយ​ឡែក ទាក់​ទង​ទៅ​នឹង​គម្រោង​ទាក់​ទាញ​ទេសចរ​ផ្ទះ​ទីពីរ ឬ​ទេសចរ​វ័យ​ចំណាស់ ចូល​និវត្តន៍​ពី​បរទេស ត្រូវ​បាន​មន្ត្រី​អ្នក​នាំ​ពាក្យ​ក្រសួង​ទេសចរណ៍​បញ្ជាក់​ថា កំពុង​តែ​មាន​ដំណើរ​ការ​ជា​បណ្តើរៗ​ហើយ​។

នៅ​ថ្ងៃ​នេះ​ក្រុម​អាជីវករ​ដែល​លក់​ដូរ​តាម​ដង​ផ្លូវ​ប្រមាណ​១៥០​នាក់​បាន​ជួប​ជុំ​គ្នា​ដើម្បី​អបអរទិវា​អ្នកលក់​ដូរ​តាម​ដង​ផ្លូវ​អន្តរ​ជាតិ​លើក​ទី៧​។ទិវា​នៅ​ឆ្នាំ​នេះ​បាន​លើក​យក​ប្រធាន​បទ «កិច្ច​គាំ​ពាំ​សង្គម​សម្រាប់​អ្នក​លក់​ដូរ​តាម​ដង​ផ្លូវ​នៅ​កម្ពុជា​»។ លោក វន់ ពៅ បាន​គូស​បញ្ជាក់​ពី​បញ្ហា​ប្រឈម​ជា​ច្រើន​ដែល​អាជីវករ​លក់​ដូរ​តាម​ផ្លូវ​នៅកម្ពុជាកំពុង​ជួបប្រទះ​ ហើយ​ពួកគេ​ស្នើឲ្យ​រដ្ឋា​ភិ​បាល​ទទួល​ស្គាល់​ពួកគេតាម​ក្រម​ខណ្ឌច្បាប់ និង​ធានារ៉ាប់រង​សុខភាពដូចអ្នក​ប្រក​ប​របរ​សេដ្ឋកិច្ច​ក្នុង​ប្រព័ន្ធនោះដែរ។

អគ្គនាយកដ្ឋាន​ពន្ធនាគា​រ​នៃ​ក្រសួងមហាផ្ទៃ​កាលពី​ថ្ងៃទី១៥ វិច្ឆិកា​កន្លងទៅ បាន​ទាញយក​អគារ​ពន្ធនាគារ​ថ្មី​ដ៏​ទំនើប​ដែល​ទើប​សាងសង់​រួចរាល់​ពី​ក្រុមហ៊ុន​ឯកជន​មក​គ្រប់គ្រង​ដោយ​ខ្លួនឯង​វិញ។ ទោះជា​បែបនេះ​ក្តី អង្គការ​ការពារ​សិទ្ធិមនុស្ស​លីកាដូ​នៅតែមាន​ការព្រួយបារម្ភ​ចំពោះ​សិទ្ធិ​នៃ​អ្នក​ជាប់ទោស។ លោក​អំ សំអាត នាយករង​ទទួលបន្ទុក​ផ្នែក​ឃ្លាំមើល​សិទ្ធិមនុស្ស​នៃ​អង្គការ​លីកាដូ​ដែលជា​ភ្ញៀវ​របស់​យើង​នៅ​រាត្រី​នេះ បាន​អះអាងថា បើសិន​អគារ​ពន្ធនាគារ​ថ្មី​នេះ ដាក់​តែ​អ្នកទោស​ដែលមាន​លុយ​នោះ វា​នឹងធ្វើ​ឱ្យមាន​ភាពមិន​ស្មើ​រវាង​អ្នកទោស និង អ្នកទោស​នៅក្នុង​ពន្ធនាគារ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​RFI​នៅរាត្រី​នេះ គឺ​លោក​ អាត់ ធន់ ប្រធាន​សហភាព​ការងារ​កម្ពុជា។ ​ទាក់​ទង​ការ​ដែល​សហភាព​អឺរ៉ុប​ទុក​ពេល​មួយ​ខែ​ឲ្យ​រដ្ឋាភិបាល​កម្ពុជា​ឆ្លើយ​តប​នឹង​របាយការណ៍​ស្តី​ពី​នីតិ​វិធី​ព្យូ​ប្រព័ន្ធ​អនុគ្រោះ​ពន្ធ​ មេ​ដឹក​នាំ​សហជីព​រូបនេះ​យល់​ថា​ វា​ជា​ឱកាស​ចុង​ក្រោយ​​សម្រាប់​កម្ពុជា​ឆ្លើយ​តប​។​ បើ​តាម លោក អាត់ ធន់ ក្នុង​ឱកាស​ដ៍ខ្លី​នេះ លោក​ស្នើថា​ អ្នក​នយោបាយ​នៅ​កម្ពុជា​គួរ​តែ​ជជែក​តាម​លក្ខណៈ​បច្ចេកទេស​ដើម្បី​រក្សា​EBA ជា​ជាង​ប្រកួត​គ្នា​យក​ឈ្នះ-ចាញ់​រៀងៗ​ខ្លួន​។

សៀវភៅ​ដែល​មាន​ចំណង​ជើង​ថា «អំពើ​ប្រល័យ​ពូជ​សាសន៍ និង​ការ​សម្លាប់​រង្គាល ក្នុង​ប្រវត្តិ​សាស្ត្រ​ពិភព​លោក» ទើប​តែ​ត្រូវ​បាន​មជ្ឈ​មណ្ឌល​ឯកសារ​កម្ពុជា​សហការ​ជាមួយ​ក្រសួង​អប់រំ យុវជន​និង​កីឡា បោះ​ពុម្ព​ផ្សាយ ហើយ​គ្រោង​នឹង​ចែក​ជូន ទៅ​ដល់​សិស្សា​នុ​សិស្ស និង​លោក​គ្រូ​អ្នក​គ្រូ នៅ​វិទ្យា​ល័យ​ឥន្ទ្រទេវី​នៅ​ថ្ងៃទី ២២ វិច្ឆិកា​ខាង​មុខ​នេះ​។ អ្នក​នាង សូ ហ្វារីណា នាយក​រង​មជ្ឈ​មណ្ឌល​ឯកសារ​កម្ពុជា (DC-Cam) ដែល​ជា​ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ និង​ជា​អ្នក​និពន្ធ​ម្នាក់​នៅ​ក្នុង​សៀវ​ភៅ​មួយ​ក្បាល​នេះ បាន​លើក​ឡើង​ថា សៀវ​ភៅ​ដែល​មាន​ចំណង​ជើង​ថា «អំពើ​ប្រល័យ​ពូជ​សាសន៍ និង​ការ​សម្លាប់​រង្គាល ក្នុង​ប្រវត្តិ​សាស្ត្រ​ពិភព​លោក» នេះ នឹង​រួម​ចំណែក​ក្នុង​ការ​យល់​ដឹង​បន្ថែម​ទៀត អំពី​របប​ប្រល័យ​ពូជ​សាសន៍​ទាំង​នៅ​ក្នុង​បរិបទ​ពិភព​លោក​និង​កម្ពុជា​។