ទិន្នន័យ​​គ្រោះ​ថ្នាក់​​ចរាចរណ៍​​ផ្លូវ​​គោក​​ទូ​ទាំង​​ប្រទេស​ ក្នុង​​ពិធី​​បុណ្យ​​ចូល​​ឆ្នាំ​​ខ្មែរ​កន្លង​មក​នេះ ​បង្ហាញ​​ថា​​មាន​​មនុស្ស​​៤៧​នាក់​​ស្លាប់​ របួស​​១៤៣​​នាក់​ ។​ ...

នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ ​គឺ​លោក សម រង្ស៊ី អតីត​ប្រធាន​គណបក្ស​សង្រ្គោះ​ជាតិ។ លោក សម រង្ស៊ី បន្ទាប់​ពី​បញ្ចប់​ដំណើរ​ទស្សនៈកិច្ច​នៅ​ប្រទេស​ជប៉ុន លោក​បាន​មក​ដល់​ប្រទេស​ឥណ្ឌូនេស៊ី​កាល​ពី​ដើម​សប្តាហ៍។ ឆ្លើយ​នឹង​សំនួរ​របស់​វិទ្យុ​បារាំង​អន្តរជាតិ លោក សម រង្ស៊ី បាន​លើក​ឡើង​ថា ឥណ្ឌូនេស៊ី​អាច​បើក​ផ្លូវ​ឲ្យ​សហគមន៍​អន្តរជាតិ ជួយ​ស្តារ​លទ្ធិប្រជាធិបតេយ្យ​នៅ​កម្ពុជា​បាន ដោយ​សារ​តែ​លទ្ធិប្រជាធិបតេយ្យ​នៅ​កម្ពុជា​កំពុង​តែ​ទ្រុឌ​ទ្រោម។ លោក សម រង្ស៊ី បន្ត​ថា ប្រទេស​សមាជិក​អាស៊ាន​មិន​អាច​ជ្រៀត​ជ្រែក​កិច្ចការ​ផ្ទៃ​ក្នុង​របស់​ប្រទេស​ផ្សេង​ទៀត​ជា​សមាជិក​អាស៊ាន​ដូច​គ្នា គឺ​គ្រាន់​តែ​ជា​គោលការណ៍​លើ​ក្រដាស​ប៉ុណ្ណោះ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​ថ្ងៃ​នេះ គឺ លោក​ស្រី ខៃ ចិន្តា ស្ថាបនិក​និង​ជា​ប្រធាន​សមាគម​មូលនិធិ​អភិរក្ស​ដំរី​ខ្មែរ អៃរាវត្តា។ មូលនិធិ អៃរាវត្តា នឹង​រៀបចំ​កម្មវិធី​រាត្រីសមោសរ​មួយ​នៅ​ថ្ងៃ​សុក្រ ទី​២៧​មេសា សប្ដាហ៍​ក្រោយ ដើម្បី​រៃ​អង្គាស​ថវិកា​ជួយ​ដល់​ការ​អភិរក្ស​ដំរី​ខ្មែរ​។ បើ​តាម​លោក​ស្រី ខៃ ចិន្តា ការ​អភិរក្ស​សត្វ​ដំរី​គឺ​ជា​រឿង​ចាំ​បាច់ ខណៈ​ចំនួន​សត្វ​ដំរី​នៅ​ស្រុក​ខ្មែរ មិន​មាន​ការ​កើន​ឡើង​ទេ​នៅ​ក្នុង​រយៈ​ពេល​២៥​ឆ្នាំចុង​ក្រោយ​នេះ​។ លោក​ស្រី​បន្ត​ថា ការ​អភិរក្ស​សត្វ​ដំរី​ឲ្យ​មាន​និរន្ដរភាព គឺ​ជា​ការងារ​របស់​ប្រជាជន​ខ្មែរ​ទាំង​អស់​គ្នា។

