ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នា​រាត្រី​នេះ គឺ​លោក អំ សំអាត ​ប្រធាន​ផ្នែក​ស៊ើបអង្កេត​​នៃ​អង្គការ​សិទ្ធិមនុស្ស​លីកាដូ​។ ឆ្លើយ​នឹង​សំនួរ​របស់​វិទ្យុ​បារាំង​អន្តរ​ជាតិ​លោក សំអាត ...

នៅ​ក្នុង​ឱកាស​នៃ​ទិវា​អន្តរជាតិ​ប្រយុទ្ធ​ប្រឆាំង​នឹង​និ​ទណ្ឌ​ភាព​នៃ​ឧក្រិដ្ឋកម្ម​ប្រឆាំង​អ្នក​កាសែត​នៅ​ថ្ងៃ​ទី​២​វិច្ឆិកា​នេះ ​អង្គការ​សង្គម​ស៊ីវិល ​ប្រមាណ​ជាង​៤០​អង្គការ ​សហគមន៍ ​បាន​ចេញ​សេចក្តី​ថ្លែងការណ៍​រួម​មួយ ​ដោយ​អំពាវនាវ​ឲ្យ​អាជ្ញាធរ​បង្កើន​ការ​ប្រយុទ្ធ​ប្រឆាំង​ទៅ​នឹង​និ​ទណ្ឌ​ភាព​នៃ​ឧក្រិដ្ឋកម្ម​ប្រឆាំង​អ្នក​កាសែត​។ ​ក្រុម​អង្គការ​សង្គម​ស៊ីវិល​ទាំង​នេះ ​ក៏​បាន​លើក​ឡើង​ពី​ការ​សំលាប់​អ្នក​កាសែត​ចំនួន​១៣​នាក់ ​ចាប់​តាំង​ពី​ឆ្នាំ​១៩៩៤​មក ​ដោយ​មិន​មាន​អ្នក​ទទួល​ខុស​ត្រូវ​។ ក៏​ប៉ុន្តែ​លោក ​អ៊ុក គឹម​សេង​ អ្នក​នាំពាក្យ​ក្រសួង​ព័ត៌មាន ​បាន​ហៅ​ការ​ស្លាប់​របស់​អ្នក​កាសែត​កន្លង​មក​ថា ​មិន​មែន​ជា​ការ​ស្លាប់​ដោយ​ការ​បំពេញ​ការងារ​តាម​វិជ្ជា​ជីវៈ​សារព័ត៌មាន​ឡើយ​។

ចាប់​ពី​ថ្ងៃ​ទី​២៩​វិច្ឆិកា រហូត​ដល់​ថ្ងៃ​ទី​០១​ខែ​ធ្នូ​ខាង​មុខ​នេះ សហភាព​សហព័ន្ធ​យុវជន​កម្ពុជា​នឹង​រៀបចំ​ព្រឹត្តិការណ៍ ៤០គីឡូម៉ែត្រ​ទៅ​កាន់​ប្រវត្តិសាស្ត្រ​។ ​លោក សុខ សប្បាយណា​ ប្រធាន​ក្រុម​ការងារ​ប្រតិបត្តិ​ព្រឹត្តិការណ៍​៤០​គីឡូម៉ែត្រ​ទៅកាន់​ប្រវត្តិសាស្ត្រ​ ដែល​ជា​ភ្ញៀវ​ប្រចាំ​ថ្ងៃ​របស់​យើង បាន​ឲ្យ​ដឹង​ថា ព្រឹត្តិការណ៍​នេះ រៀបចំ​ឡើង​ដើម្បីរំឭក​ខួប​៤០​ឆ្នាំ​នៃ​រណសិរ្សសាមគ្គី​​សង្គ្រោះ​ជាតិ​០២​ធ្នូ​ និង​រំឭក​អំពី​ការ​លះបង់​របស់​យុវជន​ជំនាន់​មុន​ក្នុង​ការ​ជួយ​សង្គ្រោះ​ប្រទេស​។ ការ​ត្រឡប់​ទៅ​កាន់​អតីតកាល​នេះ ត្រូវ​បាន​លោក សុខ សប្បាយណា សង្កត់​ធ្ងន់​ថា មាន​សារៈសំខាន់​ណាស់ ​ក្នុង​ការ​បណ្ដុះ​ស្មារតី​យុវជន​ជំនាន់​ថ្មី​ ឲ្យ​ហ៊ាន​លះបង់​ដើម្បី​បុព្វហេតុ​ជាតិ​នា​ពេល​អនាគត​។

