ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ គឺ​លោក ខឹម វាសនា ប្រធាន​គណបក្ស​សម្ព័ន្ធ​ដើម្បី​ប្រជាធិប​តេយ្យ។ ឆ្លើយ​នឹង​សំនួរ​របស់​វិទ្យុ​បារាំង​អន្តរ​ជាតិ លោក ​ខឹម វាសនា ​ថា ...

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ គឺ​លោកស្រី ឱ វណ្ណឌី​ន អគ្គនាយក​បច្ចេកទេស​សុខាភិបាល និង​ជា​អ្នកនាំពាក្យ​ក្រសួងសុខាភិបាល​កម្ពុជា។ ឆ្លើយតប​នឹង​សំណួរ​របស់​វណ្ណ សុគន្ធា លោកស្រី ឱ វណ្ណឌី​ន បាន​អះអាងថា ករណី​ប្រជាពលរដ្ឋនៅក្នុង​ខេត្តមណ្ឌលគិរី​ដែល​ធ្លាក់ខ្លួន​ឈឺ​ជាច្រើន​នាក់​នោះ គឺ​មិនមែន​បណ្តាលមកពី​ការពុល​អ្វី​ទេ ប៉ុន្តែ​កើតឡើង​ដោយសារតែ​ជំងឺ​ផ្តាសាយធំ។ តទៅ​នេះ សូម​ស្ដាប់​បទសម្ភាសន៍​ទាំងស្រុង​រវាង​វណ្ណ សុគន្ធា និង​លោកស្រី ឱ វណ្ណឌី​ន ដូចតទៅ៖

អង្គការ​តម្លាភាព​កម្ពុ​ជា ​នៅ​ថ្ងៃ​ពុធ​នេះ​ បាន​បញ្ចេញ​របាយការណ៍​ស្ទង់​មតិ​មួយ​ស្តីពី​«​តម្លាភាព​និង​គណនេយ្យ​ភាព​ថវិកា​ថ្នាក់​ជាតិ ​និង​ឃុំ ​សង្កាត់​»​។ ​លោក​ព្រាប កុល ​នាយក​ប្រតិបត្តិ​អង្គការ​តម្លាភាព​កម្ពុជា​បាន​ថ្លែង​ថា ​លទ្ធផល​នៃ​ការ​ស្ទង់​មតិ​នេះ ​មាន​សារៈសំខាន់​ សម្រាប់​ប្រជាពលរដ្ឋ ​និង​អ្នក​ធ្វើ​គោល​នយោបាយ​ថវិកា​ជាតិ​ផង​ដែរ​។ ​មាន​សារៈសំខាន់​គឺ​ជា​ការ​ដាស់​អារម្មណ៍​ឲ្យ​ប្រជា​ពលរដ្ឋ​យល់ដឹង​ពី​ការ​ចូលរួម​ជា​ម្ចាស់​ក្នុងការ​គ្រប់គ្រង​និង​ចាយវាយ​ថវិកា​ជាតិ​។ ​ដោយឡែក ​តាម​លោក​ព្រាប កុល​ ក៏​ជា​ការ​ពញ្ញាក់​​អារម្មណ៍​រដ្ឋាភិបាល​ដែរ​ ដើម្បី​លើក​កម្ពស់​អភិបាល​កិច្ច​ល្អ ​ដែល​ចាំបាច់​ត្រូវមាន​ការ​ចូលរួម​ពី​អ្នក​ពាក់ព័ន្ធ​។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ គឺ​លោក​ឌឹ​ម សុ​វណ្ណា​រុំ ដែលជា​សមាជិក និង​ជា​អ្នកនាំពាក្យ​គណៈកម្មាធិការ​ជាតិ​រៀបចំ​ការបោះឆ្នោត(គ.ជ.ប)។ ឆ្លើយតប​នឹង​សំណួរ​របស់​វណ្ណ សុគន្ធា ជុំវិញ​ការ​ពហិការ​ចូលរួម​កា​របោះ​ឆ្នោត​របស់​គណបក្ស​នយោបាយ​មួយចំនួន លោក​ឌឹ​ម សុ​វណ្ណា​រុំ បាន​អះអាងថា វា​មិន​ប៉ះពាល់​អ្វី​ដល់​ដំណើរការ​រៀបចំ​ការបោះ​ឆ្នោត​របស់​គ.ជ.ប​នោះឡើយ។ ផ្ទុយទៅវិញ គ.ជ.ប នៅតែ​ដំណើរការ​ទៅមុខ​ដោយ​ធ្វើអ្វីៗទៅតាម​ច្បាប់​កំណត់។

