ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI ​នា​រាត្រី​នេះ​ គឺ​លោក អេង ឆៃអ៊ាង អតីត​តំណាង​រាស្រ្ត​គណបក្ស​សង្រ្គោះ​ជាតិ និង​ជា​សហស្ថាបនិក​នៃ​ចលនា​សង្រ្គោះ​ជាតិ។ ទោះ​ជា​មាន​ក្រសួង​មហា​ផ្ទៃ បាន​ប្រកាស​ដាក់​ពាក្យ​ប្តឹង​មន្រ្តី​សំខាន់​៥​រូប នៃ​ចលនា​សង្រ្គោះ​ជាតិ លោក អេង ឆៃអ៊ាង សហស្ថាបនិក​នៃ​ចលនា​នេះ បាន​អះអាង​ថា ចលនា​សង្រ្គោះ​ជាតិ នឹង​នៅ​តែ​បន្ត​សកម្មភាព​ដោយ​អហិង្សា និង​ការ​តស៊ូ​មតិ​នៅ​បណ្តា​ប្រទេស​មហា​អំណាច​នានា។ ដោយ​បន្ថែម​ថា​ទៀត​ថា ចាប់​ពី​សប្តាហ៍​ក្រោយ​នេះ​ត​ទៅ ថ្នាក់​ដឹក​នាំ​ចលនា​សង្រ្គោះ​ជាតិ ក៏​នឹង​ចេញ​ជា​ផែនការ​បន្ត​បន្ទាប់​ទៀត ដើម្បី​ដាក់​សម្ពាធ​លើ​រដ្ឋាភិបាល​កម្ពុជា​ផង​ដែរ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​យុវជន សឿង ភារ៉ា តំណាង​យុវជន​ចលនា Go Go Cambodia ទទួល​បន្ទុក​កិច្ចការ​ស្រាវជ្រាវ​និង​ទំនាក់​ទំនង​សហគមន៍។ ចលនា Go Go Cambodia នៅ​ថ្ងៃ​ទី​១៤​កុម្ភៈ​នេះ បាន​ចាប់​ផ្ដើម​បើក​កម្មវិធី «បំបែក​ឯកទគ្គកម្ម​ក្រមា​វែង​ជាង​គេ​លើ​ពិភព​លោក» នៅ​ទីធ្លា​សួន​ច្បារ ​នៃ​វាល​ព្រះមេរុ។ ប៉ុន្តែ​ទន្ទឹម​នឹង​ការ​បើក​សម្ពោធ​កម្មវិធី​នេះ យុវជន​មួយ​ក្រុម​បាន​ចំណាយ​ពេល​ជិត​៤​ខែ ធ្វើ​ដំណើរ​ទៅ​កាន់​ខេត្ត​ចំនួន​៨ ដើម្បី​ធ្វើ​ការ​ស្រាវជ្រាវ​ពី​ក្រមា​ខ្មែរ។ បើ​តាម​ការ​រក​ឃើញ​របស់ យុវជន សឿង ភារ៉ា តំណាង​យុវជន​ចលនា Go Go Cambodia ទទួល​បន្ទុក​កិច្ចការ​ស្រាវជ្រាវ​និង​ទំនាក់​ទំនង​សហគមន៍​ថា សិប្បកម្ម​តម្បាញ​ក្រមា​ខ្មែរ​នៅ​ក្នុង​ខេត្ត​មួយ​ចំនួន កំពុង​ប្រឈម​នឹង​ការ​បាត់​បង់។ តើ​ហេតុអ្វី?

នៅ​ថ្ងៃ​នេះ សកម្មជន​ការពារ​បរិស្ថាន​ពីរ​រូប គឺ​លោក​ហ៊ុន​ វណ្ណ: និង​លោក​ឌឹម គុនឌី ត្រូវ​បាន​ដោះ​លែង​ឲ្យ​មាន​សេរីភាព​វិញ​ហើយ បន្ទាប់​ពី​ស្ថិត​ក្នុង​ពន្ធនាគារ​រយៈ​ពេល​៥​ខែ តាម​ការ​កំណត់​ទោស​របស់​តុលាការ​ខេត្ត​កោះកុង។ ដូច្នេះ​នៅ​រាត្រី​នេះ លោក​ឌឹម គុនឌី គឺ​ជា​ភ្ញៀវ​ប្រចាំ​ថ្ងៃ​របស់​យើង។ ឆ្លើយ​តប​នឹង​សំណួរ​របស់​វណ្ណ សុគន្ធា លោក​ឌឹម គុនឌី បាន​អះអាង​ថា​ ទោះ​បី​ជាប់​គុក​៥​ខែ​ក៏​ដោយ ប៉ុន្តែ​វា​មិន​អាច​ផ្តាច់​ឆន្ទៈ​របស់​លោក​ក្នុង​ការ​ការពារ​បរិស្ថាន​នោះ​ឡើយ។ លោក​ប្តេជ្ញា​ថា នឹង​នៅ​តែ​បន្ត​សកម្មភាព​បរិស្ថាន​ដូច​មុនៗ​ដដែល។