ការ​ប្រកួត​និយាយ​ជា​សាធារណៈ​វគ្គ​ផ្តាច់​ព្រ័ត្រ ​ក្រោម​ប្រធាន​បទ ​«​ការ​អនុវត្ត​បរិស្ថាន​គ្មាន​ផ្សែង​បារី​» ​នឹង​ត្រូវ​រៀបចំ​ធ្វើ​នៅ​ថ្ងៃ​ព្រហស្បតិ៍​ស្អែក​។ ​តាម​រយៈ​កម្មវិធី​នេះ ​លោក​វេជ្ជបណ្ឌិត ​មុំ គង់​ នាយក​ប្រតិបត្តិ​អង្គការ​ចលនា​ដើម្បី​សុខភាព​កម្ពុជា ​ថ្លែង​ថា​គឺ​ជា​ការ​ផ្តល់​ឱកាស​ឲ្យ​យុវជន​បាន​ចូលរួម​តាមដាន​អនុ​ក្រឹ​ត្យ​របស់​រដ្ឋាភិបាល​កាល​ពី​ឆ្នាំ​២០១៦ ​ស្តី​ពី​ការ​ហាម​ជក់​បារី​។ ​លោក​វេជ្ជបណ្ឌិត ​មុំ គង់ ​បញ្ជាក់​ថា​នៅ​មាន​ការ​យល់​ច្រលំ​ពី​សំណាក់​ម្ចាស់​ទី​តាំង​អាជីវកម្ម​ឯកជន ​ដែល​រារែក​មិន​ហ៊ាន​អនុវត្ត​តាម​អនុ​ក្រឹ​ត្យ ​ព្រោះ​ខ្លាច​បាត់បង់​ភ្ញៀវ​។

ទេសាភិបាលរង​ធនាគារ​ជាតិ​នៃ​កម្ពុជា កាលពី​ថ្ងៃ​ទី២៥ ខែ​តុលា កន្លង​ទៅ​នេះ បាន​លើក​ឡើង​ពី​ការ​គាំទ្រ​របស់​ធនាគារ​ជាតិ​នៃ​កម្ពុជា​ក្នុង​ការ​ប្រើ​ប្រាស់​ប្រាក់​យ៉ន់(¥)របស់​ចិន តាម​រយៈ​ប្រព័ន្ធ​ធនាគារ។ ...

នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI ​នា​រាត្រី​នេះ គឺលោក សួន វិសាល ប្រធាន​គណៈ​មេធាវី​កម្ពុជា​។ លោក សួន វិសាល ត្រូវ​បាន​បោះឆ្នោត​ឱ្យ​ធ្វើ​ជា​ប្រធាន​គណៈ​មេធាវី​កម្ពុជា នៅ​ក្នុង​អាណ្ណត្តិ​ទី១២ ចាប់​ពី​ឆ្នាំ ២០១៨ ដល់ ឆ្នាំ​២០២០។ តាមរយៈ​ការ​បោះ​ឆ្នោត​ផ្តល់​សេចក្តី​ទុក​ចិត្ត​ឱ្យ​ធ្វើ​ជា​ប្រធាន​គណៈ​មេធាវី ពីរ​អាណ្ណតិ្ត​ជាប់​គ្នា​នេះ ​លោក សួន វិសាល ប្តេជ្ញា​ចិត្ត​ថា ក្នុង​នាម​ជា​ប្រធាន​គណៈមេធាវី​កម្ពុជា នៅ​ក្នុង​អាណ្ណត្តិ​នេះ លោក នឹង​ដាក់​ចេញផែនការ​ចំនួន​បី​ចំណុច ដើម្បី​ពង្រឹង​គណៈ​មេធាវី​កម្ពុជា​ឱ្យ​កាន់​តែ​រឹង​មាំ​បន្ថែម​ទៀត ជា​ពិសេស​ពង្រឹង​ការ​ផ្តល់​ជំនួយផ្នែក​ច្បាប់ ដល់​ជន​ក្រីក្រ ដែល​គ្មាន​លទ្ធភាព​ស្វែង​រក​សេវា​ផ្លូវ​ច្បាប់ ក្នុង​ការ​តតាំង​រឿង​ក្តី ឱ្យ​កាន់​តែ​ទូលំ​ទូលាយ​បន្ថែម​ទៀត​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំងអន្ដរជាតិ​នៅ​ថ្ងៃនេះ​គឺ លោក ស ម៉ូរី អនុ​ប្រធាន​បណ្ដាញ​យុវជន​កម្ពុជា​។ បណ្ដាញ​យុវជន​កម្ពុជា រួម​ជាមួយ​អង្គការ​សង្គម​ស៊ីវិល​មួយ​ចំនួន​ទៀត បានរៀបចំ​សិក្ខាសាលាមួយ នៅ​ថ្ងៃ​អាទិត្យ​នេះ ស្តីពី «សេរីភាព​បញ្ចេញ​មតិ​ក្នុងសម័យ​ឌីជីថល និង​បញ្ហា​ប្រឈម​»​។ លោក ស ម៉ូរី បាន​អះអាង​ថា ការបញ្ចេញ​មតិ​នៅតាម​បណ្តាញសង្គម​នាពេល​បច្ចុប្បន្ន​ មានការធ្លាក់​ចុះ​ដោយសារតែ​យុវជនមានការ​ភ័យខ្លាច​ក្រោយ​ពីមាន​សេចក្តី​ប្រកាស​របស់​អន្តរក្រសួង។

