ភ្ញៀវ​ប្រចាំ​ថ្ងៃ​របស់​វិទ្យុបារាំង​អន្តរជាតិ​នៅ​រាត្រី​នេះ គឺ​លោក វ៉ាត់ ចំរើន​អនុប្រធាន​ទី១នៃ​សហព័ន្ធ​កីឡា​គុនល្បុក្កតោ​កម្ពុជា។ ឆ្លើយ​តប​នឹង​សំនួរ​របស់​វិទ្យុ​បារាំង​អន្តរ​ជាតិ លោក វ៉ាត់ ចំរើន ...

គណៈកម្មាធិការ​ជាតិ​រៀប​ចំ​ការ​បោះ​ឆ្នោត​(គ.ជ.ប)​នៅ​ថ្ងៃ​នេះ បាន​ចេញ​សេចក្តី​ប្រកាស​ព័ត៌មាន​ប្រាប់​ឲ្យ​បក្ស​នយោបាយ​មក​ចុះ​បញ្ជី​ឈរ​ឈ្មោះ​សម្រាប់​ការ​បោះ​ឆ្នោត​ពី​ថ្ងៃ​ទី​៣០ មេសា​ទៅ។ ដូច្នេះ​នៅ​រាត្រី​នេះ លោក​ឌឹម សុវណ្ណារុំ ដែល​ជា​សមាជិក និង​ជា​អ្នក​នាំ​ពាក្យ​គ.ជ.ប បាន​ចូល​ខ្លួន​មក​បក​ស្រាយ​ពី​នីតិវិធី​នៃ​ការ​ចុះ​បញ្ជី​ឈរ​ឈ្មោះ​នេះ​នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​យើង។ ក្រៅ​ពី​បញ្ហា​នេះ លោក​ឌឹម សុវណ្ណារុំ ក៏​បាន​បង្ហើប​ឲ្យ​ដឹង​ដែរ​ថា រដ្ឋាភិបាល​ជប៉ុន​ទើប​តែ​ផ្ទេរ​ទឹក​ប្រាក់​ចំនួន​៧​លាន​៥​សែន​ដុល្លារ​អាមេរិក​ដល់​គ.ជ.ប សម្រាប់​រៀប​ចំ​ការ​បោះ​ឆ្នោត​ជាតិ​នៅ​ថ្ងៃ​ទី​២៩ ខែ​កក្កដា ឆ្នាំ​២០១៨ ខាង​មុខ​នេះ។

