ថ្ងៃ​ទី​១៤​វិច្ឆិកា​ម្សិលមិញ ជា​ខួប​គម្រប់​មួយ​ឆ្នាំ​នៃ​ការ​ចាប់​ខ្លួន លោក អ៊ួន ឈិន និង លោក យាង សុធារិន ហៅ យាង សុជាមេត្តា ដែល​ជា​អតីត​អ្នក​យក​ព័ត៌មាន​​នៃ​វិទ្យុ​អាស៊ី​សេរី​។ ជិត​៣​ខែ​ក្រោយ​ពេល​បាន​រស់​នៅ​ក្រៅ​ឃុំ លោក​ទាំង​ពីរ​បាន​រំឭក​ឡើង​វិញទាំង​អួល​ដើម​ក ​ពី​ការ​ចាប់​ខ្លួន​និង​ការ​រស់​នៅដ៏​សែន​ពិបាក​​ក្នុង​ពន្ធនាគារ​។ លោក យាង សុជាមេត្តា និង លោក អ៊ួន ឈិន នៅ​តែ​បន្ត​ស្នើ​ឲ្យ​តុលាការ​ទម្លាក់​ចោល​បទ​ចោទ​ប្រឆាំង​នឹង​រូប​លោក​។ សម្រាប់​អតីត​អ្នក​កាសែត​ទាំង​ពីរ​រូប​នេះ ការ​ទម្លាក់​ចោល​បទ​ចោទ នឹង​ឈាន​ទៅ​បើក​ផ្លូវ​ឲ្យ​លោក​អាច​រស់​នៅ​ដោយ​មាន​សេរីភាព ដូច​គេ​ដូច​ឯង​។

នៅ​ព្រឹក​ថ្ងៃ​សុក្រ​ទី​១៦​ខែ​វិច្ឆិកា​ឆ្នាំ​២០១៨ ​ខាងមុខ​នេះ ​អង្គ​ជំនុំ​ជម្រះ​សាលា​ក្តី​ខ្មែរ​ក្រហម ​នឹង​ធ្វើ​ការ​ប្រកាស​សាលក្រម​នៃ​សំណុំ​រឿង​ ០០២​/​០២​ ប្រឆាំង​នឹង​ជន​ជាប់​ចោទ​ ខៀវ សំផន ​និង​នួន ជា​។ ​អតីត​មេដឹកនាំ​ជាន់​ខ្ពស់​នៃ​របប​កម្ពុជា​ប្រជាធិបតេយ្យ​ទាំងពីរ ​ធ្លាប់​បាន​តុលាការ​ខ្មែរក្រហម​ ផ្តន្ទាទោស​អស់​មួយ​ជីវិត​ម្តង​ហើយ ​កាលពី​ខែ​សីហា​ឆ្នាំ​២០១៤​ នៅ​ក្នុង​សំណុំ​រឿង ​០០២/០១ ​ចំពោះ​បទ​ឧក្រិដ្ឋ​ប្រឆាំង​មនុស្ស​ជាតិ​។ ​លោក ​នេត្រ ភ​ត្ត្រា ​ប្រធាន​ផ្នែក​កិច្ចការ​សាធារណៈ​សាលា​ក្តី​ខ្មែរ​ក្រហម ​បាន​បញ្ជាក់​ថា ​សាលក្រម​ដែល​នឹង​ប្រកាស​ដោយ​ចៅក្រម​ជំនុំជម្រះ​សាលា​ដំបូង ​នៅ​ថ្ងៃ​សុក្រ​ខាង​មុខ​នេះ ​បាន​ធ្វើ​ឡើង​បន្ទាប់​ពី​តុលាការ​បើក​សវនាការ​អស់​រយៈ​​ពេល​​​​ជាង​២៨០​ថ្ងៃ ​​និង​ចំណាយ​ពេល​សរសេរ​សាល​ក្រម​អស់​ជាង​១​ឆ្នាំ​ទៀត​​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នារាត្រី​នេះ គឺ​លោក​បណ្ឌិត គិន ភា ប្រធាន​វិទ្យា​ស្ថាន​ទំនាក់​ទំនង​អន្តរ​ជាតិ​កម្ពុជា​។ ឆ្លើយ​នឹង​សំនួរ​របស់​វិទ្យុ​បារាំង​អន្តរ​ជាតិ លោក​បណ្ឌិត គិន ភា ...