ភ្ញៀវ​ប្រចាំ​ថ្ងៃ របស់​វិទ្យុ​បារាំង​អន្តរជាតិ RFI សម្រាប់​រាត្រី​នេះ គឺ​លោក ខៀវ សាម៉េត អនុប្រធាន​សហព័ន្ធ​បាល់​ទាត់​កម្ពុជា។ ហើយ​បទ​សម្ភាសន៍​នៅ​រាត្រី​នេះ គឺ​ផ្តោត​លើ​ផ្លែ​ផ្កា​នៃ​កិច្ច​ប្រជុំ​កំពូល​ជា​លើក​ដំបូង​ ដែល​ដឹក​នាំ​ដោយ​ ​ប្រធាន​សហព័ន្ធ​កីឡា​បាល់​ទាត់​ពិភព​លោក (FIFA) កាល​ពី​សប្តាហ៍​មុន។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នៅ​រាត្រី​នេះ គឺ​លោក រស់ សាលីន អ្នក​នាំពាក្យ​ក្រសួង​អប់រំ យុវជន និង​កីឡា។ ឆ្លើយ​តប​នឹង​សំនួរ​របស់​វិទ្យុបារាំង​អន្តរជាតិ លោក រស់ សាលីន ឲ្យដឹង​ថា ...

ភ្ញៀវ​ប្រចាំ​ថ្ងៃ​របស់ វិទ្យុ​បារាំង​អន្តរជាតិ RFI ​នា​រាត្រី​នេះ គឺ​លោក​បណ្ឌិត​ សុខ ទូច ប្រធាន​រាជ​បណ្ឌិត្យ​សភា​កម្ពុជា។ នៅ​សប្តាហ៍​នេះ រាជ​បណ្ឌិត្យ​សភា​កម្ពុជា បាន​ប្រកាស​ផ្តល់​រង្វាន់​លើក​ទឹក​ចិត្ត ជា​ឋានន្តរស័ក្ត និង​ប្រាក់​ឧបត្ថម្ភ​ ឲ្យ​អ្នក​ស្រាវ​ជ្រាវ មិន​ថា នៅ​ក្នុង ឬ​ក្រៅ​ក្រប​ខ័ណ្ឌ​ រាជ​បណ្ឌិត្យ​សភា​កម្ពុជា ឲ្យ​តែ​ស្រាវជ្រាវ​រក​ឃើញ​អ្វី​ដែល​ថ្មី និង​មាន​ផល​ប្រយោជន៍​ដល់​ប្រជាពលរដ្ឋ និង​ប្រទេស​កម្ពុជា។ តាម​រយៈ​ការ​ប្រកាស​ឲ្យ​មាន​ការ​ប្រកួត​ប្រជែង​នេះ លោក​បណ្ឌិត សុខ ទូច រំពឹង​ថា នឹង​ផ្តល់​ឱកាស​ឲ្យ​បញ្ញាវ័ន្ត​កម្ពុជា អាច​បង្ហាញ​ស្នាដៃ​ដែល​ខ្លួន​មាន ហើយ​យក​ស្នាដៃ​ទាំង​នោះ ដើម្បី​រួម​ចំណែក​អភិវឌ្ឍន៍​ប្រទេស​កម្ពុជា​។

ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ គឺ​លោក​បណ្ឌិត​ជា មុនីឫទ្ធី ប្រធាន​សមាគម​អ្នក​ស្រាវជ្រាវ​វឌ្ឍនភាព​កម្ពុជា-ចិន។ ជុំវិញ​លំហូរ​ប្រជាជន​ចិន​មក​កាន់​ប្រទេស​កម្ពុជា​ចេះ​តែ​មាន​ភាព​ច្រើន​ឡើងៗ​នា​ពេល​បច្ចុប្បន្ន​នេះ លោក​បណ្ឌិត​ជា មុនីឫទ្ធី បាន​លើក​ឡើង​ថា មិន​ជា​បញ្ហា​អ្វី​ទេ។ លោក​ថា លំហូរ​ប្រជាជន​ចិន​មក​កាន់​ប្រទេស​កម្ពុជា​គឺ​នាំ​មក​នូវ​ផល​ប្រយោជន៍​ដល់​កម្ពុជា ច្រើន​ជាង​បង្ក​ផល​ប៉ះ​ពាល់។

