«ការ​តស៊ូ​របស់​ប្រជាជន៖ កម្ពុជា​រស់​ឡើង​វិញ» គឺ​ជា​ចំណង​ជើង​សៀវ​ភៅ​ស្តី​ពី​ប្រវត្តិ​របស់​ លោក ហេង សំរិន ប្រធាន​រដ្ឋសភា​កម្ពុជា​។ សៀវ​ភៅ​នេះ​ត្រូវ​បាន​បោះពុម្ព​ជា​ភាសាខ្មែរ​តាំង​ពី​ឆ្នាំ​២០១៣ តែ​ទើប​បក​ប្រែ​ទៅ​ជា​ភាសា​អង់គ្លេស និង​ដាក់​សម្ពោធ​នៅ​ថ្ងៃ​ទី​២៦ ខែ​វិច្ឆិកា ឆ្នាំ​២០១៨​នេះ​។ លោក កែវ ពិសិដ្ឋ​ នាយកខុទ្ទកាល័យ ប្រធានរដ្ឋសភាកម្ពុជា ជា​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​រាត្រី​នេះ បាន​ថ្លែង​ថា ការ​ចេញ​ផ្សាយ​សៀវភៅ​ប្រវត្តិ​ លោក ហេង សំរិន គឺ​ជា​សក្ខីភាព​បញ្ជាក់​ពីការ​បែក​បាក់​សង្គម​ខ្មែរ​កាល​ពី​សម័យ​មុន ដើម្បី​ឲ្យ​អ្នក​សិក្សា​ស្រាវជ្រាវ​បាន​ស្វែង​យល់​។

សិល្បៈ​បុណ្យ​ភូមិ​ដែល​យុវជន​ខ្មែរ​មួយ​ក្រុម​នាំ​គ្នា​ច្នៃ​ប្រឌិត​ និង​រៀប​ចំ​ឡើង​ចំនួន​៥​ឆ្នាំ​មក​នេះ​ ត្រូវ​បាន​ប្រទេស​ជប៉ុន​ជ្រើស​រើស​ឲ្យ​ទៅ​សំដែង​នៅ​ទីក្រុង​តូក្យូ ​កាលពី​ពេលថ្មីៗ​នេះ ​នៅ​ក្នុង​ព្រឹត្តិការណ៍​ Festival/Tokyo​ ឬ​ មហោ​ស្រព​ តូក្យូ​។​ នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​ RFI​ នៅរាត្រីនេះ ​គឺ​ រិទ្ធី ​លំអរពេជ្រ ​ជា​ស្ថាបនិក​បុណ្យ​ភូមិ​ និង​ជា​ប្រធាន​រៀប​ចំ​មហោ​ស្រព​។​ រិទ្ធី ​លំអរពេជ្រ​ បាន​បញ្ជាក់ថា​ ការ​ជ្រើស​សិល្បៈ​បុណ្យ​ភូមិ​ទៅ​សម្តែង​នៅ​តូក្យូ ​គឺចង់​ឲ្យ​ប្រជាជន​ជប៉ុន​សិក្សា​ពី​វប្បធម៌​ខ្មែរ​យើង​ និង​ការ​ច្នៃ​ប្រឌិត​របស់​យុវជន​។

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​លោក​បណ្ឌិត​ឈាង វណ្ណា​រិ​ទ្ធ ដែលជា​នាយករង​នៃ​វិទ្យាស្ថាន​កម្ពុជា​សម្រាប់​ការសិក្សា​យុទ្ធសាស្ត្រ។ ឆ្លើយតប​នឹង​សំណួរ​របស់​វណ្ណ សុគន្ធា លោក​ឈាង វណ្ណា​រិ​ទ្ធ បាន​លើកឡើងថា ដើម្បី​ជម្រះ​រាល់​មន្ទិលសង្ស័យ​ទាំងឡាយ រដ្ឋាភិបាល​កម្ពុជា​គួរតែ​ផ្តល់ព័ត៌មាន​ដែលជា​ក់លាក់ និង​មាន​តម្លាភាព​អំពី​គម្រោង​វិនិយោគ​របស់​ចិន​ដែល​សង្ស័យថា នឹង​ក្លាយជា​មូលដ្ឋាន​កងទ័ព​របស់​ចិន​នៅក្នុង​ខេត្តកោះកុង។ ម្យ៉ាងទៀត លោក​ក៏​ចង់​ឲ្យ​រដ្ឋាភិបាល​ខ្មែរ​នាំ​ទូត​បរទេស និង​អ្នកកាសែត​ទាំង​ជាតិ និង​អន្តរជាតិ​ទៅពិនិត្យ​មើល​​ទីតាំង​នោះ​ដោយ​ផងដែរ។

