អតីត​​ប្រធាន​​គណបក្ស​​សង្គ្រោះ​ជាតិ ​​និង​​ជា​​ស្ថាបនិក​​ចលនា​​សង្គ្រោះ​ជាតិ​​លោក​សម រង្ស៊ី​ថ្លែង​ប្រាប់​វិទ្យុ​បារាំង​ RFI​ នៅ​ថ្ងៃ​នេះ​ថា ​លោក​មិន​បដិសេធ​នូវ​ឃ្លី​ប​វីដេអូ​ដែល​ត្រូវ​បាន​ផ្សព្វផ្សាយ​ ដោយ​ប្រព័ន្ធ​ផ្សព្វផ្សាយ​នានា ​ក្នុង​ប្រទេស​កម្ពុជា​និង​តាម​ហ្វេ​ស​ប៊ុ​ក ​ក៏​ប៉ុន្តែ​លោក​ថា​អ្នក​បកស្រាយ​គឺ​ធ្វើ​ឡើង​ខុស​ពី​ការ​ពិត​។ ​ប្រតិកម្ម​របស់​លោក​ស​ម រង្ស៊ី ​ដូច្នេះ ​បាន​ធ្វើឡើង​បន្ទាប់​ពី ​មាន​ការ​ចេញ​ផ្សាយ​តាម​បណ្តាញ​ព័ត៌មាន​ស្និទ្ធ​រដ្ឋាភិបាល​ថា ​លោក​បាន​​និយាយ​​ពី​ការ​កាត់​ខេត្ត​ខ្មែរ​ចំនួន​៤ ​ឲ្យ​ទៅ​ក្រុម​ជនជាតិ​ដើម​ភាគតិច​ម៉ុង​តា​ញ៉ា​វៀតណាម​នៅ​ពេល​គណបក្ស​​សង្គ្រោះ​​ជាតិ​​​​ដឹកនាំ​រដ្ឋាភិបាល​។ ការ​​លើក​ឡើង​​​នេះ​ គឺ​​ខណៈ​​​លោក​​សម រង្ស៊ី ​​​​បាន​​ជួប​​​ប្រជុំ​​ជាមួយ​​មេ​ដឹកនាំ​ Degar​ នៅ​សហរដ្ឋ​អាមេរិក​កាល​ពី​​ឆ្នាំ​​២០១៣​។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក ម៉ម សុ​ណង់​ដូ បេក្ខភាព​ប្រធាន​គណបក្ស​សំបុក​ឃ្មុំ​សង្គម​ប្រជាធិបតេយ្យ។ ឆ្លើយតប​នឹង​សំណួរ​ជុំវិញ ការវិល​ត្រលប់​មកកាន់​ឆាកនយោបាយ​កម្ពុជា​ជាថ្មី​វិញ លោក ម៉ម សូណង់ដូ បាន​អះអាងថា វត្តមាន​របស់លោក គឺ​ដើម្បី​មកជួយ​លើក​ទង់ជ័យ​អ្នកប្រជាធិបតេយ្យ​ឡើងវិញ បន្ទាប់ពី​គណបក្សប្រឆាំង​ធំជាងគេ​នៅ​កម្ពុជា ត្រូវបាន​រំលាយ ដែល​លោក ម៉ម សូណង់ដូ បាន​ហៅថា ជា​ខ្មោច​ដែល​មិនអាច​រស់​ឡើងវិញ​បាន។ សូមបញ្ជាក់ថា បើ​គ្មាន​ការប្រែប្រួល​ទេ លោក ម៉ម សូណង់ដូ នឹង​ក្លាយជា​ប្រធាន​គណបក្ស​សំបុក​ឃ្មុំ​សង្គម​ប្រជាធិបតេយ្យ​ជាថ្មី នៅ​ថ្ងៃទី ១១ ខែមីនា​ខាងមុខនេះ ពោលគឺ នៅ៦ខែក្រោយ​ពី​ការលាឈប់​របស់លោក ដោយសារតែ​មិន​ទទួលបាន​លទ្ធផល​ល្អ ដូច​ការរំពឹងទុក នៅក្នុង​ការបោះឆ្នោត ឃុំ-សង្កាត់ កាលពី​ខែមិថុនា ឆ្នាំមុន។