រដ្ឋាភិបាល​កម្ពុជា​កាល​ពី​សប្តាហ៍​មុន ​បាន​បង្កើត​សហព័ន្ធ​មួយ ​ដែល​មាន​ឈ្មោះ​ថា​«​សហព័ន្ធ​ម្រេច ​និង​គ្រឿងទេស​កម្ពុជា​» ​ដើម្បី​ជួយ​លើក​កំពស់​ទីផ្សារ ​និង​ដោះស្រាយ​បញ្ហា​ប្រឈម​នានា ​ទាក់ទង​ទៅ​នឹង​ផលិតផល​ម្រេច​កម្ពុជា​។ ​លោក ​ងួន ឡាយ ​ប្រធាន​សមាគម​ម្រេច​កំពត ​បាន​ថ្លែង​ថា ​លោក​មាន​សង្ឃឹម​ពី​ការ​ប្រសើរ​ឡើង​តិចតួច ​បន្ទាប់​ពី​ការ​បង្កើត​សហព័ន្ធ​ម្រេច ​និង​គ្រឿង​ទេស​កម្ពុជា ​ប្រសិន​បើ​ស្ថានភាព​នៃ​ការ​ក្លែង​បន្លំ​ម្រេច​នាំ​ចេញ​ទៅ​ក្រៅ​ប្រទេស ​នៅ​តែ​កើត​មាន​ដូច​បច្ចុប្បន្ន​នេះ​។

Marie Aberdam ជានិស្សិតថ្នាក់​បណ្ឌិត ដែល​កំពុង​សរសេរ​និក្ខេប​បទ មួយ ស្តីពី​បញ្ញវន្ត​ខ្មែរ។ នៅក្នុង​ការសិក្សា ស្រាវជ្រាវ​ឯកសារ​បណ្ណសារ ស្តីពី​កម្ពុជា ក្រោម​សម័យ​អាណានិគមនិយម​បារាំង Marie Aberdam បាន​រកឃើញ​តឹកតាន​ជាច្រើន​ដែល​និយាយ​ពី​ការចូលរួម​របស់​យុវជន​ខ្មែរ ក្នុង​សង្រ្គាម​លោកលើកទី១។ តាម​Marie Aberdam ដោយសារ​តែ​សង្រ្គាម​ចេះ​តែ​អូសបន្លាយ​វែងទៅៗ បារាំង​បានសម្រេចចិត្ត​ងាក​មក​រើសបញ្ចូល​ទាហាន​ពី​ក្នុង​បណ្តាប្រទេស​ដែល​ស្ថិតនៅក្រោម​អាណានិគម​របស់ខ្លួន នៅ​អាហ្វ្រិក និង​អាស៊ី ដែល​មាន​ជាអាទិ៍​ឥណ្ឌូចិន។ នៅ​កម្ពុជា សកម្មភាព​រើស​បញ្ចូល​ទាហាន​ខ្មែរ​សម្រាប់ទៅ​ប្រយុទ្ធ​ក្នុងសមរភូមិ​ក្នុង​ប្រទេស​បារាំង បានរៀបចំ​ធ្វើនៅ​ឆ្នាំ ១៩១៦ និង​ឆ្នាំ ១៩១៧។

