សមាគម​សម្ព័ន្ធ​កសិករ​កម្ពុជា រក​ឃើញ​ថា ចាប់​ពី​ឆ្នាំ​២០១៤ ដល់​ឆ្នាំ​២០១៧ មាន​ពលរដ្ឋ​ជាង​ ២ ម៉ឺនគ្រួសារ នៅ​ទូទាំង​ប្រទេស​កម្ពុជា រង​ផល​ប៉ះពាល់​ដោយសារ​តែ​បញ្ហា​ដី​ធ្លី​។ បញ្ហាដី​ធ្លី​ ដែល​សមាគមសម្ព័ន្ធ​កសិករ​កម្ពុជា ប្រៀប​ប្រដូច​ទៅ​នឹង​ជំងឺ​មហារីក​ដ៏កាច​សាហាវ ​ដែល​បាន​ធ្វើឲ្យ​ប៉ះពាល់​ប្រជាពលរដ្ឋ​ដោយ​ផ្ទាល់ និង​ប្រយោល​ដោយសារ​តែ​ក្រុមហ៊ុន​មួយ​ចំនួន​ឃុបឃិត​គ្នា​ជាមួយ​អាជ្ញាធរ​រំលោភ​យក​ដី​ប្រជាពលរដ្ឋ​។ លោក ថេង សាវឿន ប្រធាន​សមាគម​សម្ព័ន្ធ​កសិករ​កម្ពុជា ស្នើ​ឱ្យ​រដ្ឋាភិបាល​ដោះស្រាយ​បញ្ហា​ដី​ធ្លី ដែល​នៅ​សេស​សល់ ដោយ​យក​គំរូ​ ដូច​ករណី​ដែល​អាជ្ញាធរ​ដោះស្រាយ​បាន​ជោគជ័យ នៅ​ក្នុង​ខេត្ត​កោះកុង​។ ជម្លោះ​ដី​ធ្លីខេត្ត​កោះកុង ដែល​បាន​អូស​បន្លាយ​រាប់​សិប​ឆ្នាំរវាង​អ្នក​ភូមិ​ និង​ក្រុមហ៊ុន​ស្ករ​ ។

២៣ តុលា​ ១៩៩១ - ២៣ តុលា ២០១៨ គឺ​ជា​រយៈពេល​២៧​ឆ្នាំគត់​នៃ​កិច្ច​ព្រមព្រៀង​សន្តិភាព​ក្រុង​ប៉ារីស ហើយ​រៀងរាល់​ឆ្នាំ​តែងតែ​មាន​ការ​ជជែក​គ្នា​ពី​កិច្ចព្រមព្រៀង​នេះ។ ...

ក្រសួង​ការងារ​ និង​ដៃ​គូ​ពាក់​ព័ន្ធ​ សហការ​គ្នា​រៀប​ចំ​ពិព័រណ៏​ការងារ​ ប្រចាំ​២០១៨​ គ្រោង​ធ្វើ​ពី​ថ្ងៃទី​២៧​ ដល់​២៨​ខែ​តុលា​ចុង​សប្តាហ៍​នេះ​នៅ​កោះ​ពេជ្រ​។​ ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​RFI​នា​រាត្រី​នេះ ​គឺ​លោក​ ហៃ ​ហ៊ុនឡេង​ អនុ​ប្រធាន​ទី​ភ្នាក់​ងារ​ជាតិ ​មុខ​របរ ​និង​ការងារ​។​ លោក​បញ្ជាក់​ថា ការ​ងារ​យ៉ាង​ហោច​ណាស់​ចំនួន​២​ម៉ឺន​កន្លែង ​ក្នុង​មុខ​តំណែង​ច្រើន​ប្រភេទ ដែល​នាំមក​ដោយ​ក្រុម​ហ៊ុន​ចំនួន​១៥០ កំពុង​រង​ចាំ​អ្នក​ស្វែង​រក​ការងារ​ធ្វើ​។ សូម​ស្តាប់​បទ​សម្ភាសន៍​រវាង អ៊ឹង ប៊ុនថន និង​លោក ហៃ ហ៊ុនឡេង។

ប្រទេស​ចិន​គ្រោង​ពង្រីក​ទំហំ​ពាណិជ្ជ​កម្ម និង​វិនិយោគ​ជា​មួយ​កម្ពុជា​បន្ថែម​ទៀត។ ជុំវិញ​បញ្ហា​នេះ លោក តេង ឌឺ​លុច សាស្ត្រាចារ្យ​ផ្នែក​វិទ្យាសាស្ត្រ​សេដ្ឋកិច្ច​ ...

