ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នារាត្រី​នេះ គឺ​លោក​បណ្ឌិត តុប នេត ជា​ប្រធាន​ក្រុម​ការងារ​រដ្ឋបាល​​ និង​ខ្លឹមសារ​នៃ​គណៈកម្មការ​ផលិត​ទូកង ដើម្បី​បំបែក​ឯតទគ្គកម្ម​ពិភព​លោក។ នៅ​ថ្ងៃទី១២ ...

នៅ​សល់​តែ​៥​ថ្ងៃ​ទៀត​ប៉ុណ្ណោះ ​ការ​ពិនិត្យ​បញ្ជី​ឈ្មោះ ​និង​ចុះ​ឈ្មោះ​​ថ្មី​សម្រាប់​អ្នក​បោះ​ឆ្នោត​នឹង​ត្រូវ​បិទ​បញ្ចប់​ហើយ​។​ ក្នុង​រយៈ​ពេល​១២​ថ្ងៃ​មក​នេះ ​មាន​អ្នក​ទៅ​ចុះ​ឈ្មោះ​ថ្មី​បាន​តែ​ជាង២៥% ​ប៉ុណ្ណោះ​។​ ដោយ​សារ​តែ​ការ​ទៅ​ពិនិត្យ​ឈ្មោះ ​និង​ចុះ​ឈ្មោះ ​មិន​សូវ​មាន​សន្ទុះ​ខ្លាំង​ គណៈ​កម្មា​ធិការ​ជាតិ​រៀប​ចំ​ការ​បោះ​ឆ្នោត​បាន​អំពាវ​នាវ​ជា​ថ្មី​ឲ្យ​ពលរដ្ឋ​ដែល​ទើប​គ្រប់​អាយុ​បោះ​ឆ្នោត ​និង​អ្នក​ដែល​ផ្លាស់​ទី​លំនៅ​ ឬ​មាន​បញ្ហា​ឈ្មោះ​ខុស ​សូម​ទៅ​​ពិនិត្យ​និង​ចុះ​ឈ្មោះ​ឲ្យ​បានទាំង​អស់​គ្នា​ត្រឹម​ថ្ងៃ​ទី​១៨​ខែ​តុលា​ខាង​មុខ​នេះ​។

នៅ​ក្នុង​ការ​ប្រកួត​ប្រជែង​ស្វែង​រក​អង្ករ​ល្អ ​នៅ​ប្រទេស​វៀតណាម​នា​ថ្ងៃ​ទី​១២​ខែតុលា​នេះ ​ដែលមាន​ប្រទេស​នាំ​អង្ករ​ចេញ​ប្រកប​ដោយ​សក្តានុពល​ជា​ច្រើន​ចូល​រួម​ អង្ករ​កម្ពុជា​ត្រូវ​បាន​គណៈកម្មការ​រៀប​ចំ​ប្រកួត​ប្រកាស​ថា ​បាន​ជាប់​ចំណាត់​ថ្នាក់​លេខ​១​ ជា​អង្ករ​ល្អ​ជាង​គេ​លើ​ពិភពលោក​។ ​លោក​ឧកញ៉ា ​ហ៊ុន ឡាក់​ អនុ​ប្រធាន​សហព័ន្ធ​ស្រូវ​ អង្ករ ​កម្ពុជា ​បាន​ប្រាប់​វិទ្យុ​បារាំង​ RFI​ ថា ​គិត​ទាំង​លើក​នេះ​ទៀត​ អង្ករ​កម្ពុជា​បាន​ជា​ប់​ចំណាត់ថ្នាក់​លេខ​១​ ជា​អង្ករ​ល្អ​ជាង​គេ​លើ​ពិភពលោក ​៤​ឆ្នាំ​ជាប់​ៗ​គ្នា​។ ​តាមរយៈ​លទ្ធផល​នេះ ​ធ្វើ​ឲ្យ​ពិភពលោក ​ស្គាល់​អង្ករ​កម្ពុជា​កាន់​តែ​ច្រើន ​និង​នៅតែ​លក់​ទៅ​ក្រៅ​ប្រទេស​មាន​តម្លៃ​ខ្ពស់​ជាង​ប្រទេស​ជិត​ខាង​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​ពេល​នេះ គឺ​លោក គឹម ហ៊ាង ប្រធាន​ក្រុមហ៊ុន​ខ្មែរ​រៀល​អ៊ីស្ទែត និង​ជា​ប្រធាន​សមាគម​អ្នក​វាយ​តម្លៃ​និង​ភ្នាក់ងារ​អចលនវត្ថុ​កម្ពុជា។ ...