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​លោក​អ៊ូ ច័ន្ទ​រ័ត្ន ដែលជា​អតីត​អ្នកតំណាងរាស្ត្រ​អតីត​គណបក្ស​សង្គ្រោះ​ជាតិ។ ប្រតិកម្ម​ទៅនឹង​ការ​ភ្នាល់​គ្នា​រឿង​សេរីភាព​លោក​កឹម សុខា រវាង​លោក​សម រង្ស៊ី និង​លោកនាយក​រដ្ឋមន្ត្រី​ហ៊ុន សែន លោក​អ៊ូ ច័ន្ទ​រ័ត្ន បាន​លើកឡើងថា វា​គឺជា​រឿង​ដ៏​គួរ​ឲ្យ​អស់សំណើច​មួយ​នៅលើ​លោក​នេះ។ សម្រាប់​លោក​អ៊ូ ច័ន្ទ​រ័ត្ន ការយក​សេរីភាព​របស់លោក​កឹម សុខា ទៅ​ភ្នាល់​គ្នា ​គឺជា​រឿង​អសីលធម៌​របស់​អ្នកនយោបាយ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ RFI នា​រាត្រី​នេះ គឺ​លោក មុនី កណ្ណដារង្គ​។ លោក មុនី កណ្ណដារង្គ ជា​សមិទ្ធករ​ភាពយន្ត​វ័យ​ក្មេង ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​រាត្រី​នេះ គឺ​លោក ផៃ ស៊ីផាន អ្នក​នាំ​ពាក្យ​រដ្ឋាភិបាល​កម្ពុជា​។ ជុំ​វិញ​ដំណើរ​ទស្សនកិច្ច​របស់​លោក​ស្រី រ៉ូណា ស្មីត អ្នក​រាយការណ៍​ពិសេស​ស្ដី​ពី​សិទ្ធិ​មនុស្ស​នៅ​កម្ពុជា​លើក​នេះ លោក ផៃ ស៊ីផាន អះអាង​ថា រដ្ឋាភិបាល​កម្ពុជា​បាន​ទទួល​ស្វាគមន៍​លោក​ស្រី ដោយ​ចាត់​ទុក​លោក​ស្រី​ជា​ដៃ​គូ​សហការផ្នែក​សិទ្ធិ​មនុស្ស របស់​តំណាង​អង្គការ​សហប្រជាជាតិ​​។ យ៉ាង​ណា​ក៏​ដោយ អ្នក​នាំ​ពាក្យ​​រូប​នេះ គូស​បញ្ជាក់​ថា ​អនុសាសន៍​របស់​លោក​ស្រី ស្មីត គ្មាន​អំណាច​ចាប់​បង្ខំ​ឲ្យ​កម្ពុជា ​ដែល​ជា​ប្រទេស​មាន​អធិបតេយ្យ​ពេញ​លេញ អនុវត្ត​តាម​នោះ​ឡើយ​។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​RFI​ នៅរាត្រីនេះ​ គឺ ​លោក​ ថេង​ សាវឿន​ ប្រធាន​សម្ព័ន្ធ​សហគមន៍​កសិករ​កម្ពុជា​។ ​ក្រុម​កសិករ​រាប់​រយនាក់​ ដែល​មាន​បញ្ហា​ដីធ្លី​បាន​ឡើង​មក​ដល់​ទី​ក្រុង​ភ្នំពេញ​ ម្សិលមិញ​ដាក់​ញាត្តិ​ដើម្បី​ស្វែង​រក​កិច្ច​អន្តរាគមន៍​ពី​ក្រសួង​ពាក់ព័ន្ធ​។​ លោក​ ថេង​ សាវឿន​ បាន​បញ្ជាក់ថា ​គោល​បំណង​របស់​កសិករ​ទាំង​នោះ ​មិនត្រឹម​តែ​ជំរុញ​ឲ្យ​មាន​ដំណោះ​ស្រាយ​ដីធ្លី​ប៉ុណ្ណោះទេ​ តែ​ក៏​ទទួច​ឲ្យ​មាន​ការ​ដោះ​លែង​កសិករ​ចំនួន​៥នាក់​ដែល​កំពុង​ជាប់​ពន្ធនាគារ​ដោយសារ​ទំនាស់​ដីធ្លី​ផងដែរ​។

នៅ​ថ្ងៃ​នេះ​រដ្ឋាភិបាល​កម្ពុជា និង​អ្នក​ពាក់ព័ន្ធ​ក្នុង​វិស័យ​សុខាភិបាល​បាន​បើក​សន្និសីទ​អន្តរជាតិ ស្តី​ពី​ការ​ប្រយុទ្ធ​ប្រឆាំង​ឱសថ​ក្លែង​ក្លាយ និង​អន់​គុណភាព។ លោក​ឱសថ​បណ្ឌិត ហៃ លី​អ៊ាង ...