អាជ្ញា​ធរ​ខេត្ត​កំពត​នៅថ្ងៃ​សៅរ៍​នេះ ​បាន​សម្រេច​ឲ្យ​​បើក​ទ្វារ​ទឹក​ទំនប់​វារី​អគ្គិស​នី​កំចាយ​ក្នុង​ខេត្ត​ជាប់​មាត់​សមុទ្រ​មួយ​នេះ​​ដើម្បី​រំដោះ​ជំនន់​ទឹក​ភ្លៀង​ដែល​ហូរ​ធ្លាក់​ពី​លើ​ភ្នំ​។​ ប៉ុន្តែ​អ្នក​នាំ​ពាក្យ​អាជ្ញាធរ​ជាតិ​គ្រប់​គ្រង​គ្រោះ​មហន្ត​រាយ​បាន​អះ​អាង​ថា​ ការ​បើក​ទ្វារ​ទឹក​នៅ​ថ្ងៃនេះ​ គឺ​មាន​ការ​ខូច​ខាត​ទ្រព្យ​សម្បត្តិ​ប្រជា​ជន​តិច​តួច​ប៉ុណ្ណោះ ​ដោយ​សារ​​ទឹក​បាន​ស្រក​ទៅ​វិញ​លឿន​។​ តែ​ទោះ​ជា​យ៉ាងណា​ អាជ្ញា​ធរ​ខេត្ត​កំពត​ក៏បាន​ចេញ​សេចក្តី​ជូន​ដំណឹង​ឲ្យ​​មាន​ការ​ប្រុង​ប្រ​យ័ត្ន ​និង​ត្រៀម​លក្ខណៈ​ជំលៀស​ប្រជា​ជន​ទៅ​កន្លែង​មាន​សុវត្ថិ​ភាព​ផងដែរ​។

គណៈកម្មាធិការ​ជាតិ​រៀប​ចំ​ការ​បោះឆ្នោត​(​គ​.​ជ​.​ប​) នៅ​ថ្ងៃ​សុក្រ​នេះ ​បាន​ប្រកាស​ថា​ខ្លួន​បាន​បញ្ចប់​កិច្ចការ​របស់​ខ្លួន​ហើយ ​ក្នុង​ការ​ចុះ​ឈ្មោះ​ប្រជាពល​រដ្ឋ​ខ្មែរ​ ដែល​មាន​អាយុ​១៨​ឆ្នាំ​ឡើង​ដើម្បី​ឲ្យ​ពួកគេ​អាច​មាន​សិទ្ធិ​បោះឆ្នោត ​ដែល​រៀប​ចំ​ឡើង​លើក​ក្រោយ​ៗ​ទៀត​បាន​។ ​លោក ​ឌឹ​ម សុ​វណ្ណា​រុំ ​សមាជិក​និង​ជា​អ្នក​នាំពាក្យ​គណៈកម្មាធិការ​ជាតិ​រៀបចំ​ការ​បោះឆ្នោត ​បាន​ថ្លែង​ថា​យុទ្ធនាការ​ចុះ​ឈ្មោះ​បោះឆ្នោត ​និង​ធ្វើ​បច្ចុប្បន្នភាព​បញ្ជី​ឈ្មោះ​បោះឆ្នោត ​ដែល​មាន​រយៈពេល១៨​ថ្ងៃ​មក​នេះ ​បាន​បញ្ចប់​ទៅ​ដោយ​ជោគជ័យ ​ខណៈ ​គ​.​ជ​.​ប ​បាន​ចុះ​ឈ្មោះ​ប្រជាពលរដ្ឋ​ជិត​២សែន​នាក់ ​បន្ថែម​ទៀត​នៅ​ឆ្នាំ​នេះ​។

របាយការណ៍របស់​ក្រសួង​មហាផ្ទៃ​ចេញ​ផ្សាយ​កាល​ពី​ដើម​សប្ដាហ៍​នេះ បង្ហាញ​ថា ចំនួន​អ្នក​ស្លាប់​ដោយ​សារ​គ្រោះ​ថ្នាក់​ចរាចរណ៍​នៅ​ស្រុក​ខ្មែរ ក្នុង​រយៈ​ពេល​៩​ខែ​ដើម​ឆ្នាំ​២០១៨​នេះ មាន​ចំនួន​ជាង​១៣០០​​នាក់ ប្រហាក់​ប្រហែល​គ្នា​នឹង​ចំនួន​អ្នក​ស្លាប់​កាល​ពី​ឆ្នាំ​​មុន នៅ​ក្នុង​រយៈ​ពេល​ដូច​គ្នា​។ លោក អ៊ា ចរិយា នាយក​វិទ្យាស្ថាន​សុវត្ថិភាព​ចរាចរណ៍ ដែល​ជា​ភ្ញៀវ​របស់​យើង​នា​រាត្រី​នេះ បាន​សម្ដែង​ក្ដី​បារម្ភ​ចំពោះ​អត្រា​អ្នក​ស្លាប់​គ្រោះ​ថ្នាក់​ចរាចរណ៍​ដែលនៅ​តែ​មាន​ចំនួន​ច្រើន​នេះ​​។ បារម្ភ​ព្រោះ​បើ​តាម​លោក អ៊ា ចរិយា គ្រោះ​ថ្នាក់​ចរាចរណ៍មិន​ត្រឹម​តែ​សម្លាប់​មនុស្ស​ទេ តែ​វា​​បានបង្ក​វិនាសកម្ម​និង​​ធ្វើ​ឲ្យ​កម្ពុជា​ខាត​បង់​ប្រាក់​ជាង​៤០០​លាន​ដុល្លារ​ក្នុង​មួយ​ឆ្នាំ​ៗ​ថែម​ទៀត​​។