អង្គការ​សង្គម​ស៊ីវិល​និង​អាជ្ញាធរ​ពាក់​ព័ន្ធ​ក្នុង​ខេត្ត​បាត់​ដំបង បានធ្វើ​យុទ្ធនាការ​ដើរ​ក្បួន​មួយ​ដោយ​មាន​មនុស្ស​ចូល​រួម​រាប់​រយ​នាក់​នៅ​ថ្ងៃ​នេះ។ យុទ្ធនាការ​នេះ​ត្រូវ​បាន​គេ​ដាក់​ឈ្មោះ​ថា​ “សុវត្ថិភាព​ចំណី​អាហារ”។ នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​រាត្រី​នេះ លោក តឹក វណ្ណារ៉ា នាយក​ប្រតិបត្តិ​វេទិកា​នៃ​អង្គការ​មិន​មែន​រដ្ឋាភិបាល​ ស្តីពី​កម្ពុជា (NGO Forum) ។ លោក​បាន​បញ្ជាក់​ថា យុទ្ធនាការ​នេះ​ធ្វើ​ឡើង​ដើម្បី​រួម​ចំណែក​បញ្ជ្រាប​ការ​យល់​ដឹង​អំពី​សុវត្ថិភាព​ចំណី​អាហារ និង​ជំរុញ​ការ​ផលិត​ដំណាំ​សរីរាង្គ ក្នុង​គោលដៅ​លើក​កម្ពស់​សុខភាព និង​កាត់​បន្ថយ​ការ​ប្រើ​ប្រាស់​សារធាតុ​គីមី​លើស​កម្រិត។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក កែន សេរីរដ្ឋា ប្រធាន​អង្គការ​អភិរក្ស​សត្វ​ព្រៃ WCS ​។ តំណាង​អង្គការ​ដែល​ធ្វើ​ការ​ពាក់​ព័ន្ធ​នឹង​ការ​អភិរក្ស​សត្វ​ព្រៃ​នៅ​កម្ពុជា​មួយ​នេះ បាន​សម្តែង​ក្តី​បារម្ភ​ជា​ខ្លាំង ដោយ​សារ​សត្វ​ព្រៃ​នៅ​ក្នុង​តំបន់​ខ្ពស់​រាប​ភាគ​ជើង​ប្រទេស​កម្ពុជា កំពុង​ត្រូវ​បាន​រង​ការ​គំរាម​កំហែង តាម​រយៈ​ការ​បំពុល​ដោយ​ប្រើ​ប្រាស់​ថ្នាំ​បាញ់​សម្លាប់​សត្វ​ល្អិត របស់​ប្រជាជន​នៅ​តំបន់​នោះ។ បើ​តាម លោក កែន សេរីរដ្ឋា ប្រជាពលរដ្ឋ​នៅ​តំបន់​ភាគ​ខាង​ជើង​នៃ​ប្រទេស​កម្ពុជា បាន​នាំ​គ្នា​បំពុល​សត្វ​ព្រៃ ដើម្បី​យក​ទៅ​បរិភោគ និង​ខ្លះ​ទៀត​ដើម្បី​ការពារ​ស្រូវ​របស់​ពួក​គាត់។ ប្រឈម​នឹង​បញ្ហា​នេះ លោក កែន សេរីរដ្ឋា បាន​អំពាវនាវ​ឲ្យ ពលរដ្ឋ​បញ្ឈប់​ការ​បរិភោគ​សត្វ​ព្រៃ ដែល​មាន​ផ្ទុក​សារធាតុ​ពុល ដែល​ត្រូវ​បាន​ប្រើ​ប្រាស់​នៅ​ក្នុង​ថ្នាំ​បាញ់​សម្លាប់​សត្វ​ល្អិត។ ជា​សារធាតុ​ពុល ដែល​លោក អះអាង​ថា ប៉ះ​ពាល់​ខ្លាំង​ចំពោះ​សុខភាព​មនុស្ស និង​ធ្វើ​ឲ្យ​បាត់​បង់​ជីវិត​សត្វ​ព្រៃ​ថែម​ទៀត​ផង។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក ស៊ា​ង ថៃ អ្នកនាំពាក្យ​ក្រសួងពាណិជ្ជកម្ម។ ឆ្លើយតប​នឹង​សំណួរ​របស់​វិទ្យុ​បារាំង​អន្តរជាតិ RFI ជុំវិញ​វិធានការ​លើ​ម្ចាស់​ស្ថានីយ៍​ប្រេងឥន្ធនៈ​មួយចំនួន​ដែល​រកស៊ី​មិន​ស្មោះ​ត្រង់នោះ អគ្គនាយក​​កាំកុងត្រូល​នៃ​ក្រសួងពាណិជ្ជកម្ម កំពុង​ស្នើសុំ​ឲ្យ​រដ្ឋមន្ត្រី ដើម្បី​ឈានទៅ​បិទ​ស្ថានីយ៍​ប្រេងឥន្ធនៈ​មួយចំនួន ដែល​មិន​កែប្រែ​ឥរិយាបថ​របស់ខ្លួន។ ដោយឡែក​ជុំវិញ ការ​ហក់​ឡើងថ្លៃ​នៃ​តម្លៃ​ប្រេងឥន្ធនៈ​នៅ​រយៈពេល​ប៉ុន្មាន​ថ្ងៃនេះ​វិញ អ្នកនាំពាក្យ​ក្រសួងពាណិជ្ជកម្ម​រូបនេះ បាន​ថ្លែងថា បញ្ហា​នេះ មិនទាន់​ជា​បញ្ហា​ធ្ងន់ធ្ងរ​នៅឡើយ​ទេ ហើយ​ថា រដ្ឋាភិបាល​កម្ពុជា ក៏​មិនទាន់​ដល់ពេល លូកដៃ​ចូល​អន្តរាគមន៍ លើ​ការកំណត់​តម្លៃ​ប្រេងឥន្ធនៈ​ជាថ្មី​នៅ​កម្ពុជា​នៅឡើយ​ទេ។

លោក ​សម​ រង្ស៊ី​ អតីត​ប្រធាន​គណបក្ស​សង្រ្គោះជាតិ​ បាន​បង្ហាញ​ពី​បំណង​របស់​​លោក​​ជា​ថ្មី​ម្តង​ទៀត​នៅថ្ងៃនេះ ​ចង់​ឲ្យ​មាន​ការ​​ចរចា​ផ្នែក​​នយោបាយ​​រវាង​លោក​នាយក​រដ្ឋមន្រ្តី​ ហ៊ុន​ សែន​ ...

នៅ​រាត្រី​នេះ កម្ពុជា​នឹង​បិទ​ភ្លើង​១​ម៉ោង​ដើម្បី​ភព​ផែន​ដី សម្រាប់​ឆ្នាំ​ទី​៣​នៃ​ការ​រៀ​បចំ​ព្រឹត្តិការណ៍​នេះ​។ លោកស្រី ងិន លីណា អគ្គ​នាយកដ្ឋាន​ចំណេះដឹង និង​ព័ត៌មាន​នៃ​ក្រសួង​បរិស្ថាន ដែល​ជា​ភ្ញៀវ​ប្រចាំថ្ងៃ​របស់​វិទ្យុបា​រាំង​នៅ​រាត្រី​នេះ អះអាង​ថា ការ​បិទ​ភ្លើង​១​ម៉ោង​របស់​កម្ពុជា​នេះ​គឺ​ជា​ការ​ចូល​រួម​ជាមួយ​ពិភព​លោក​សង្គ្រោះ​ភព​ផែនដី​។