គណ​បក្ស ​ខ្មែរ​រួបរួម​ជាតិ ​ដែល​លោក ​ញឹក​ ប៊ុនឆៃ ​ជា​អតីត​ប្រធាន​គណបក្ស​ បាន​​សម្រេច​​ចុះ​​បញ្ជីនៅគ.ជ.ប ថ្ងៃនេះ ដើម្បី​​ចូល​​រួម​​​ការ​​​បោះឆ្នោត​​ថ្ងៃ​ទី២៩​​ខែ​កក្កដា​ខាង​មុខ​។​ លោក ​សិង្ហ​ គិរី​ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នៅ​យប់​នេះ គឺ លោកស្រី​ ឱ​ វណ្ណឌីន អគ្គនាយកបច្ចេ​កទេ​ស​សុខាភិបាល និង​ជា​អ្នក​នាំពាក្យ​ក្រសួង​សុខាភិបាល។ លោកស្រី ឱ វណ្ណឌីន បាន គូសបញ្ជាក់ថា តំណាង​ក្រសួង​សុខាភិបាល​ពី​ភ្នំពេញ និង​តំណាង​អង្គការ​សុខភាពពិភព​លោក​បាន​ចុះ​ទៅ​ត្រួត​ពិនិត្យ​ដោយ​ផ្ទាល់​ដល់​ទី​តាំង​រស់​នៅ​របស់​ពលរដ្ឋ​ក្នុង​ខេត្តក្រចេះ​ដែល​គេ​សង្ស័យ​ស្លាប់​ជា​បន្ត​បន្ទាប់​ដោយ​សារ​ប្រើ​ប្រាស់​ទឹក​ព្រែក។

 

ចំណែក​នៅ​ភ្នំពេញ​ឯណេះវិញ មន្ទីរ​ពិសោធន៍​នៃ​ក្រសួង​សុខាភិបាល​កំពុង​ពិនិត្យ​លើ សំ ណាក​ទឹក​ព្រែក និងស្រា។ ក្នុង​នោះ លោកស្រី​ ឱ​ វណ្ណឌីន បាន​ផ្ដល់​ចម្លើយ​បឋម​ថា ករ ណី​ស្លាប់​ជា​បន្ត​បន្ទាប់​នៅ​ក្រចេះ​អាច​មក​ពី​ការ​បរិភោគ​សារធាតុរាវ ដូចជា ទឹក​ព្រែក ស្រា​ផលិត​ក្នុង​ខេត្ត រួម​នឹង​សាធាតុ​គីមី​ផ្សេង​ទៀត។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក វ៉ា ថន អភិបាលខេត្ត​ក្រចេះ។