វិមាន​អនុស្សាវរីយ៍ ​ឈ្នះ​-​ឈ្នះ ​ដែល​បាន​កសាង​ឡើង​កាល​ពី​ដើម​ឆ្នាំ​២០១៦ ​នៅ​លើ​ផ្ទៃ​ដី​ទំហំ​៨​ហិច​តារ ​នឹង​ត្រូវ​បញ្ចប់​ទាំង​ស្រុង​នៅ​ចុង​ខែ​តុលា​នេះ​។​ នាយ​ឧ​ត្ត​ម​សេនីយ៍ ​ឈុំ សុជាតិ ​អ្នក​នាំពាក្យ​ក្រសួង​ការពារ​ជាតិ ​បាន​ថ្លែង​ឲ្យ​ដឹង​ថា​វិមាន​ឈ្នះ​-​ឈ្នះ ​នេះ ​នឹង​ត្រូវ​ដាក់​សម្ពោធ​ជា​ផ្លូវការ​នៅ​ថ្ងៃ​ទី​២៩​ខែ​ធ្នូ​ខាង​មុខ​ ដែល​មាន​អ្នក​ចូលរួម​រាប់ម៉ឺន​នាក់​។ ​លោក​ចាត់​ទុក​ថា ​វិមាន​ដ៏​ប្រណីត​នេះ ​គឺ​ជា​សក្ខីភាព​ប្រវត្តិសាស្ត្រ ​បង្ហាញ​ពី​ការ​តស៊ូ​របស់​ប្រមុខ​រដ្ឋាភិបាល​លោក ​ហ៊ុន សែន​ អំឡុង​ឆ្នាំ​១៩៧៧​ ​រហូត​​ដល់​​ការ​​បញ្ចប់​​សង្គ្រាម​​ទាំង​ស្រុង​នៅ​កម្ពុជា​​។

នៅ​ថ្ងៃទី១៨ និងទី១៩ ខែតុលា ខាង​មុខ​នេះ​កម្ពុជា​នឹង​ចូលរួម​កិច្ច​ប្រជុំ​អាស៊ី​អឺរ៉ុប​លើកទី​១២ នៅ​ប្រទេស​បែលហ្សិក ហើយ​កម្ពុជា​ក៏​ប៉ុនប៉ង​ធ្វើ​ម្ចាស់​ផ្ទះ​រៀបចំ​កិច្ច​ប្រជុំ​នេះ នា​ឆ្នាំ​២០២០​ដែរ​។ ...

លោក​ គឹម​ សុខ​ ជា​អ្នក​វិភាគ​ និង​ធ្វើ​អត្ថា​ធិប្បាយ​មិន​សំចៃ​មាត់ ​បាន​សិទ្ធិ​ជ្រក​កោន​ផ្នែក​នយោ​បាយ​នៅ​ប្រទេស​ហ្វាង​ឡង់ ​បន្ទាប់​ពី​លោក​ជាប់​ពន្ធ​នា​គារ​នៅ​កម្ពុជា​ចំនួន​១៨​ខែ ​ក្រោម​បណ្តឹង​របស់​ប្រមុខ​រដ្ឋា​ភិបាល​ខ្មែរ​។ ​នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​​RFI​រាត្រីនេះ ​លោក ​គឹម ​សុខ ​បាន​អះ​អាង​ថា​ មូល​ហេតុ​ដែល​លោក​ចាក​ចេញ​ពី​ប្រទេស​កំណើត​គឺ​ដោយសារ​តែ​មានការ​គំរាម​កំហែង​ដល់​ជីវិត​កូន​ស្រី​របស់​លោក​អាយុ​៦​ឆ្នាំ​។​ ទោះ​ជា​យ៉ាង​ណា​លោក​ គឹម ​សុខ អះ​អាង​ថា ​ថ្វី​បើ​ប្រទេស​ហ្វាង​ឡង់​ប្រៀប​ដូច​ជា​ឋាន​សួគ៌​ក៏ដោយ​ តែ​បើ​មាន​ឱកាស​លោក​នឹង​វិលមក​កម្ពុជា​វិញ​។