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ លោក​សុខ ឌូ ដែលជា​អ្នកសម្របសម្រួល​កម្មវិធី​អប់រំ និង​ការស្វែងរក​ការគាំទ្រ​មតិ​របស់​អង្គការ Good Neighbor Cambodia។ ក្នុង​បទសម្ភាសន៍​ជាមួយ​វណ្ណ សុគន្ធា លោក​សុខ ឌូ បាន​អះអាងថា យុវជន​កម្ពុជា​បច្ចុប្បន្ន​មិនសូវ​ចាប់អារម្មណ៍​នឹង​ការងារ​ស្ម័គ្រចិត្ត​នោះទេ បើទោះបី​ការងារ​នេះ​ផ្តល់​អត្ថប្រយោជន៍​ច្រើន​ដល់​ពួកគេ​ក៏ដោយចុះ។

នៅ​ព្រឹក​ថ្ងៃ​សុក្រ​នេះ ​កិច្ច​ប្រជុំ​គណៈ​រដ្ឋមន្ត្រី​កម្ពុជា ​បាន​សម្រេច​ទៅ​លើ​សេចក្តីព្រាង​ស្តី​ពី​ហិរញ្ញវត្ថុ​សម្រាប់​ការ​គ្រប់គ្រង​ថវិកា​ឆ្នាំ​២០១៩ ​ដោយ​មាន​ការ​បង្កើន​ទៅ​ដល់ ​៦.៧​ពាន់​លាន​ដុល្លារ ​គឺ​កើន​១.៤​ភាគរយ ​បើ​ធៀប​ទៅ​នឹង​ថវិកា​ឆ្នាំ​ចាស់ ​ដែល​មាន​តែ ​៦ ០៣៣ ​លាន​ដុល្លារ​ ប៉ុណ្ណោះ​។ ​តាមរយៈ​ការ​បង្កើន​ថវិកា​ជាង​៦០០​លាន​ដុល្លារ ​លើស​ពី​ឆ្នាំ​ចាស់​នេះ​គឺ​ជា​កំណើន​ថវិកា​ប្រកប​ដោយ​យុទ្ធសាស្ត្រ ​ខុស​ពី​ឆ្នាំ​មុន​ៗ​។ ​លោក ផៃ ស៊ី​ផាន ​រដ្ឋមន្ត្រី​ប្រតិភូ​អម​នាយក​រដ្ឋមន្ត្រី​ និង​ជា​អ្នក​នាំ​ពាក្យ​រដ្ឋាភិបាល​ក​ម្ពុ​ជា ​ថ្លែង​ថា​ការ​តម្លើង​ថវិកា​ឆ្នាំ​ថ្មី​នេះ ​គឺ​ដើម្បី​ទប់​ទល់​នឹង​ហេតុការណ៍​ណា​មួយ​ជា​យថាហេតុ ​ដូចជា​សង្គ្រាម​ពាណិជ្ជកម្ម ​និង​ហានិភ័យ​ដែល​បណ្តាល​មក​ពី​ការ​អស់ ​EBA ​ជា​ដើម​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​រាត្រី​នេះ គឺ​លោក ប៉ិច ពិសី នាយក​គម្រោង​នៃ​អង្គការ​តម្លាភាព​កម្ពុជា​​។ អង្គការ​តម្លាភាព​កម្ពុជា និង​អង្គការ​សង្គម​ស៊ីវិល​មួយ​ចំនួន​ទៀត បាន​រៀបចំ​វេទិកា​មួយ​នៅ​ថ្ងៃ​ព្រហស្បតិ៍​នេះ ស្ដី​ពី​ការ​ចូល​រួម​របស់​សាធារណជន​នៅ​ក្នុង​ដំណើរការ​រៀបចំ​ថវិកា​នៅ​ថ្នាក់​ជាតិ​និង​ថ្នាក់​ក្រោម​ជាតិ​។ បើ​តាម​លោក ប៉ិច ពិសី ការ​ចូល​រួម​របស់​ពលរដ្ឋ​នេះ មាន​សារៈសំខាន់​ណាស់​ក្នុង​ការ​ផ្ដល់​ធាតុ​ចូល ដើម្បីឲ្យ​​រដ្ឋាភិបាល​និង​រដ្ឋបាល​ថ្នាក់​ក្រោម​ជាតិ កំណត់​អាទិភាព​ការ​ចំណាយ​បាន​ត្រឹម​ត្រូវ​។