ឆ្លើយតប​នឹង​សំណួរ​របស់​វិទ្យុ​បារាំង​អន្តរជាតិ RFI លោក វ៉ា ថន បាន​ថ្លែង​តុល្យការ​ចុងក្រោយ ករណី​ពុល​ទឹក​នៅក្នុង​ខេត្តក្រចេះ អ្នកស្លាប់​បាន​កើនឡើង៦នាក់ និង៤៥នាក់​កំពុង​សម្រាក​នៅក្នុង​មន្ទីរពេទ្យ។ ករណី​ពុល​ជា​ទ្រង់ទ្រាយ​ធំ ត្រូវបាន​គេ​សង្ស័យថា បណ្តាលមកពី​ការបរិភោគ​ទឹក​ព្រែក ដែលមាន​ជាតិពុល​ដែល​សង្ស័យថា ជា​ថ្នាំពុល​ដែល​កសិករ​ខ្លួនឯងបាន​បាញ់​ទៅលើ​ដំណាំ​នៅតាម​ដងព្រែក។ យ៉ាងណាក៏ដោយ នៅ​ចំពោះមុខ អាជ្ញាធរ​គ្រប់លំដាប់​ថ្នាក់ កំពុង​ដុតដៃដុតជើង ដើម្បី​ជួយសង្គ្រោះ​ដល់​ជនរងគ្រោះ និង​ឧបត្ថម្ភ​ដល់​គ្រួសារ​ដែល​ស្លាប់​បាត់បង់​ជីវិត ខណៈដែល​សំណាក​ផ្សេងៗ ដូចជា ទឹក និង​ចំណីអាហារផ្សេងៗទៀត ត្រូវបាន​បញ្ជូនមក​ធ្វើ​ពិសោធន៍​នៅ​ទីក្រុង​​ភ្នំពេញ ដើម្បី​ឲ្យ​ប្រាកដថា តើករណី​ពុល​នេះ​បណ្តាលមកពី​អ្វី។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក សាម អ៊ី​ន អ្នកនាំពាក្យ​គណបក្ស​ប្រជាធិបតេយ្យ (GDP)។ ឆ្លើយតប​នឹង​សំណួ​របស់​វិទ្យុ​បារាំង​អន្តរជាតិ RFI ជុំវិញ​​ជំហរ​របស់​គណបក្ស​ប្រជាធិបតេយ្យ​មូលដ្ឋាន (GDP) ថា​តើ​សម្រេចចិត្ត​ចូលរួម​ការបោះឆ្នោតជាតិ​នៅ​ខែកក្កដា​​ខាង​មុខ​នេះ​​ឬ​​អត់​​នោះ​? ​លោក សាម អ៊ី​ន បាន​អះអាង​ថា គណបក្ស​នឹង​ប្រជុំ​សម្រេច​នៅ​ថ្ងៃទី ៦ ឧសភា ខាងមុខនេះ។ តែបើ​ទោះបីជា​មិនទាន់​សម្រេចចិត្ត​ក្តី លោក សាម អ៊ី​ន បាន​អះអាង​ជាមុន​ថា គណបក្ស​ប្រជាធិបតេយ្យ​មូល​ដ្ឋាន​ (GDP) ​គឺជា​ជម្រើស​ថ្មី​របស់​ប្រជាពលរដ្ឋ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក​ស្រី Anne Lemaistre (អាន់ ឡឺម៉េស់) ប្រធាន​អង្គការ​យូណាស្កូ​ប្រចាំ​នៅ​កម្ពុជា។ នៅ​ថ្ងៃ​ទី​៣​ឧសភា​នេះ អ្នក​កាសែត​ទាំង​អស់​នៅ​ក្នុង​ប្រទេស​កម្ពុជា និង​នៅ​លើ​ពិភព​លោក កំពុង​ប្រារព្ធ​ទិវា​សេរីភាព​សារព័ត៌មាន​ពិភព​លោក World Press Freedom Day ខួប​លើក​ទី​១៧។ នៅ​ថ្ងៃ​នេះ លោក​ស្រី Anne Lemaistre (អាន់ ឡឺម៉េស់) ប្រធាន​អង្គការ​យូណេស្កូ​ប្រចាំ​នៅ​កម្ពុជា បាន​សំដែង​ការ​សោក​ស្តាយ ដែល​ចំណាត់​ថ្នាក់​សេរីភាព​សារព័ត៌មាន​នៅ​កម្ពុជា ដែល​ត្រូវ​បាន​វាយ​តម្លៃ​ដោយ​អង្គការ​អ្នក​កាសែត​គ្មាន​ព្រំដែន ក្នុង​ឆ្នាំ​២០១៨​នេះ​ថា បាន​ធ្លាក់​ចុះ​ពី​ចំណាត់​ថ្នាក់​លេខ​១៣២​នៅ​ឆ្នាំ​២០១៧ ដល់​លេខ​១៤២ នៅ​ឆ្នាំ​២០១៨ ក្នុង​ចំណោម​ប្រទេស ១៧៩។ ទាក់​ទង​នឹង​ករណី​នេះ លោក​ស្រី​បាន​ជំរុញ​ឲ្យ​រដ្ឋាភិបាល​កម្ពុជា ធ្វើ​យ៉ាង​ណា ពិចារណា​ឡើង​វិញ ដើម្បី​ស្តារ​ស្ថានការណ៍​នេះ ជា​ពិសេស​បើក​ឲ្យ​មាន​ដំណើរ​ការ​ឡើង​វិញ​នូវ​កាសែត និង​វិទ្យុ​ដែល​ត្រូវ​បាន​បិទ​នា​ពេល​កន្លង​មក។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​រាត្រី​នេះ​គឺ​លោក ព្រឿង ប្រណិត ប្រធាន​សមាគម​អ្នក​និពន្ធ​ខ្មែរ​។ ចាប់​ពី​ថ្ងៃ​នេះ រហូត​ដល់​ចុង​ខែ​ឧសភា សមាគម​អ្នក​និពន្ធ​ខ្មែរ​នឹង​បើក​ទទួល​ស្នាដៃ​រឿង​ខ្លី​និង​កំណាព្យ ដើម្បី​ចូល​រួម​ប្រកួត​ប្រជែង​នៅ​ក្នុង​ការ​ប្រកួត​ប្រជែង​ពាន​រង្វាន់​អក្សរសិល្បិ៍​ទន្លេ​មេគង្គ​។ សម្រាប់​លោក ព្រឿង ប្រណិត ពាន​រង្វាន់​នេះ​មាន​អត្ថន័យ​សំខាន់​ខ្លាំង​ណាស់ ក្នុង​ការ​ជំរុញឲ្យមាន​និរន្ដរភាព​ទន្លេ​មេគង្គ តាម​រយៈ​ស្នាដៃ​អក្សរសិល្បិ៍​របស់​កវី​អ្នក​និពន្ធ​។