គណបក្ស​កែម ឡី នៅ​ថ្ងៃ​នេះ បាន​ប្រកាស​ប្តូរ​ឈ្មោះ​ទៅ​ជា​គណបក្ស ខ្មែរ​តែ​មួយ ដោយ​សារ​តែ ឈ្មោះ​នៃ​គណបក្ស​នេះ​ត្រូវ​បាន​ក្រសួង​មហា​ផ្ទៃ ស្នើ​ឲ្យ​កែ​តម្រូវ ដើម្បី​ឲ្យ​ស្រប​តាម​ច្បាប់​ស្តី​គណបក្ស​នយោបាយ។ ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​RFI​នៅ​រាត្រី​នេះ លោក គុជ លី អនុប្រធាន​គណបក្ស​ខ្មែរ​តែ​មួយ បាន​បញ្ជាក់​ថា រចនាសម្ព័ន្ធ​គណបក្ស​នេះ គឺ​មាន​លោក កែម រិទ្ធីសិត ប្អូន​ប្រុស​លោក​កែមឡី ជា​ប្រធាន​អស់​មួយ​ជីវិត និង​រូប​លោក​ផ្ទាល់​ជា​អនុប្រធាន​ទី​១ រួម​ទាំង​លោក​ស្រី ឃី ម៉េងលីន ដែល​លោក​អះអាង​ថា ជា​ក្មួយ​ស្រី លោកស្រី មូរ សុខហួរ ​គឺ​ជា​អនុប្រធាន​គណបក្ស​ថ្មី​នេះ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​រាត្រី​នេះ​គឺ​លោក ហឿន សុភាព តំណាង​សហគមន៍​ការពារ​ព្រៃ​ឡង់ មក​ពី​ខេត្ត​កំពង់​ធំ​។ ក្នុង​ឱកាស​ទិវា​ព្រៃ​ឈើ​អន្ដរជាតិ​កាល​ពី​ម្សិលមិញ សហគមន៍​ព្រៃ​ឡង់​បាន​ចេញ​សេចក្ដី​ថ្លែងការណ៍​មួយ​បញ្ជាក់​ថា ការ​កាប់រាន​​បំផ្លាញ​ព្រៃឈើ​នៅ​តំបន់​ព្រៃ​ឡង់ នៅ​តែ​មាន​ជា​ហូរហែ​។ បន្ត​មាន ​ដោយ​សារ​តែ​​ការ​ស៊ុំ​គ្រលំ​គ្នា​រវាង​ឈ្មួញ​និង​មន្ដ្រី​នៅ​មូលដ្ឋាន​ក្នុង​តំបន់​ព្រៃ​ឡង់​។ ដើម្បី​ដោះស្រាយ​បញ្ហា​នេះប្រកប​ដោយ​ប្រសិទ្ធភាព លោក ហឿន សុភាព បាន​ស្នើ​ឲ្យ​គណៈកម្មការ​ជាតិ​ទប់​ស្កាត់និង​បង្ក្រាប​បទ​ល្មើស​ព្រៃ​ឈើ មូរ​ដៃ​អាវ​ចុះ​ធ្វើ​ការផ្ទាល់​ ដោយ​សហការ​​ជាមួយ​បណ្ដាញ​សហគមន៍​នៅ​ទី​នោះ​។

ស្ថានទូត​បារាំង​បាន​រៀប​ចំ​ព្រឹត្តិការណ៍​«​បារាំង​ពីរ​សប្តាហ៍​នៅ​ភ្នំពេញ​» ​ចាប់ពី​ថ្ងៃ​ទី​១៧​ដល់​ថ្ងៃ​ទី៣០​ខែ​មីនា ​ដែល​រួម​មាន​កម្មវិធី​ជាច្រើន​បង្ហាញ​ដល់​សាធារណៈជន​។​ លោកស្រី ​Eva Nguyen Binh ​ឯក​អគ្គរដ្ឋទូត​បារាំ​ង​ប្រចាំ​នៅ​កម្ពុជា ​បាន​ថ្លែង​ប្រាប់​វិទ្យុ​បារាំង​RFI​ថា​ ព្រឹត្តិការណ៍​នេះ​មាន​ការ​បង្ហាញ​នូវ​កម្មវិធី​ជាច្រើន​ដូចជា​វប្បធម៌ ​សេដ្ឋកិច្ច ​និង​វិទ្យាសាស្ត្រ​។ ​លោកស្រី​ឯក​អគ្គរដ្ឋទូត​បញ្ជាក់​ថា​វិស័យ​ដែល​លើក​យកមក​បង្ហាញ​ក្នុង​អំឡុង​ពេលនេះ ​គឺ​សុទ្ធសឹង​ជា​វិស័យ​ដែល​ប្រទេស​បារាំង​និង​កម្ពុ​ជា​មាន​ទំនាក់​ទំនង​រវាង​គ្នា​យ៉ាង​ស្អិត​រ​មួ​ត ​និង​មាន​ការ​វិនិយោគ​ច្រើន​ពី​ក្រុមហ៊ុន​បារាំង​រយៈពេល​ប្រមាណ​ជា​១០​ឆ្នាំ​ចុង​ក្រោយ​នេះ​នៅ​កម្ពុជា​។