រយៈពេល​៣​ថ្ងៃ ​នៃ​ព្រះ​រាជ​ពិធី​បុណ្យ​អុំ​ទូក ​បណ្តែត​ប្រ​ទីប​ សំពះ​ព្រះ​ខែ ​និង​អក​អំបុក ​នេះ ​ក្រុមហ៊ុន​គ្រប់គ្រង​និង​ប្រមូល​សំរាម ​«​ស៊ីន​ទ្រី​» ​បាន​ប្រើប្រាស់​រថយន្ត​សម្រាប់​ដឹក​សំរាម​នៅ​ក្នុង​ខណ្ឌ​ទាំង​៤​ ចំនួន​៥០​គ្រឿង​ រទេះ​អូស​សំរាម​១០០​គ្រឿង ​និង​កម្មករ​ជិត​៥០០​នាក់​។ ​លោក ហៀ​ប ​សា​គុណ ​តំណាង​អ្នក​ប្រតិបត្តិ​ការ​សម្អាត​ក្រុង ​នៃ​ក្រុមហ៊ុន​ស៊ីន​ទ្រី ​ថ្លែង​ថា ​បរិមាណ​សំរាម​ ដែល​ក្រុមហ៊ុន​បាន​ប្រមូល​ពី​ក្នុង​ខណ្ឌ​ទាំង​៤ ​ដែល​ជា​កន្លែង​ប្រារព្ធ​ពិធី​បុណ្យ​គឺ​មាន​ការកើន​ឡើង​យ៉ាង​សម្បើម​ ខណៈ​បរិមាណ​សំរាម​បាន​កើន​ឡើង​រវាង​ថ្ងៃ​បុណ្យ​ទី​១​និង​ថ្ងៃ​ទី​២ ​ពី១៧៨​តោន ​ទៅ​២៥២​តោន​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​ថ្ងៃនេះ គឺ​កញ្ញា សៀង សុខចេង សហស្ថាបនិក​​វេបសាយ វប្បធម៌​។ វប្បធម៌ គឺ​ជា​វេបសាយ​ដែល​បង្កើត​ឡើង​ដោយ​យុវជន​មួយ​ក្រុម ផ្ដល់​ពុទ្ធិ​ប្រកប​ដោយ​លក្ខណៈ​វិទ្យាសាស្ត្រ​ ដើម្បី​ជំរុញ​ឲ្យ​អ្នក​អាន​ចង់​ចេះ​ចង់​ដឹង ចេះ​សំលៀង​គំនិត និង​បើក​ចិត្ត​ទទួល​យក​មតិ​ចម្រុះ​។ សម្រាប់​កញ្ញា សៀង សុខចេង ពលរដ្ឋ​ខ្មែរ ជា​ពិសេស​យុវជន​តែ​ម្ដង គឺសុទ្ធ​តែ​ស្រេក​ឃ្លានចង់​ចេះ​ចង់​ដឹង តែ​ប្រភព​ទៅ​កាន់​ចំណេះ​ដឹង​សម្រាប់​ពួក​គាត់​នៅ​តែ​មាន​កម្រិត​​។

