ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​រាត្រី​នេះ គឺ​លោក ឆាយ បូរ៉ា ប្រធាន​សមាគម​ភាពយន្ត​កម្ពុជា​។ លោក​បាន​លា​លែង​ចេញ​ពី​ប្រធាន​សមាគម​នេះ ទាំង​ពាក់​កណ្តាល​អាណត្តិ ក្រោយ​ដឹក​នាំ​សមាគម​អស់​រយៈ​ពេល​៣ឆ្នាំ​។ ថ្វី​ត្បិត​តែ​សមគម​នេះ មាន​បញ្ហា​ច្រើន ​នា​ពេល​កន្លង​មក​ជា​ពិសេស​ទាក់​ទង​នឹង​កង្វះ​ថវិកា​ក៏​ដោយ តែ​នេះ មិន​មែន​ជា​មូល​ហេតុ ដែល​ធ្វើ​ឲ្យ​លោក ឆាយ បូរ៉ា លា​ឈប់​នោះ​ទេ។ បើ​តាម​អតីត​ប្រធាន​សមាគម​រូប​នេះ ការ​លា​លែង​ពី​ប្រធាន​សមាគម​ភាពយន្ត​កម្ពុជា​របស់​លោក​ ដើម្បី​ទុក​ឱកាស​ដល់​អ្នក​ជំនាន់​ក្រោយ​។

ពិព័រណ៍​យន្តហោះ និង​បច្ចេកវិទ្យា​រយៈពេល​បី​ថ្ងៃ​ចាប់ពី​ថ្ងៃទី១៤ ដល់​ថ្ងៃទី១៦ ធ្នូ បាន​បិទ​បញ្ចប់​ហើយ​នៅ​ល្ងាច​នេះ។ លោក​ឈី កុល​បុត្រា ដែលជា​ប្រធាន​រៀបចំ​ពិព័រណ៍​យន្តហោះ និង​បច្ចេកវិទ្យា​នេះ គឺជា​ភ្ញៀវ​របស់​យើង​។ លោក​បាន​អះអាងថា ពិព័រណ៍​យន្តហោះ និង​បច្ចេកវិទ្យា​ជា​លើកដំបូង​នៅ​កម្ពុជា​ទទួលបាន​ការចាប់​អារម្មណ៍​ខ្លាំង​ពី​សំណាក់​ប្រជាពលរដ្ឋ ជាពិសេស​សិស្ស​និស្សិត​លើសពី​ការរំពឹងទុក​របស់​ក្រុមការងារ​រៀបចំ​ពិព័រណ៍​ទៅទៀត។

មជ្ឈមណ្ឌល​សម្ព័ន្ធ​ភាព​ការ​ងារ​ និង​សិទ្ធិ​មនុស្ស ​ហៅកាត់​ថា​ សង់​ត្រាល់​ បាន​រក​ឃើញ​ថា​ កម្មករ​កាត់​ដេរ​នៅ​កម្ពុជា​ កំពុង​ទទួល​រង​សម្ពាធ​ថ្មី​មួយ​ទៀត​នៅ​ពេល​ពួកគេ​ទទួល​បាន​ប្រាក់​ឈ្នួល​កើន​ឡើង​។​ បើ​តាម​លោក​ មឿន ​តុលា ​នាយក​ប្រតិបត្តិ​ មជ្ឈមណ្ឌល​សម្ព័ន្ធ​ភាព​ការ​ងារ​ និងសិទ្ធិ​មនុស្ស ​សម្ពាធ​នោះ ​គឺ​កម្មករ​ត្រូវ​បាន​និយោជក​បន្ថែម​បរិមាណ​ការងារ​ និង​បន្ថយ​តម្លៃ​នៃ បរិមាណ​ផលិផល​នីមួយៗ​ ឬ​«ដេរស៊ីបុង»។

ថ្ងៃ​សុក្រ​នេះ​គឺ​ជា​ថ្ងៃ​ទី១​នៃ​ពិធី​បុណ្យ​សមុទ្រ​ដែល​កំពុង​ធ្វើ​ឡើង​រយៈ​ពេល​បី​ថ្ងៃ​នៅ​ក្នុង​ខេត្ត​កោះកុង​។ លោក វ៉ាត់ ចំរើន អនុ​រដ្ឋ​លេខា​ធិការ​ក្រសួង​ទេសចរណ៍ និង​ជា​សមាជិក​គណៈកម្មការ​រៀប​ចំ​ពិធី​បុណ្យ​សមុទ្រ​នេះ គឺ​ជា​ភ្ញៀវ​របស់​យើង​នៅ​រាត្រី​នេះ​។ លោក​វ៉ាត់ ចំរើនថា បុណ្យ​សមុទ្រ​ឆ្នាំ​នេះ មាន​លក្ខណៈ​ពិសេស និង​ប្លែក​ជាង​ឆ្នាំ​មុន​។ ប៉ុន្តែ​លោក​ក៏​បាន​លើក​ឡើង​ដែរ​ថា នៅ​ខេត្ត​កោះកុង នៅ​មាន​កង្វះ​ខាត​ច្រើន​កន្លែង​ស្នាក់​នៅ​។

