បញ្ហា​វិវាទ​ព្រំដែន​កម្ពុជា-ឡាវ ដែល​នៅ​សេស​សល់​១៤%​ទៀត​នោះ មិន​ត្រូវ​បាន​ដោះ​ស្រាយ​ភ្លាមៗ​ជាក់​ស្តែង តាម​រយៈ​ដំណើរ​ទស្សន​កិច្ច​របស់​លោក​នាយក​រដ្ឋ​មន្ត្រី​ឡាវ នៅ​ប្រទេស​កម្ពុជា​រយៈ​ពេល​ពីរ​ថ្ងៃ​នោះ​ទេ​។ ក៏​ប៉ុន្តែ​ថ្នាក់​ដឹក​នាំ​កំពូល​នៃ​ប្រទេស​ទាំង​ពីរ បាន​ឯក​ភាព​គ្នា​ជម្រុញ​ឲ្យ​មាន​ការ​ដោះ​ស្រាយ​កំណាត់​ព្រំ​ដែន​ដែល​នៅ​សេស​សល់​នេះ​។ ជុំវិញ​បញ្ហា​នេះ លោក​បណ្ឌិត គិន ភា ប្រធាន​វិទ្យា​ស្ថាន​ទំនាក់​ទំនង​អន្តរ​ជាតិ​នៃ​រាជ​បណ្ឌិត​សភា​កម្ពុជា បាន​កត់​សម្គាល់​ថា ជំនួប​រវាង​មេដឹក​នាំ​ឡាវ-កម្ពុជា គឺ​ជា​ជំនួប​ដែល​មាន​លទ្ធ​ផល​ធំ​ធេង និង​ជា​ការ​ដោះ​ស្រាយ​គ្នា​កំរិត​នយោ​បាយ​លើ​បញ្ហា​ព្រំ​ដែន​ប្រទេស​ទាំង​ពីរ​។

នៅ​ឆ្នាំ​២០២០​ខាង​មុខ​នេះ កម្ពុជា​នឹង​ធ្វើ​ជា​ម្ចាស់​ផ្ទះ​រៀប​ចំ​កិច្ច​ប្រជុំ​អាស៊ី-អឺរ៉ុប (ASEM) ដែល​មាន​មេដឹក​នាំ​ប្រទេស​នា​នា​ជាង​៥០​មក​ចូល​រួម​។ មុន​កិច្ច​ប្រជុំ​នេះ វិទ្យា​ស្ថាន​ចក្ខុ​វិស័យ​អាស៊ី បាន​បញ្ចេញ​នូវ​សៀវ​ភៅ​មួយ​ក្បាល​ជា​ភាសា​អង់​គ្លេស​មាន​ចំណង​ជើង​ថា "Cambodia's ASEM Chairmanship 2020: Small Country with Big Tasks" ឫ​ជា​ភាសា​ខ្មែរ​ថា «កម្ពុជា​ជា​ប្រធាន​រៀប​ចំ​កិច្ច​ប្រជុំ​អាស៊ី​អឺរ៉ុប​ឆ្នាំ​២០២០៖ ប្រទេស​តូច​ជាមួយ​ភារ​កិច្ច​ធំ»។ និយាយ​ដល់​កិច្ច​ប្រជុំ​នេះ លោកបណ្ឌិត ឡេង ធារិទ្ធ នាយក​មជ្ឈ​មណ្ឌល​មេគង្គ​សម្រាប់​ការ​សិ​ក្សា​យុទ្ធ​សាស្ត្រ​នៃ​វិទ្យា​ស្ថាន​ចក្ខុ​វិស័យ​អាស៊ី​ដែល​ជា​ភ្ញៀវ​ប្រចាំ​ថ្ងៃ​របស់​យើង​បាន​គូស​បញ្ជាក់​ថា ការ​ទទួល​រៀប​ចំ​នូវ​កិច្ច​ប្រជុំ​ដ៏​ធំ​នេះ កម្ពុជា​នឹង​ទទួល​បាន​ផល​ចំណេញ​ទាំង​ផ្នែក​សេដ្ឋ​កិច្ច និង នយោ​បាយ​។