ទូក​ង ​ចំនួន​២៩៥​​ទូក ​ក្នុង​នោះ​មាន​ទូក​អុំ ​ទូក​ចែវ ​ទូក​ខ្នាត​អន្តរជាតិ ​និង​ទូក​ប្រពៃណី​ បាន​ចូលរួម​ប្រកួត​ប្រជែង​គ្នា ​នៅ​លើ​ផ្ទៃ​ទឹក​ទន្លេ​សាប ​និង​ទន្លេ​ចតុមុខ ​នៅ​ក្នុង​ឱកាស​នៃ​ព្រះ​រាជ​ពិធីបុណ្យ​អុំទូក​ អក​អំបុក ​សំពះ​ព្រះ​ខែ ​និង​បណ្តែត​ប្រទីប ​ដែល​ធ្វើ​ឡើង​រយៈពេល​៣​ថ្ងៃ ​គឺ​ថ្ងៃ​ទី​២១ ​២២ ​និង​២៣ ​ខែ​វិច្ឆិកា​នេះ​។ ​លោក ​ប៊ូ ជុំ​សេរី ​អនុ​រដ្ឋ​លេខាធិការ​ក្រសួង​អប់រំ ​និង​ជា​ប្រធាន​គណៈកម្មការ​មេ​ប្រយោគ​នៃ​ការ​ប្រណាំង​ទូក​នេះ ​ថ្លែង​ថា ​ការ​កើន​ឡើង​នៃ​ចំនួន​ទូក​ង ​នៅ​ក្នុង​ពិធី​បុណ្យ​ឆ្នាំ​នេះ ​គឺ​ដោយសារ​កត្តា ​រីក​ចំរើន​ខាង​សេដ្ឋកិច្ច ​ស្ថិរភាព​សន្តិសុខ ​និង​សណ្តាប់ធ្នាប់​សង្គម​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​នៅ​រាត្រីនេះ គឺលោក នេត្រ ភក្ត្រា អ្នក​នាំ​ពាក្យ​ក្រសួង​បរិស្ថាន​។ ក្នុង​រយៈ​ពេល​បី​ថ្ងៃ​នៃ​ព្រះរាជ​ពិធី​បុណ្យ​អុំទូក បណ្តែត​ប្រទីប អក​អំបុក និង​សំពះ​ព្រះខែ ក្រសួង​បរិស្ថាន ​ បាន​រៀប​ចំ​មន្ត្រី​ជាង ៣០០ នាក់ ដើម្បី​ចុះ​ផ្សព្វ​ផ្សាយ និង​អប់រំ​​ពលរដ្ឋ​ ​ឲ្យ​យល់​ដឹង​ពី​ផល​ប៉ះពាល់​នៃ​សំរាម និង​ថង់​ប្លាស្ទិក ទៅ​លើ​បរិស្ថាន ខណៈ​ក្រសួង​ក៏អាចនឹង​មាន​វិធានការ​បន្ត​បន្ទាប់​លើ​អ្នក​ដែល​​បោះ​សំរាម​ចោល​គ្មាន​សណ្ដាប់​ធ្នាប់​ផង​ដែរ។ យ៉ាង​ណា​ក៏​ដោយ លោក នេត្រ ភក្ត្រា អ្នកនាំពាក្យក្រសួង​បរិស្ថាន បាន​អំពាវ​នាវ​ឱ្យ​ប្រជាពលរដ្ឋ ចូល​រួម​ថែ​រក្សា​បរិស្ថាន ទាំង​អស់​គ្នា នៅ​ក្នុង​ឱកាស​ពិធី​បុណ្យ​អុំទូក រយៈពេល៣ថ្ងៃ ដើម្បីលើកមុខមាត់ប្រទេសជាតិ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​នៅ​រាត្រីនេះ​គឺ​លោក ​ចាន់ ​យុត្ថា ​អ្នក​នាំ​ពាក្យ​ក្រសួង​ធន​ធាន​ទឹក​ និង​ឧតុនិយម​។​ លោក​បាន​បញ្ជាក់ថា ​ព្យុះទី​២៧​ឈ្មោះ ​តូរ៉ាស៊ី ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នារា​ត្រី​នេះ គឺ លោក អាត់ ធន់ ប្រធាន​សហភាព​ការងារ​កម្ពុជា​។ ឆ្លើយ​នឹង​សំនួរ​របស់​វិទ្យុ​បារាំង​អន្តរ​ជាតិ លោត អាត់ ធន់ លើក​ឡើង​ថា ...

ភ្ញៀវ​​ប្រចាំ​​ថ្ងៃ​​របស់​​វិទ្យុ​​បារាំង​​អន្តរ​ជាតិ​​RFI​​នៅ​​រាត្រី​​នេះ​​ គឺ​​ លោក​​ ឈុំ​​ សុជាតិ​​ អ្នក​​នាំ​​ពាក្យ​​ក្រសួង​​ការពារ​​ជាតិ​​កម្ពុជា​​។​​ ក្រសួង​​ការ​​ពារ​​ជាតិ​​ដែល​​បាន​​ចេញ​​សេចក្តី​​ថ្លែង​ការណ៍​​មួយ​​ដោយ​​ច្រាន​ចោល​​ព័ត៌មាន​​Asia​ Time​ ​ដែល​​បាន​​ផ្សព្វ​ផ្សាយ​​ថា​ ​កម្ពុជា​​បាន​​ផ្តល់​​ទីតាំង​​ឈរ​​ជើង​​ដល់​កង​​ទ័ព​​បរទេស​​ ដែល​​គេ​​សំដៅ​​ដល់​​កង​ទ័ព​​ចិន​​ ឲ្យ​​ឈរ​​ជើង​​នៅ​​សមុទ្រ​​ភាគ​​ខាង​​លិច​​ប្រទេស​​កម្ពុជា​​ ។​​ លោក​​ ឈុំ ​​សុជាតិ​ ​បាន​​ចាត់​​ទុក​​ការ​​ផ្សាយ​​បែប​​នេះ​​ថា​ ​ជា​​ចេតនា​​បង្ខូច​​កិត្តិយស​​រដ្ឋាភិបាល​កម្ពុជា​ ​តាម​​រយៈ​​ជន​​បរទេស​​មួយ​​ចំនួន​​។