តំណាង​អង្គការ​អភិរក្ស​និង​បរិស្ថាន​ចំនួន​៨ ​បាន​សំណូមពរ​ឲ្យ​រដ្ឋាភិបាល​កម្ពុជា​ចាត់​វិធានការ​ជា​បន្ទាន់​ និង​ដោយ​គ្មាន​ការ​ពន្យា​ពេល ​ទប់ស្កាត់​បទល្មើស​​នា​នា​ ​ដែល​ទន្ទ្រាន​ដីព្រៃ​ជា​កម្មសិទ្ធិ ​​ការ​​កាប់​ឈើ ​និង​អ្នក​បរ​បាញ់​សត្វ​ព្រៃ​ខុស​ច្បាប់ ​នៅ​ដែន​ជម្រក​សត្វ​ព្រៃ​ភ្នំ​ត្នោត​​​ក្នុង​ខេត្ត​ព្រះវិហារ​ ដើម្បី​ធានា​ដល់​ការ​ការពារ​និង​គ្រប់គ្រង​ដោយ​ចីរភាព​នៃ​ដែន​ជំរក​សត្វ​ព្រៃ​នេះ​។ ​លោក ​ជា សំអាង ​អ្នក​នាំ​ពាក្យ​ក្រសួង​បរិស្ថាន​​ថ្លែង​​ថា ​ក្រសួង​បរិស្ថាន​មាន​យន្តការ​​ជាក់លាក់​ហើយ ​ដើម្បី​ដោះស្រាយ​យូរ​​អង្វែង ​និង​មាន​ប្រសិទ្ធភាព​ទប់ស្កាត់​បទ​ល្មើស​នានា​ដែល​បាន​កើត​ឡើង​នៅ​តំបន់​ជម្រក​សត្វ​ព្រៃ​ភ្នំ​ត្នោត​នេះ​​។

ភ្ញៀវ​ប្រចាំ​​ថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​ថ្ងៃ​អង្គារ​នេះ គឺ​លោក​សាស្រ្តាចារ្យ​ស៊ន សំណាង បណ្ឌិត​ប្រវត្តិសាស្រ្ត និង​ជា​សមាជិក​ពេញ​សិទ្ធិ​នៃ​រាជបណ្ឌិត្យ​សភា​កម្ពុជា។ ឆ្លើយ​តប​នឹង​សំណួរ​របស់​វណ្ណ សុគន្ធា លោក​សាស្រ្តាចារ្យ​ស៊ន សំណាង បាន​អះអាង​ថា អតីតកាល ​គឺ​ជា​មេរៀន​សម្រាប់​បច្ចុប្បន្ន​កាល។ ដូច្នេះ​ហើយ​សម្រាប់​ប្រវត្តិ​វិទូ​ស៊ន សំណាង ការ​សិក្សា​ស្វែង​យល់​ពី​ប្រវត្តិសាស្រ្ត​នៃ​របប​ខ្មែរ​ក្រហម​ក៏​ដូច​ជា​ប្រវត្តិសាស្រ្ត​ដទៃ​ទៀត គឺ​មាន​សារៈ​សំខាន់​ណាស់​សម្រាប់​យុវជន​ខ្មែរ​ជំនាន់​ក្រោយ។

ព្រឹត្តិការណ៍​អង្គរ​សង្ក្រាន្ត​ដែល​​បាន​ចាប់​ផ្ដើម​​តាំង​ពី​ថ្ងៃទី​១៣​មេសា​ បាន​​រំកិល​​មក​ដល់​​ទី​បញ្ចប់​​ហើយ ​នៅ​​រាត្រី​​ថ្ងៃទី​១៦​មេសា​​នេះ។​ លោក​ សោម រតនា ​ប្រធាន​​ក្រុម​ការងារ​​ទំនាក់​ទំនង​​សាធារណៈ​​នៃ​​ព្រឹត្តិការណ៍​​អង្គរ​​សង្ក្រាន្ត​ បាន​​ប៉ាន់​ប្រមាណ​​ថា ​នៅ​ក្នុង​​រយៈ​ពេល​៤​ថ្ងៃ ​ព្រឹត្តិការណ៍​អង្គរ​សង្ក្រាន្ត​បាន​ទាក់ទាញ​ភ្ញៀវទេសចរ​ជាតិ​និង​អន្ដរជាតិ ចូល​មក​​ទស្សនា​កម្សាន្ត​ប្រមាណ១,៨លាន​នាក់។ សម្រាប់​លោក សោម រតនា នេះ​គឺជា​ជោគ​ជ័យ​​របស់​ក្រុមការងារ​រៀបចំ​ព្រឹត្តិការណ៍​អង្គរ​សង្ក្រាន្ត បើទោះបី​ជាមាន​បញ្ហា​ប្រឈម​កើតឡើងខ្លះៗក៏ដោយ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នៅ​យប់​នេះ​គឺ លោក ឈត ប៊ុនថង ជា​មន្ដ្រី​ស្រាវ​ជ្រាវ​ផ្នែក​ទំនាក់​ទំនង វប្បធម៌ អប់រំ និងទេសចរណ៍ នៃ​រាជ​បណ្ឌិត​សភា​កម្ពុជា​។ ...