ចាប់​តាំង​ពី​ពាក់​កណ្តាល​ខែ​សីហា​កន្លង​ទៅ រហូត​មក​ដល់​ដើម​ខែ​កញ្ញា​ឆ្នាំ​២០១៩​នេះ មាន​ជន​ជាតិ​ចិន​ប្រមាណ​ជាង​១៤​ម៉ឺន​នាក់ បាន​ចាក​ចេញ​ពី​ប្រទេស​កម្ពុជា ក៏​ប៉ុន្តែ​នៅ​ក្នុង​ដំណាក់​កាល​ដូច​គ្នា​នេះ ក៏​មាន​ជន​ជាតិ​ចិន​ចូល​មក​វិញ​ដែរ​។ បញ្ហា​នេះ​ត្រូវ​គេ​មើល​ឃើញ​ថា​បណ្តាល​មក​ពី​ការ​បិទ​កាស៊ីណូ​អន​ឡាញ​។ លោកបណ្ឌិត គីម ហ៊ាង អគ្គនាយកក្រុមហ៊ុនអចលនទ្រព្យ ខ្មែររៀលអ៊ីស្ទែត បានសម្តែងការគាំទ្រការបិទមិនឲ្យមានអាជ្ញាប័ណ្ណកាស៊ីណូអនឡាញបន្ថែម ក៏ប៉ុន្តែលោកចង់ឲ្យមានការពន្យាអាជ្ញាប័ណ្ណកាស៊ីណូអនឡាញដែលមានស្រាប់ ដើម្បីចៀសវាងការធ្លាក់ចុះ និងឡើងថ្លៃដីធ្លីនៅតំបន់ប៉ូលសេដ្ឋកិច្ចទាំងបី គឺខេត្តព្រះសីហនុ ប៉ោយប៉ែត និងបាវិត។

លទ្ធ​ផល​បាក់​ឌុប​ឆ្នាំ​២០១៩​នេះ គឺ​បាន​ប្រកាស​ហើយ​នៅ​ទីក្រុង​ភ្នំពេញ និង​ខេត្ត​កណ្តាល ប៉ុន្តែ​បណ្តា​ខេត្ត​ផ្សេងៗ​ទៀត គឺ​ប្រកាស​នៅ​ថ្ងៃ​ស្អែក​។ យោង​តាម​លទ្ធ​ផល​ផ្លូវ​ការ​ទូទាំង​ប្រទេស បេក្ខជន​ជាប់​មាន​ចំនួន​ជាង​៧ម៉ឺន​៩ពាន់​នាក់​ស្មើ​នឹង​ជាង​៦៨%​បើ​ធៀប​នឹង​ឆ្នាំ​មុន​គឺ​កើន​ឡើង​ប្រមាណ​១%​។ ចំណែក​សិស្ស​ជាប់​និទ្ទេស​A​ក៏​កើន​ឡើង​ដល់​៤៤៣​នាក់ ធៀប​នឹង​ឆ្នាំ​មុន​ដែល​មាន​ចំនួន​៤០៨​នាក់​។ លោក​ រស់ សុវាចារ អ្នក​នាំ​ពាក្យ​ក្រសួង​អប់រំ យុវជន និង​កីឡា បានចាត់​ទុក​លទ្ធ​ផល​នេះ​ថា ជា​ជោគ​ជ័យ​លើ​កំណែ​ទម្រង់​ប្រព័ន្ធ​អប់រំ​នៅ​កម្ពុជា និង​ថា​នៅ​ឆ្នាំ​នេះ​នឹង​មិន​បញ្ហា​បច្ចេក​ទេស​ស្រង់​ពិន្ទុ​ខ្វះ​ដូច​ឆ្នាំ​កន្លង​ទៅ​នោះ​ឡើយ​។

