ការ​​បោះឆ្នោត​​​អសកល​ជ្រើសតាំង​សមាជិក​ព្រឹទ្ធសភា​នីតិ​កាលទី៤​ ​បាន​បិទ​បញ្ចប់​ហើយ​​នៅ​ថ្ងៃអាទិត្យនេះ​ ហើយ​​លទ្ធផល​​ផ្លូវ​ការ​​នឹង​​ប្រកាស​នៅដើម​​ខែ​​ក្រោយ​។ ...

នៅ​ព្រឹក​មិញ​នេះ គណបក្ស​ប្រជាធិបតេយ្យ​មូលដ្ឋាន បាន​បើក​សមាជ​មួយ​ដើម្បី​បោះឆ្នោត​ជ្រើសតាំង​លំដាប់​លេខ​រៀង​បេក្ខជន​តំណាងរាស្ត្រ​សម្រាប់​មណ្ឌល​ភ្នំពេញ។ ដូច្នេះ លោក​បណ្ឌិត​សាម អ៊ី​ន អគ្គលេខាធិការ​នៃ​គណបក្ស​ប្រជាធិបតេយ្យ​មូលដ្ឋាន គឺជា​ភ្ញៀ​វ​របស់​យើង​នៅ​រាត្រី​នេះ។ ក្នុង​បទ​សម្ភាស​ជាមួយ​វណ្ណ សុគន្ធា លោក​បណ្ឌិត​សាម អ៊ី​ន អះអាងថា ការរៀបចំ​ឲ្យ​មានការ​បោះឆ្នោត​​បែប​នេះ គឺ​ធ្វើ​ឲ្យ​មាន​លក្ខណៈ​ប្រជាធិបតេយ្យ​ក្នុង​ជួរ​បក្ស។ ដោយឡែក ទាក់ទង​នឹង​ការប្រកាស​បង្កើត​បក្ស​ថ្មី​របស់​ប្អូនប្រុស​សព​លោក​បណ្ឌិត​កែម ឡី​វិញ លោក​បណ្ឌិត​សាម អ៊ី​ន បាន​សម្តែង​ការស្វាគមន៍ បើទោះបី​បក្ស​ប្រជាធិបតេយ្យ​មូលដ្ឋាន​បានចាត់ទុក​លោក​បណ្ឌិត​កែម ឡី ជា​និមិត្តរូប​របស់ខ្លួន​ក៏ដោយ។

ពលរដ្ឋ​ខ្មែរ​-​អូស្ត្រាលី​ រាប់​រយ​​នាក់​​នឹង​​មក​ជួប​​ជុំ​គ្នា​នៅ​​​វត្ត​មួយ​​ក្នុង​​​ទី​​ក្រុង​​ម៉ែលប៊ន​ ប្រទេស​អូស្ត្រាលី​ នៅថ្ងៃ​សៅរ៍​ស្អែក​​។ ​នេះ​គឺ​ជា​ការ​​​ស្វាគមន៍​ ...

នៅ​រសៀល​ថ្ងៃ​ទី ២២​កុម្ភៈ​នេះ ក្រសួង​ការបរទេស​កម្ពុជា បាន​បើក​សម្ពោធ​អគារ​វិទ្យាស្ថាន​ជាតិ​ការ​ទូត និង​ទំនាក់ទំនង​អន្តរជាតិ​ជា​លើក​ដំបូង នៅ​ក្នុង​បរិវេណ​ក្រសួង​ការបរទេស​ផ្ទាល់​តែ​ម្តង​។ ដូច្នេះ​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ នៅ​រាត្រី​នេះ គឺ​លោក ឈីវ យី​ស៊ាង អនុរដ្ឋ​លេខាធិការ​ក្រសួង​ការបរទេស​កម្ពុជា និង​ជា​នាយក​គ្រប់គ្រង​វិទ្យាស្ថាន​ជាតិ​ការ​ទូត និង​ទំនាក់ទំនង​អន្តរជាតិ​នេះ​។ លោក​ឈីវ យី​ស៊ាង បាន​លើក​ឡើង​ថា វិទ្យាស្ថាន​នេះ នឹង​ជា​ចំណែក​ក្នុង​ការ​លើក​ស្ទួយ​ចំណេះដឹង​ពី​ការ​ទូត​ដល់​មន្ត្រី​ការ​ទូត​គ្រប់​រូប​របស់​កម្ពុជា បន្ថែម​ទៀត​។ តាម​លោក ឈីវ យីស៊ាង ទំនាក់​ទំនង​ការ​បរទេស គ្មាន​ទេមនោសញ្ចេតនា មាន​តែ​ផល​ប្រយោជន៍​។

ភ្ញៀវប្រចាំថ្ងៃ​របស់​វិទ្យុបារាំង​អន្តរជាតិ​នៅ​រាត្រី​នេះ គឺ​លោក ណុប វី នាយក​មជ្ឈមណ្ឌល​កម្ពុជា​ដើម្បី​ប្រព័ន្ធ​ផ្សព្វផ្សាយ​ឯករាជ្យ CCIM។ ឆ្លើយ​នឹង​សំនួរ​របស់​វិទ្យុបារាំង​អន្តរជាតិ​លោក ណុប វី ថា​CCIM ...