រយៈពេល​៥​ថ្ងៃ​កន្លង​ទៅ​នេះ ​សាលា​រាជធានី​ភ្នំពេញ ​បាន​ធ្វើការ​ដឹក​ជញ្ជូន​ប្រជាពលរដ្ឋ​ខ្មែរ​​ដោយ​​ឥត​​គិត​ថ្លៃ​ប្រមាណ​ជិត​២​ម៉ឺន​នាក់​ ​ទៅ​កាន់​ស្រុក​កំណើត ​និង​ត្រលប់​មក​ភ្នំពេញ​វិញ ​នៅ​ក្នុង​ឱកាស​បុណ្យ​ភ្ជុំបិណ្ឌ​ប្រពៃណីជាតិ​។ ​តាម​រយៈ​ការ​ផ្តល់​សេវា​ដឹក​ជញ្ជូន​តាម​រថយន្ត​ក្រុង​ចំនួន​២១៥​គ្រឿង​ ដោយ​ឥត​បង់ប្រាក់ ​ដែល​បាន​គ្រោងទុក​រយៈពេល​៦​ថ្ងៃ​នេះ ​លោក ​ម៉េ​ត មាស​ភក្តី ​អ្នក​នាំពាក្យ​សាលា​រាជធានី​ភ្នំពេញ​ រំពឹង​ថា​នឹង​មាន​ប្រជាពលរដ្ឋ​មិន​តិច​ជាង​ ​​២​​៥ ០០០​​​​នាក់​​ទេ ​​ដែល​​បាន​ទទួល​​សេវា​​នេះ​​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នារា​ត្រី​នេះ គឺ​លោក ឯក សុវណ្ណា សមាជិក​បណ្តាញ​សហគមន៍​ព្រៃឡង់​ខេត្ត​ក្រចេះ​។ កាល​ពីដើម​ខែ​តុលា កន្លង​ទៅ​នេះ ...

ក្រសួង​​ការងារ​ បានចេញ​​សេចក្តី​​ប្រកាស​មួយ​ចុះ​ថ្ងៃ​ទី​២១​​ខែ​កញ្ញា​ឆ្នាំ​២០១៨​ ដោយ​​តម្រូវ​​ឲ្យ​និយោជក​ ឬ​ថៅកែ​ ត្រូវ​​ទូទាត់​​ប្រាក់​បំណាច់​​អតីត​ភាព​​ការងារ​កម្មករ និយោជិត​  ដែល​មាន​កិច្ច​សន្យា​មិន​​កំណត់​​គឺធ្វើ​​ឡើង​​២​ដង​ក្នុង​​មួយ​ឆ្នាំ​​។​ ប៉ុន្តែ​សមាគម​​សហ​គ្រិន​​វ័យ​​ក្មេង​​កម្ពុជា​ បាន​លើក​ឡើង​ពី​ផល​វិបាក​​របស់​​ខ្លួន​​ក្នុង​​ការ​​អនុវត្ត​​ប្រកាស​នេះ​​ដែល​មាន​អនុភាព​​ប្រតិ​សកម្ម​​ ឬ​​ធាក់​​ថយ​​ក្រោយ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នៅ​រាត្រី​នេះ គឺ​លោក ហៃ វណ្ណា ប្រធាន​ចលនា​សង្គ្រោះ​ជាតិ​ប្រចាំ​ប្រទេស​ជប៉ុន។ នៅ​ថ្ងៃទី០៧ ខែ​តុលា​នេះ ...

កាល​ពី​ម្សិល​មិញ ​សហភាព​​អឺរ៉ុប​ បាន​ប្រកាស​ថា ​ខ្លួន​​ចាប់​ផ្តើម​​អនុវត្ត​ដំណើរ​ការ​​ដក​​ប្រព័ន្ធ​​អនុគ្រោះ​​ពន្ធ​​ដល់​​កម្ពុជា​ ប៉ុន្តែ​បាន​​ទុក​ទ្វារ​​សម្រាប់​ការ​​ចរចា​ បើ​កម្ពុជា​ព្រម​​កែ​​លម្អ​​ផ្នែក​​សិទ្ធិ​​មនុស្ស​​ និង​​ប្រជាធិប​តេយ្យ​។​ ទោះ​ជា​យ៉ាង​ណា ​មន្រ្តី​រដ្ឋាភិបាល​កម្ពុជា​ បាន​អះ​អាង​ថា ​បើ​សហភាព​អឺរ៉ុប​​ឈប់​​អនុ​គ្រោះ​​ពន្ធ​ដល់​កម្ពុជាមែន​នោះ ​កម្ពុជានៅ​មាន​ជម្រើស​​ច្រើន​ទៀត​​តាម​​រយៈ​​ការ​​​ធ្វើ​​ពាណិជ្ជ​កម្ម​ជា​លក្ខណៈ​​ទ្វេ​​ភាគី​។

ប្រាក់​ឈ្នួល​គោល​សម្រាប់​កម្មករ​កាត់​ដេរ​និង​វាយនភណ្ឌ​នៅ​ឆ្នាំ​២០១៩ នឹង​ត្រូវ​ដំឡើង​ដល់ ១៨២​ដុល្លារ​ក្នុង​មួយ​ខែ៖​ ក្នុង​នោះ និយោជក​ផ្ដល់​១៧៧​ដុល្លារ និង​ប្រមុខ​រដ្ឋាភិបាលផ្ដល់​​៥​ដុល្លារ​បន្ថែម​​។ លោក អាត់ ធន់ ប្រធាន​សហភាព​ការងារ​កម្ពុជា ដែល​ជា​ភ្ញៀវ​ប្រចាំ​ថ្ងៃ​របស់​យើង មិន​ពេញ​ចិត្ត​ចំពោះ​ប្រាក់​ឈ្នួល​១៨២​ដុល្លារ​នេះ​ទេ​ ប៉ុន្តែ​ចាត់​ទុក​ថា «អាច​ទទួល​យក​បាន»។