សហភាព​អន្តរ​សភា ឬ ហៅ​កាត់​ថា IPU ដែលមានសមាជិក១៧៣ប្រទេស សម្រេច​ចាត់ការ​តាម​បណ្ដឹង​របស់​តំណាងរាស្ត្រ​បក្ស​ប្រឆាំង​នៅកម្ពុជា​។​ គឺ​ជា​បណ្តឹង​ដែល​សុំ​អន្តរាគមន៍​ ទាម​ទារ​ឲ្យ​រដ្ឋាភិបាលកម្ពុជា​ផ្ដល់​នីតិ​សម្បទា ដល់​តំណាងរាស្ត្រ​ទាំង ៥៥​រូប​វិញ និង​លុបចោល​សាលដីកា​រំលាយ​គណបក្ស​សង្គ្រោះជាតិ​។​ប៉ុន្តែ​ អ្នកនាំ​ពាក្យ​គណបក្សប្រជាជន​កម្ពុជា​ លោក​ សុខ ឥសាន​ បាន​ប្រតិកម្ម​នឹង​សេចក្តី​សម្រេច​របស់​IPU​នេះថា​ មិន​មាន​ប្រសិទ្ធភាព​ និង​ជាការរំលោភលើ​ឯករាជ្យ និង អធិបតេយ្យ​ភាពកម្ពុជា ​មិនអាច​ទទួល​យក​បានឡើយ​។​ យ៉ាងនេះក្តី​ នៅ​ក្នុងនាទី​ភ្ញៀវ​ប្រចាំថ្ងៃ​របស់យើង​រាត្រី នេះ លោក សម រង្ស៊ី បាន​សំដែង​មោទន​ភាពថា​នេះ​ជាជោគ​ជ័យ​មួយ​ជំហ៊ាន​ទៀត​នៃ​ការ​តស៊ូ​មតិ​របស់​គណបក្ស​សង្រ្គោះជាតិ​នៅក្រៅប្រទេស​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក​បណ្ឌិត សុខ ទូច ប្រធាន​រាជ​បណ្ឌិត្យ​សភា​កម្ពុជា។ លោក សុខ ទូច បាន​ព្រមាន​ធ្ងន់ៗ​នៅ​ថ្ងៃ​នេះ​ថា លោក​នឹង​ជម្រុះ​ឲ្យ​អស់​មន្ត្រី​នៅ​រាជ​បណ្ឌិត្យ​សភា​ដែល​មាន​តែ​ឈ្មោះ តែ​មិន​ធ្លាប់​មក​ធ្វើ​ការ។ លោក សុខ ទូច ថែម​ទាំង​អះអាង​ទៀត​ថា ប្រសិន​បើ​លោក​មិន​អាច​ធ្វើ​កំណែ​ទម្រង់​ស្ថាប័ន​រដ្ឋ​មួយ​នេះ​បាន​ទេ លោក​នឹង​ចុះ​ចេញ​ពី​តំណែង​ក្នុង​រយៈ​ពេល​២​ឆ្នាំ។ ដោយ​ឡែក​តាម​រយៈ​បទ​សម្ភាសន៍​ជាមួយ​វ៉ា សំណព្វ នៅ​ថ្ងៃ​នេះ លោក សុខ ទូច បាន​អះអាង​ថា កំណែ​ទម្រង់ គឺ​ជា​គោល​ដៅ​ធំ​របស់​លោក​ក្នុង​អំឡុង​ពេល​ដែល​លោក​ធ្វើ​ជា​ប្រធាន​រាជ​បណ្ឌិត្យ​សភា​កម្ពុជា។

ដោយ​សារ​តែ​នៅ​ថ្មីៗ​នេះ ក្រសួង​អប់រំ យុវជន​និង​កីឡា​បាន​សម្រេច​លុប​ឈ្មោះ​លោក​រ៉ុង ឈុន ចេញ​ពី​បញ្ជី​បុគ្គលិក​នោះ លោក​រ៉ុង ឈុន ដែល​ជា​អតីត​សមាជិក​គ.ជ.ប បាន​ចូល​ខ្លួន​មក​ប្រតិកម្ម និង​បក​ស្រាយ​បញ្ហា​នេះ​នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ។ ឆ្លើយ​តប​នឹង​សំណួរ​របស់​វណ្ណ សុគន្ធា លោក​រ៉ុង ឈុន បាន​លើក​ឡើង​ថា ការ​លុប​ឈ្មោះ​របស់​លោក​ពី​សំណាក់​ក្រសួង​អប់រំ គឺ​ជា​រឿង​ដ៏​គួរ​ឲ្យ​អស់​សំណើច និង​ក៏​ជា​រឿង​អយុត្តិធម៌​សម្រាប់​លោក​ផង​ដែរ។ នេះ​ដោយ​សារ​តែ​លោក​រ៉ុង ឈុន​អះអាង​ថា ការ​លុប​ឈ្មោះ​លោក​នេះ ក្រសួង​អប់រំ​មិន​បាន​ហៅ​លោក​ទៅ​សាក​សួរ​ឲ្យ​បាន​ច្បាស់​លាស់​ទៅ​តាម​ច្បាប់ និង​លក្ខន្តិក​របស់​ក្រសួង​​នោះ​ទេ។