រហូត​មក​ទល់​ពេល​នេះ គឺមាន​តែ​មន្ដ្រី​ជាន់​ខ្ពស់​អតីត​គណបក្ស​សង្គ្រោះជាតិ​ លោក គង់ គាំ តែ​ម្នាក់​គត់ ដែល​ប្រកាស​ច្បាស់​ថា លោក​នឹង​ធ្វើ​សំណើ​សុំ​ចូល​ធ្វើ​នយោបាយ​ឡើង​វិញ នៅ​ពេល​វិសោធនកម្ម​ច្បាប់​ស្ដី​ពី​គណបក្ស​នយោបាយ​ចូល​ជា​ធរមាន​។ ​លោក គង់ គាំ ប្រកាស​ដូច្នេះ ធ្វើ​ឡើង​បើ​ទោះ​បី​ជា​លោក សម រង្ស៊ី បរិហារ​អ្នក​ដាក់​សំណើ​ធ្វើ​នយោបាយ​ឡើង​វិញ​ថា ជា​ជន​ក្បត់​បក្ស​ក៏​ដោយ​។ នៅ​ក្នុង​បទ​សម្ភាស​ជាមួយ​វិទ្យុ​បារាំង​អន្ដរជាតិ លោក គង់ គាំ គូស​បញ្ជាក់​ថា បើ​សិន​លោក​មាន​ភ័ព្វ​សំណាង​បាន​ចូល​ធ្វើ​នយោបាយ​វិញ លោកនឹង​ទៅ​ឈរ​ជា​ទី​ប្រឹក្សា​នៃ​គណបក្ស​ឆន្ទៈ​ខ្មែរ ដែល​មាន​កូន​ប្រុស​លោក គឺ​លោក គង់ មុនីកា ជា​ប្រធាន​ ព្រោះ​លោក​លែង​មាន​ជំនឿ​ថា​គណបក្ស​សង្គ្រោះ​ជាតិ​អាច​រស់​ឡើង​វិញ​ហើយ​។

មេ​ដឹក​នាំ​សហជីព​៣រូប ក្នុង​ចំណោម​៦រូប ដែល​សាលា​ដំបូង​ក្រុង​ភ្នំពេញ​កាត់​ឲ្យ​ជាប់​ទោស​ម្នាក់​ៗ​១ឆ្នាំ​កន្លះ ហើយ​ទោស​នេះ​ព្យួរ​ទាំង​អស់ នៅ​ក្នុង​សំណុំ​រឿង​បាតុកម្ម​នៅ​ផ្លូវ​វ៉េង​ស្រេង ត្រូវ​បាន​លោក​នាយក​រដ្ឋមន្ត្រី ហ៊ុន សែន លើក​យក​មក​អះអាង​ថា ពួក​គេ​មាន​សាក្សី​ច្បាស់​លាស់​ថា​មិន​ស្ថិត​នៅ​កន្លែង​កើត​ហេតុ​នោះ​ទេ​។ លោក អាត់ ធន់ ប្រធាន​សហ​ភាព​ការងារ​កម្ពុជា​ថ្លែង​ថា លោក​ទទួល​យក​នូវ​ជំនួយ​សាក្សី​នេះ ហើយ​សង្ឃឹម​ថា​សាលា​ឧទ្ធរណ៍​នឹង​ពិចារណា​ឡើង​វិញ​នូវ​ការ​សម្រេច​សាលា​ដំបូង​រាជធានី​ភ្នំពេញ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​នៅ​ពេល​នេះ​ គឺ​លោក ​សម ​រង្ស៊ី ​។​ លោក ​សម ​រង្ស៊ី ​ដែល​បាន​ប្រកាស​ទុក​ជា​មុន​ថា​លោក​មិន​ត្រូវ​ការ​ឲ្យ​លោក​នាយករដ្ឋ​មន្រ្តី​ ហ៊ុន​ សែន​ បើក​ផ្លូវ​ឲ្យ​ពួក​លោក​ធ្វើ​នយោបាយ​ឡើង​វិញ​នោះទេ​ បន្ទាប់ពី​វិសោធនកម្ម​ច្បាប់​ស្តីពី ​គណបក្ស​នយោបាយ​រួច​នៅ​ពេល​ខាង​មុខ​នេះ​​។​ ជា​មួយ​គ្នា​នោះ ​លោក​ សម​ រង្ស៊ី ​បានព្រមានថា ​បើ​មន្រ្តី​គណបក្សសង្រ្គោះជាតិ​ណា​ព្រម​ទទួល​យក​ការ​ដក​បំរាម​នេះ​ ពី​លោក​ ហ៊ុន​ សែន​ ​គឺ​ជា​អ្នក​ក្បត់​នឹង​គណបក្ស​សង្រ្គោះជាតិ​ហើយ​។​ សូមស្តាប់​បទសម្ភាស រវាង អ៊ឹង ប៊ុនថន និង​លោក សម រង្ស៊ី។