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​លោក​សុខ ឌូ ដែលជា​ប្រធាន​ផ្នែក​អភិវឌ្ឍ​កម្មវិធី និង រ៉ៃ​អង្គាស​ថវិកា​របស់​អង្គការ​Good Neighbors Cambodia។ អង្គការ​Good Neighbors Cambodia កាលពីពេលថ្មីៗនេះ បាន​រកឃើញថា កុមារ៩នាក់​ក្នុង​ចំនួន២៨៣នាក់​នៅតាម​សហគមន៍​ធ្លាប់ប្រើ​ប្រាស់​គ្រឿងញៀន។ លោក​សុខ ឌូ បាន​អះអាងថា ការរកឃើញ​នេះ បង្ហាញថា គ្រឿងញៀន​កំពុងមាន​វត្តមាន​វាយលុក​ទៅដល់​សហគមន៍​ក្នុង​តំបន់​ដាច់ស្រយាល។ បើតាម​លោក​សុខ ឌូ វត្តមាន​របស់​គ្រឿងញៀន​នេះ​កំពុងតែ​គំរាមកំហែង​ដល់​ការសិក្សាអប់រំ​របស់​កុមារ​នៅក្នុង​តំបន់​នោះ។

អ្នក​​ធ្វើ​​ការ​​ខាង​​ផ្នែក​​ប្រែ​​ប្រួល​​អាកាស​​ធាតុ​​ ​បាន​ចេញ​សេចក្តី​អំ​ពាវ​នាវ​មួយ​ពី​ទី​ក្រុង​បាង​កក​ នៅ​ក្នុង​ឱកាស​«​សប្តាហ៍​ប្រែ​ប្រួល​អាកាស​ធាតុ​ អាស៊ី​ ប៉ាស៊ីភិក​ ...

គណៈ​កម្មាធិការ​ជាតិ​រៀប​ចំ​ការ​បោះ​ឆ្នោត​ហៅ​កាត់ថា គ.ជ.ប ទើប​តែ​បាន​ក្លាយ​ជា​សមាជិក​ពេញ​សិទ្ធិ​នៃ​សមាគម​ស្ថាប័ន​រៀប​ចំ​ការ​បោះឆ្នោត​ពិភព​លោក​ហៅកាត់ថា A-Web តាម​រយៈ​កិច្ច​ប្រជុំនៅប្រទេស​ឥណ្ឌា​ពី​ថ្ងៃទី២​ដល់​ថ្ងៃទី៥​ខែ​កញ្ញា​ម្សិល​មិញ​។ លោក ឌឹម សុវណ្ណរុំ ជា​សមាជិក និង​ជា​អ្នក​នាំ​ពាក្យ​គ.ជ.ប បាន​លើក​ឡើង​ថា ការ​ដែល​គ.ជ.ប របស់​កម្ពុជា បាន​ក្លាយ​ជា​សមាជិក​ពេញ​សិទ្ធិ​ របស់​សមាគមA-Web មាន​ន័យ​ថា គ.ជ.ប មាន​ការ​ទទួល​ស្គាល់​ជា​លក្ខណៈ​អន្តរ​ជាតិ​។

ប្រធាន​សហ​ភាព​សហ​ជីព​កម្ពុជា លោក រ៉ុង ឈុន នៅ​ថ្ងៃ​ព្រហស្បតិ៍​នេះ បាន​បង្ហាញ​ពី​កង្វល់​ចំពោះ​បញ្ហា​នយោ​បាយ ដែល​ប៉ះ​ពាល់​ដល់​ផល​ប្រយោជន៍​កម្មករ និង​ប្រជា​ពល​រដ្ឋ​ខ្មែរ​រាប់​លាន​នាក់ តាម​រយៈ​ការ​ព្រមាន​ដក​ប្រព័ន្ធ​អនុ​គ្រោះ​EBA របស់​សហ​ភាព​អឺរ៉ុប និងGSP ពី​សហ​រដ្ឋ​អាមេរិក​ជា​ដើម​។ ហេតុ​ផល​នេះ​ហើយ ទើប​លោក និង​អ្នក​សហ​ជីព​មួយ​ចំនួន​ទៀត​នាំ​គ្នា​ថ្វាយ​លិខិត​ដល់​ព្រះ​មហា​ក្សត្រ ដើម្បី​ព្រះ​អង្គ​មាន​ព្រះ​រាជ​អន្ត​រាគមន៍​សម្រប​សម្រួល​នយោ​បាយ រវាង​គណ​បក្ស​នយោ​បាយ​ជំទាស់​គ្នា​ទាំង​ពីរ​។

ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ គឺ លោក កែវ វី ដែល​ជា​អ្នក​នាំ​ពាក្យ​គណៈ​កម្មការ​ធិការ​ជាតិ​គ្រប់​គ្រង​គ្រោះ​មហន្ត​រាយ​។ ឆ្លើយ​តប​នឹង​សំណួរ​របស់​វណ្ណ សុគន្ធា ជុំវិញ​បញ្ហា​គ្រោះ​ទឹក​ជំនន់ លោកកែវ វី បាន​អះអាង​ឱ្យ​ដឹង​ថា មក​ដល់​ពេល​នេះ គ្រោះ​ទឹក​ជំនន់​កំពុង​វាយ​លុក​លើ​តំបន់​ខ្លះ​ក្នុង​ខេត្ត​ស្ទឹង​ត្រែង។ បើ​តាម​លោក​កែវ វី គ្រោះ​ទឹក​ជំនន់​នេះ​បាន​ប៉ះ​ពាល់​ដល់​ប្រជា​ពល​រដ្ឋ​ជាង​៦០០​គ្រួសារ​នៅ​ក្នុង​ខេត្ត​នេះ ហើយ​ទឹក​ជំនន់​នឹង​អាច​បន្ត​វាយ​លុក​ខេត្ត​ក្រចេះ និង ខេត្ត​កំពង់​ចាម​បន្ត​ទៀត​នៅ​ថ្ងៃ​ស្អែក​នេះ​។

តាម​រយៈ​ការ​ចោទ​សួរ​ពី​និស្សិត​សកល​វិទ្យា​ល័យ​ភូមិន្ទ​ភ្នំពេញ​កាល​ពី​ថ្ងៃ​ចន្ទ នាយក​រដ្ឋ​មន្ត្រី​ម៉ាឡេ​ស៊ី លោក មហាធា មហាម៉ាត់ ដែល​បាន​បំពេញ​ទស្សន​កិច្ច​នៅ​កម្ពុជា បាន​ប្រាប់​កម្ពុជា​ឲ្យ​ជ្រើស​រើស​ការ​ដឹក​នាំ​ប្រទេស ទៅ​តាម​កាលៈ​ទេសៈ ស្រប​តាម​វប្ប​ធម៌ អរិយ​ធម៌ ទំនៀម​ទំលាប់​របស់​ខ្លួន គឺ​មិន​មែន​ត្រូវ​ដើរ​តាម​បែប​បទ​ប្រជា​ធិបតេយ្យ​បង្គាប់​បញ្ជា របស់​លោក​ខាង​លិច​ឡើយ​។ ជុំវិញ​បញ្ហា​នេះ លោក​បណ្ឌិត គិន ភា ប្រធាន​វិទ្យា​ស្ថាន​ទំនាក់​ទំនង​អន្តរ​ជាតិ នៃ​រាជ​បណ្ឌិត្យ​សភា​កម្ពុជា មើល​ឃើញ​ថា ការ​លើក​ឡើង​របស់​នាយក​រដ្ឋ​មន្ត្រី​ម៉ាឡេស៊ី គឺ​បាន​ឆ្លុះ​បញ្ចាំង​ពី​ដំណើរ​នយោ​បាយ​របស់​ម៉ាឡេ​ស៊ី​ដែរ និង​ឆ្លុះ​បញ្ចាំង​ពី​ស្ថាន​ភាព​ជាក់​ស្តែង​នៃ​ប្រជា​ធិប​តេយ្យ​របស់​កម្ពុជា​។