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​លោកស្រី​អ៊ុក ឆាយ៉ា​វី។ លោកស្រី​អ៊ុក ឆាយ៉ា​វី ដែលជា​ប្រធាន​សមាគម​គ្រូបង្រៀន​កម្ពុជា​ឯករាជ្យ កំពុងតែ​ជួយ​ស្វះ​ស្វែងរក​ការអន្តរាគមន៍​ពី​លោកនាយក​រដ្ឋមន្ត្រី​ហ៊ុន សែន ដើម្បី​ជួយ​ឲ្យ​គ្រូបង្រៀន​ចំនួន១៣រូប​បាន​ចូល​ក្របខណ្ឌ​ក្រសួង​អប់រំ​វិញ បន្ទាប់ពី​ក្រសួង​នេះ​បញ្ឈប់​ពួកគេ​កាលពីដើមឆ្នាំ២០១៨នេះ។ ឆ្លើយតប​នឹង​សំណួរ​របស់​វណ្ណ សុគន្ធា លោកស្រី​អ៊ុក ឆាយ៉ា​វី អះអាងថា ក្រសួង​អប់រំ​បញ្ឈប់​គ្រូបង្រៀន​ទាំងនេះ គឺ​ក្នុង​ហេតុផល​នយោបាយ ជាជាង​កំហុស​ក្នុង​វិជ្ជាជីវៈ​ជា​គ្រូបង្រៀន​របស់​ពួកគេ។

ភ្ញៀវ​​ប្រចាំថ្ងៃ​​របស់​​វិទ្យុ​បារាំង​​អន្តរជាតិ ​RFI ​នៅ​​រាត្រី​​នេះ ​គឺ​​លោក ​ឌឹ​ម សុ​វណ្ណា​រុំ ​អ្នក​នាំ​​ពាក្យ​​​គណៈកម្មាធិការ​​ជាតិ​​រៀប​ចំ​​ការ​បោះឆ្នោត​​ហៅ​​កាត់​​ថា ​គជប​។ ​កម្ពុជា ​នឹង​​បញ្ជូន​​គណៈប្រតិភូ​​មួយ​ក្រុម ​ដោយ​មាន​​ការ​ចូលរួម​​ពី​​រដ្ឋលេខាធិការ​​ក្រសួង​ការបរទេស ​និង​​តំណាង​​​​គណៈ​កម្មាធិការ​​​ជាតិ​​​រៀបចំ​​ការ​បោះ​ឆ្នោត​ ដើម្បី​​​ចូលរួម​​​កិច្ច​ប្រជុំ​​គណៈ​កម្មាធិ​ការ​​​កម្ពុជា​​​និង​​​សហភាព​​អ៊ឺរ៉ុប ​​ដែល​​ធ្វើ​ឡើង​​នៅ​ឯ​​ទីក្រុង​​ប្រ៊ុ​ច​ហ្សែ​ល​ (Bruxelles) ​ប្រទេស​​ប៊ែ​ល​ស៊ិ​ក​ ចាប់ពី​​ថ្ងៃទី ​១២ ​ដល់​​ថ្ងៃទី ​១៤ ​ខែមីនា​​ខាង​មុខ​នេះ​។ ​ឆ្លៀត​​ក្នុង​​ឳ​កាស​​នោះ ​តំណាង​​​​ភាគី​​​​កម្ពុជា ​នឹង​​​ធ្វើ​សេចក្តី​ពន្យល់​មួយ​​ក្នុង​គោលបំណង​ដើម្បី​បញ្ចុះ​បញ្ចូល​​ឲ្យ​​តំណាង​​​សហភាព​​អឺរ៉ុប ​ងាក​​មក​ជួយ​​លើ​​ដំណើរ​​ការ​​​បោះឆ្នោត​​នៅ​​កម្ពុជា​​ឡើង​វិញ ​ខណៈ​ដែល ​​ភាគី​​កម្ពុជា ​ក៏​នឹង​មាន​​ការ​​ចុះហត្ថលេខា​​​លើ​​​អនុស្សារណៈ​យោគយល់​គ្នា​ (MOU) ​ជា​​មួយ​​​ប្រទេស​​រុស្ស៊ីផង​ ដើម្បី​​ផ្លាស់​ប្តូរ​បទពិសោធន៍​គ្នា​​លើ​​​ការ​​រៀបចំ​​ការ​បោះឆ្នោត​រ​វាង​ប្រទេស​​​ទាំង​ពីរ​។