យ៉ាងហោច​ណាស់​មនុស្ស​ជាង​១២​ម៉ឺន​នាក់​បាន​ចូល​រួម​ពិព័រណ៍​សៀវភៅ​លើក​ទី៧ គិត​ត្រឹម​ល្ងាច​ថ្ងៃអាទិត្យ​នេះ ខណៈ​សៀវភៅ​យ៉ាង​តិច​១២​ម៉ឺន​ក្បាល​លក់​ចេញ ក្នុង​រយៈ​ពេល​៣​ថ្ងៃ​នៃ​ពិព័រណ៍សៀ​ភៅ។ នេះបើតាម លោក ហុក សុទ្ធិ ប្រធាន​សមាគម​បណ្ណា​រក្ស និង​ឯក​សារ​វិទូ និងជា​នាយក​អង្គការ​ Sipar។ លោក ហុក សុទ្ធិ បាន​កត់​សម្គាល់​ថា ការ​កើន​ឡើង​នៃ​កំណើន​អ្នក​ចូល​រួម​លើស​ការ​រំពឹង​ទុក​បែប​នេះ ក៏​បាន​ជំរុញ​ឲ្យ​អ្នកនិពន្ធ​រីក​មុខ​រីក​មាត់​ដោយ​សារ​តែ​ការ​លក់​សៀវភៅ​ដាច់​ផង​ដែរ។ តាម​រយៈ​កំណើន​អ្នក​ទិញ​និងអ្នក​ចូល​រួម លោក ហុក សុទ្ធិ ក៏​បាន​អំពាវនាវ​ឲ្យ​អ្នក​និពន្ធ​ពង្រឹង​គុណភាព​នៃ​ទឹក​ដៃ​ផង​ដែរ។

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​លោក​ជិន ម៉ា​លីន ដែលជា​អ្នកនាំពាក្យ​ក្រសួងយុត្តិធម៌​កម្ពុជា។ ឆ្លើយតប​នឹង​សំណួរ​របស់​វណ្ណ សុគន្ធា លោក​ជិន ម៉ា​លីន បាន​អះអាងថា នៅពេលនេះ ក្រសួងយុត្តិធម៌​កំពុងតែបន្ត​ដំណើរការ​កែទម្រង់​ប្រព័ន្ធយុត្តិធម៌​នៅ​កម្ពុជា។ លោក​បន្តថា ដោយសារតែ​ការកែទម្រង់​នេះហើយ ធ្វើ​ឲ្យ​ការផ្តល់​យុត្តិធម៌​ដល់​ប្រជាពលរដ្ឋនៅក្នុង​ឆ្នាំ២០១៨នេះ មាន​លក្ខណៈ​ល្អប្រសើរ​ជាង​មុន។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក ស ម៉ូ​រី អនុប្រធាន សមាគម​​បណ្តាញ​​យុវជន​​កម្ពុជា។ លោក ស ម៉ូ​រី បានបង្ហាញ​ការសោកស្តាយ បន្ទាប់ពី​អាជ្ញាធរ​ក្រុងភ្នំពេញ មិន​អនុញ្ញាត​ឲ្យ​សមាគម និង​អង្គការក្រៅរដ្ឋាភិបាល ហែ​ក្បួន​នៅ​សួនច្បារ​ក្រុមប្រឹក្សា​អភិវឌ្ឍន៍​កម្ពុជា ដើម្បី​អបអរសាទរ​ទិវា​សិទ្ធិមនុស្ស​អន្តរជាតិ ១០ ធ្នូ ឆ្នាំ ២០១៨ ដោយ​បង្វែ​ឲ្យ​ធ្វើការ​ជួបជុំ​សម្តែង​មតិ​នៅ​ទីលាន​ប្រជាធិបតេយ្យ​ថ្មី​តែម្តង។ លោក ស ម៉ូ​រី បានចាត់ទុក​សេចក្តីសម្រេច​នៅ​ថ្ងៃទី ០៧ ធ្នូ នេះ​ថា គឺជា​ការអនុវត្ត​ផ្ទុយ​ពី​សេចក្តីណែនាំ​របស់​ក្រសួងមហាផ្ទៃ កាលពីពេលថ្មីៗនេះ។