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ គឺ​លោក​ហូ វណ្ឌី សហប្រធាន​ក្រុមការងារ​វិស័យ​ទេសចរ​ណ៏​ផ្នែក​ឯកជន។ លោក​ហូ វណ្ឌី​បានលើកឡើង​ថាបើ​ទោះបី​មានការ​រៀបចំ​សង្ក្រាន្ត​ឆ្នាំ​ថ្មី​ស្ទើរ​នៅ​គ្រប់​ទីកន្លែង​នៅ​ឆ្នាំនេះ​ក៏ដោយ ក៏​ភ្ញៀវទេសចរ​ជាតិ​សម្រុក​ទៅ​កម្សាន្ត​នៅ​ខេត្តសៀមរាប​ច្រើនជាងគេ​ដែរ។ ដោយឡែក​សម្រាប់​ការ​ទៅ​កម្សាន្ត​នៅក្រៅ​ប្រទេស​វិញ អ្នកជំនាញ​ផ្នែក​ទេសចរណ៍​រូបនេះ​កត់សម្គាល់ថា ក្នុងឱកាស​បុណ្យចូលឆ្នាំ​ថ្មី​នេះ ពលរដ្ឋ​ខ្មែរ​ចេញទៅ​កម្សាន្ត​នៅក្រៅ​ប្រទេស​ច្រើនជាង​ឆ្នាំមុន។ តទៅ​នេះ សូម​ស្ដាប់​បទ​សម្ភាស​រវាង​វណ្ណ សុគន្ធា និង​លោក​ហូ វណ្ឌី ៖

ពិធី​បុណ្យ​ចូល​ឆ្នាំ​ថ្មី​ប្រពៃណី​ជាតិ​ខ្មែរ​ នឹង​ឈាន​ចូល​មក​ដល់​នៅ​ព្រឹក​ថ្ងៃសៅរ៍​ទី​១៤​ខែ​មេសា​ខាងមុខ​នេះ​។ ​ការ​រៀប​ចំ​រណ្តាប់​និង​គ្រឿង​សក្ការៈ​បូជា​សម្រាប់​ទទួល​ទេវតា​ឆ្នាំ​ថ្មី ...

សិល្បៈករ​និង​សិល្បៈ​ការិនី​ជំនាញ​ផ្នែក​របាំ​ប្រមាណ​​៤០០​នាក់ ​នឹង​រួមគ្នា​បង្ហាញ​ផ្ទាំង​ទស្សនីយភាព​សិល្បៈ​ ជា​ច្រើន​ទំរង់​របស់​ខ្មែរ ​នៅ​ក្នុង​ព្រឹត្តិការណ៍​អង្គ​រ​ស​ង្ក្រា​ន្ត​ឆ្នាំ​​២០១៨​នេះ ​រួម​នឹង​អ្នក​ស្ម័គ្រចិត្ត​ជាច្រើន​រយ​នាក់​ផ្សេង​ទៀត​។ ​លោកស្រី ​ម៉ិ​ញ កុស​នី ​រដ្ឋ​លេខាធិការ​ក្រសួង​វប្បធម៌​ថ្លែង​ឲ្យ​ដឹង​ថា​នៅ​ក្នុង​ព្រឹត្តិការណ៍​អង្គ​រ​ស​ង្ក្រា​ន្ត​​ឆ្នាំ​នេះ ​នឹង​មាន​បង្ហាញ​ទំរង់​សិល្បៈ​ថ្មី​ៗ​មួយចំនួន ​លាយឡំ​គ្នា​នឹង​​សិល្បៈ​បុរាណ​​ជូន​​ដល់​សាធារណជន​ទស្សនា​​​។ ​ទស្សនីយភាព​ល្ខោន​បុរាណ​ទំនើប​ស្តី​ពី​អច្ឆរិយៈ​អង្គរ ​ក៏​ត្រូវ​រៀបចំ​បង្ហាញ​ផង​ដែរ ​ស្រប​ពេលដែល​ការ​តម្លើង​របាំ​ថ្មី​ៗ​និង​ការ​ហាត់​ត្រៀម​មាន​ការ​លំបាក​ច្រើន​។ ​នេះ​បើតាម​លោកស្រី ​ម៉ិ​ញ កុស​នី​។