ក្រសួង​សង្គមកិច្ច អតីយុទ្ធជន និង​យុវនីតិសម្បទា​បាន​ជូន​ដំណឹង​ទៅ​អាជ្ញាធរ​រួម​គ្នា​ទប់​ស្កាត់​សកម្មភាព​រៃ​អង្គាស​ប្រាក់​នៅ​តាម​ទី​សាធារណៈ។ សកម្មភាព​រៃ​អង្គាស​ប្រាក់​នេះ​ត្រូវ​បាន​ក្រសួង​ច្រាន​ចោល​ថា មិន​មែន​ជា​សកម្មភាព​សប្បុរសធម៌​ឡើយ។ តែ​ផ្ទុយ​ទៅ​វិញ​នេះ គ្រាន់​តែ​ប្រយោជន៍​បុគ្គល​តែ​ប៉ុណ្ណោះ។ លោកតូច ចាន់នី អ្នក​នាំ​ពាក្យ​ក្រសួង​សង្គម​កិច្ច លើកឡើងថា បើ​មិន​ប្រញាប់​ទប់​ស្កាត់​សកម្មភាព​រៃ​អង្គាស​ប្រាក់​ទេ​រូប​ភាពនេះ​នឹង​រីក​កាន់​តែ​ធំ។

នៅ​សប្តាហ៍​ក្រោយ​ក្រុម​សាស្ត្រាចារ្យ​និង​អ្នក​ស្រាវជ្រាវ​ផ្នែក​មនុស្សសាស្ត្រ-សង្គម​សាស្ត្រ​ ក្រោម​គំរោង​របស់​សហភាព​អឺរ៉ុប​រយៈពេល​៣ឆ្នាំ ...

ស្ថាបនិក​គណបក្ស​ កែម​ ឡី ​បាន​ដាក់​ពាក្យ​ជា​ផ្លូវ​ការ​ទៅ​ក្រសួង​មហាផ្ទៃ​នៅព្រឹកនេះ​ ដើម្បី​សុំ​​ចុះ​​ឈ្មោះ​​គណបក្ស​ថ្មី​នេះជា​ផ្លូវការ​។ ​នៅក្នុងនាទី​ភ្ញៀវ​ប្រចាំ​ថ្ងៃ​របស់​​វិទ្យុ​បារាំង​​រាត្រី​នេះ ...