នៅ​ព្រឹក​មិញ​នេះ វិទ្យាស្ថាន​ភាសា​ជាតិ​នៃ​រាជ​បណ្ឌិត្យ​សភា​កម្ពុជា​ទើប​បាន​ចេញ​ផ្សាយ​នូវ​វចនានុក្រម​ថ្មី​មួយ​ឈ្មោះ​ថា​វចនានុក្រម​អក្ខរាវិរុទ្ធ​នៃ​ភាសាខ្មែរ។ ដូច្នេះ​នៅ​រាត្រី​នេះ​ភ្ញៀវ​ប្រចាំ​ថ្ងៃ​របស់​យើង គឺ​លោក​បណ្ឌិត​ជួរ គារី ប្រធាន​វិទ្យាស្ថាន​ភាសា​ជាតិ​នៃ​រាជ​បណ្ឌិត្យ​សភា​កម្ពុជា។ លោក​បណ្ឌិត​ជួរ គារី បាន​អះអាង​ថា​លក្ខណៈ​ពិសេស​នៃ​វចនានុក្រម​ថ្មី​នេះ គឺ​មាន​បន្ថែម​នូវ​ពាក្យ​ថ្មីៗ​ដែល​វចនានុក្រម​សម្តេច​ជួនណាត​មិន​មាន ហើយ​វចនានុក្រម​នេះ​ទៀត​សោត​ក៏​គ្មាន​ការ​ពន្យល់​ន័យ​នៃ​ពាក្យ​បាន​ក្បោះ​ក្បាយ​ដូច​វចនានុក្រម​សម្តេច​ជួនណាត​ដែរ។

កាល​ពី​សប្តាហ៍​មុន កង​កម្លាំង​អាវុធ​ហត្ថ​លើ​ផ្ទៃ​ប្រទេស បាន​បើក​ប្រតិបត្តិ​ការ​បង្ក្រាប​បាន​ក្រុម​ចាប់​ជំរិត​តាម​ប្រព័ន្ធ Internet នៅ​ក្នុង​រាជធានី​ភ្នំពេញ និង​ខេត្ត​ព្រះសីហនុ។ ហើយ​នៅ​ព្រឹ​ក​នេះ អាជ្ញាធរ​មាន​សមត្ថកិច្ច បាន​បញ្ជូន​ខ្លួន​ពួក​គេ​ទាំង​នោះ ទៅ​កាន់​តុលាការ ដើម្បី​សម្រេច​កាត់​ក្តី​បន្ត ខណៈ​ពួក​គេ​ទាំង​នោះ​សុទ្ធ​តែ​ជា​ជន​ជាតិ​ចិន និង​ថៃ។ ដូច្នេះ ភ្ញៀវ​ប្រចាំ​ថ្ងៃ របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក​ឧត្តម​សេនីយ ​ អេង ហ៊ី អ្នក​នាំ​ពាក្យ​កង​រាជ​អាវុធ​ហត្ថ​លើ​ផ្ទៃ​ប្រទេស។ លោក​ឧត្តម​សេនីយ៍ នឹង​ចូល​ខ្លួន​មក​ពន្យល់​ពី​របៀប​ឆបោក​តាម​ប្រព័ន្ធ Internet ដែល​កម្លាំង​អាវុធ​ហត្ថ​ចុះ​បង្ក្រាប​បាន​នា​ពេល​នេះ។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរ​ជាតិ​នៅ​រាត្រី​នេះ គឺ​លោក​ស្រី តាន់ សូដានី ប្រធាន​នាយកដ្ឋាន​គោលនយោបាយ បច្ចេកវិទ្យា​គមនាគមន៍ និង​ព័ត៌មាន។ នៅ​ថ្ងៃ​ទី៧ ខែមីនា ខាង​មុខ​នេះ ...

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក ហង្ស ពុទ្ធា អ្នកនាំពាក្យ​គណៈកម្មាធិការ​ជាតិ​រៀបចំ​ការបោះឆ្នោត ហៅ​កាត់​ថា គ.ជ.ប។ ឆ្លើយតប​នឹង​សំណួរ​របស់​វិទ្យុ​បារាំង​អន្តរជាតិ លោក ហង្ស ពុទ្ធា បាន​លើកឡើងថា ក្នុង​រយៈពេល៨ថ្ងៃ​នៃ​យុទ្ធនាការ​ឃោសនាបោះឆ្នោត​ជ្រើសរើស​ព្រឹទ្ធសភា គឺ​មានតែ​គណបក្ស​ប្រជាជន​កម្ពុជា​មួយគត់​ដែល​ធ្វើ​សកម្មភាព​ផុសផុល​នៅ​ទូទាំង៨ភូមិភាគ​ទូទាំងប្រទេស។ បន្ទាប់មក គឺ​គណបក្ស​យុវជន​កម្ពុជា។ ផ្ទុយទៅវិញ គណបក្ស​រាជានិយម​បងប្អូន​គូសត្រូវ​ពីរ​ទៀត គឺ​គណបក្ស​ហ្វ៊ុនស៊ិនប៉ិច និង​គណបក្ស​ខ្មែ​រួបរួម​ជាតិ មិន​បានធ្វើ​សកម្មភាព​ផុសផុល​នោះទេ។ សូមបញ្ជាក់ថា យុទ្ធនាការ​ឃោសនាបោះឆ្នោត​ជ្រើសរើស​សមាជិក​ព្រឹទ្ធសភា​នីតិកាល​ទី៤នឹងត្រូវ​បញ្ចប់​នៅ​ថ្ងៃទី ២៣ កុម្ភៈ។

ចាប់​តាំង​ពី​លោក​នាយក​រដ្ឋមន្រ្តី ហ៊ុន សែន ប្រកាស​ប្រើកណ្តាប់​ដៃ​ដែក បង្រ្កាប​លើ​រថយន្តកែឆ្នៃ​ខុស​បច្ចេកទេស និង​រថយន្ត​តទ្រុង​វែងៗ​ដឹក​ទំនិញ​លើស​ទំងន់​នោះ ...