នៅ​ថ្ងៃ​នេះ មាន​ការ​ប្រជុំ​ជជែក​គ្នា​មួយ ដែល​រៀប​ចំ​ដោយ​មាន​ការ​ចូល​រួម​ពី​អ្នក​បញ្ជា​ទិញ​ចំនួន ៧ ពីសហជីព​ជាង ១០​សំខាន់​ៗ​ក្នុង​វិស័យ​កាត់ដេរ សហជីព​អន្តរជាតិ អង្គការ​អន្តរជាតិ​ខាង​ការងារ ILO រួមទាំង​តំណាង​រោងចក្រ​កាត់​ដេរ​នៅ​កម្ពុជា។ កិច្ច​ប្រជុំ បាន​ផ្តោត​សំខាន់​លើ​ការ​រក​លទ្ធភាព​ដើម្បី​តម្លើង​ប្រាក់​ឈ្មួល ដល់​កម្មករនិយោជិត ក្នុងវិស័យ​កាត់ដេរ ឲ្យ​មាន​ជីវភាពរស់នៅសមរម្យ។ លោក អាត់ ធន់ ប្រធាន​សម្ព័ន្ធ​សហជីព​ប្រជាធិបតេយ្យ​កម្មករ​កាត់ដេរ​កម្ពុជា (ស៊ីខៅឌូ) បាន​បញ្ជាក់​ក្នុងនាទីភ្ញៀវប្រចាំថ្ងៃឆ្លើយ​តប​នឹងសំណួរ​របស់ ​សួង សុខភារី ថា​កិច្ច​ពិភាក្សានេះ មាន​សារៈសំខាន់ច្រើន​ណាស់​សម្រាប់វិស័យ​រោងចក្រនៅកម្ពុជា ដូចជាអាចបង្កើន​តំលៃ​ទិញ និង​ធ្វើ​ឲ្យ​ការបញ្ហាទិញ​ផលិត​ផល​ក្នុង​វិស័យកាត់ដេរនៅកម្ពុជា មានផែន​ការ​ច្បាស់លាស់។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក សម រង្ស៊ី អតីត​ប្រធាន​គណបក្ស​សង្គ្រោះ​ជាតិ។ ឆ្លើយតប​នឹង​សំណួរ​របស់​វិទ្យុ​បារាំង​អន្តរជាតិ RFI ទាក់ទង​នឹង​សេចក្តីសម្រេច​របស់​តុលាការក្រុង​ភ្នំពេញ រឹបអូស​ជា​បណ្តោះអាសន្ន​នូវ​ទ្រព្យសម្បត្តិ​ដែលជា​អតីត​ទីស្នាក់ការ​គណបក្ស​សង្គ្រោះ​ជាតិ កាលពី​ថ្ងៃទី ២៦ កុម្ភៈ លោក សម រង្ស៊ី បាន​ថ្លែងថា លោក​មិន​តក់ស្លុត និង​មិន​ភ្ញាក់ផ្អើល​ចំពោះ​សេចក្តីសម្រេច​នោះឡើយ។ ទាក់ទង​នឹង​ទណ្ឌកម្ម​ដែល​កំពុង​ធ្លាក់​មកជា​បន្ត​បន្ទាប់ពី​សហគមន៍​អន្តរជាតិ ទៅលើ​រដ្ឋាភិបាល​ទីក្រុង​ភ្នំពេញ​វិញ លោក សម រង្ស៊ី បាន​អំពាវនាវ​ឲ្យ​មានការ​ចរចារ​ជាមួយ​រដ្ឋាភិបាល​ទីក្រុង​ភ្នំពេញ​មុនពេល​ទណ្ឌកម្ម​មកដល់ ហើយ​ប្រទេស​ជប៉ុន អាចមាន​តួនាទី​មួយ​ដ៏​សំខាន់ ក្នុងការ​ផ្តួចផ្តើម ឬ​ធានា​ឲ្យ​មានការ​ចរចារ​នោះ។

ចាប់​ពី​ថ្ងៃ​ទី ៥ ដល់​ថ្ងៃ​ទី ១១​ខែ​មិនា សប្តាហ៍​ក្រោយ គ្រប់​រោង​ភាព​យន្ត​ទាំង​អស់​ក្នុង​រាជធានី​ភ្នំពេញ និង​នៅ​ទី​វាល​កោះ​ពេជ្រ នឹង​មាន​រៀបចំ​មហោស្រព​ភាពយន្ត​អន្តរជាតិ​កម្ពុជា​លើក​ទី ៨​។ ជា​មហោស្រពភាព​យន្ត​អន្តរជាតិ​កម្ពុជា​ ដែល​ក្នុង​ឆ្នាំ​នេះ នឹង​មាន​កញ្ញា Élodie Yung តារា​សម្តែង​កូន​ខ្មែរ​កាត់ បារាំង ដែល​លោក​អ្នក​ប្រហែល​ជា​ធ្លាប់​ស្គាល់​តាមរយៈ​រឿង​កុន​ហូលីវូត​មួយ​ចំនួន​ ដូច​ជា Gods of Egypt ជាប្រធាន​កិត្តិយស ថ្លែង​សារ​បើក​កម្មវិធី​មហោស្រព​នេះ​។ តាម​ដាន​ទំព័រ​ហ្វេស​ប៊ុក​សម្រាប់​ព័ត៌មាន​បន្ថែម​ពី​មហោ​ស្រព​ភាព​យន្ត​អន្តរ​ជាតិ​កម្ពុជា​៖ https://goo.gl/1CrwVp