ក្រុមអ្នក​គាំទ្រ​​អតីត​គណបក្ស​សង្រ្គោះជាតិ​ ប្រកាស​ថា ​ពួកគេនឹង​រៀប​ចំ​បាតុកម្ម​ នៅ​មុខ​ស្ថាន​ទូត​ជប៉ុន​ប្រចាំអង្គការ​សហប្រជាជាតិ ​ក្នុង​ទីក្រុង​ញូយ៉ក​ នៅថ្ងៃ​ទី១​ខែមិថុនា ​ខាង​មុខ​នេះ ...

លោក​ រ៉ុង​ ឈុន ​​ប្រធាន​សហភាព​សហជីព​កម្ពុជា​ បាន​អះអាង​ថា​​ អ្វី​​ដែល​​លោក​​បាន​លើក​ឡើង​ ...

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​អ្នកស្រី ណុប លីន​ដា មន្ត្រី​ផ្នែក​ប្រព័ន្ធ​ផ្សព្វផ្សាយ​របស់​​មជ្ឈមណ្ឌល​​សម្ព័ន្ធ​ភាព​​ការ​ងារ​​និង​​សិទ្ធិ​មនុស្ស ​ហៅ​​កាត់​​ថា ​សង់​​ត្រា​ល់​។ ​ឆ្លើយ​តប​​នឹង​​សំណួ​​របស់​​វ៉ា សំណព្វ ​អ្នកស្រី ណុប លីន​ដា បាន​លើក​ឡើង​ថា ​ការទទួ​ល​ពានរង្វាន់​សិទ្ធិ​ការពារ​កម្មករ (Labor Rights Defender) នៅ​រដ្ឋធានី​វ៉ាស៊ីន​តោន ពី​វេទិកា​សិទ្ធិ​ការងារ​អន្តរជាតិ ( International Labor Rights Forum ) កាលពី​ថ្ងៃទី ០៩ ​ឧសភា គឺជា​ការលើកទឹកចិត្ត​ដ៏​ធំ​សម្រាប់​សង់​ត្រា​ល់ បើទោះបីជា​ប្រធាន​របស់​អង្គការ​​នេះ កំពុង​និរទេស​ខ្លួន​នៅក្រៅ​ប្រទេស ដើម្បី​គេចចេញ​ពី​ការចោទប្រកាន់​តាមផ្លូវ​តុលាការ។

បន្ទាប់ពី​ពុល​ស្លាប់​ជា​បន្ត​បន្ទាប់​នៅ​ខេត្ត​ក្រចេះ ​ដែល​​ក្រសួង​​សុខា​ភិបាល​​អះ​​អាង​​ថា​ ​មក​​ពី​​ពុល​​ស្រា ​និង​​ពុល​​ទឹក​នោះ ​​រដ្ឋ​មន្រ្តី​​ក្រសួង​​ឧស្សា​ហកម្ម​ និង​​សិប្ប​កម្ម​ ...

ភ្ញៀវ​ប្រចាំ​ថ្ងៃ​របស់​យើង​នៅ​រាត្រី​នេះ គឺ​លោក​ជាវ ប៊ុនរិទ្ធ ដែល​ជា​អ្នក​នាំ​ពាក្យ​បេឡា​ជាតិ​របប​សន្តិសុខ​សង្គម​(ប.ស.ស)។ ជុំវិញ​បញ្ហា​សុខភាព​របស់​កម្មករ​និយោជិត លោក​ជាវ ប៊ុនរិទ្ធ បាន​អះអាង​ថា នៅ​ពេល​នេះ កម្មករ​និយោជិត​ទទួល​បាន​សេវា​ព្យាបាល​ពី​បេឡាជាតិ​របប​សន្តិសុខ​សង្គម​(ប.ស.ស)​បាន​ល្អ​ប្រសើរ​ច្រើន។ ជាមួយ​គ្នា​នេះ លោក​ក៏​បញ្ជាក់​ថា កម្មករ​ដែល​មាន​បញ្ហា​សុខភាព​ផ្ទាល់​ខ្លួន និង​គ្រោះ​ថ្នាក់​ការងារ​សុទ្ធ​តែ​អាច​ទទួល​បាន​សេវា​ព្យាបាល​មិន​គិត​ប្រាក់​ពី​ប.ស.ស។

គណៈកម្មាធិការ ​ដើម្បី​ការ​បោះឆ្នោត​ដោយ​សេរី ​និង​យុត្តិធម៌​នៅ​កម្ពុជា ​ហៅ​កាត់​ថា ​(​ខុមហ្វ្រែល​) ​បាន​អះអាង​ថា​អង្គការ​ឃ្លាំមើល​ការ​បោះឆ្នោត​មួយ​នេះ ​បាន​សម្រេច​មិន​ចូលរួម​ដាក់​អ្នក​សង្កេតការណ៍​ផ្លូវការ ​នៅ​ក្នុង​ឱកាស​នៃ​ការ​បោះឆ្នោត​សកល ​នៅ​ថ្ងៃ​ទី​២៩​ខែ​កក្កដា ​ខាង​មុខ​។ ក៏​ប៉ុន្តែ ​ខុមហ្វ្រែល ​នឹង​មាន​ប្រជាពលរដ្ឋ​ស្ម័គ្រចិត្ត​មួយ​ចំនួន​ធ្វើ​ការងារ ​នៅ​ខាងក្រៅ​ការិយាល័យ​បោះឆ្នោត​។ ​លោក ​កន សាវា​ង្ស ​អ្នក​សម្របសម្រួល​ផ្នែក​អង្កេត ​អង្គការ​ខុមហ្វ្រែល​ថ្លែង​ថា ​ការ​ដែល​ខុមហ្វ្រែល​មិន​បាន​ដាក់​អ្នក​សង្កេតការណ៍​ផ្លូវការ ​គឺ​ដោយសារ​ការ​ព្រួយបារម្ភ ​និង​ការ​ភ័យខ្លាច​របស់​អ្នក​សង្កេតការណ៍ ​ខណៈ​ដែល​បន្ទប់​​ស្ថានការណ៍​បោះឆ្នោត ​ដែល​បណ្តុំ​ដោយ​អង្គការ​សង្គម​ស៊ីវិល​ចំនួន​៤០ ​លែង​មាន​ទៀត​ហើយ​។ ​ក៏​ប៉ុន្តែ​លោក​បញ្ជាក់​ថា ​ខុមហ្វ្រែល​នឹង​ពិចារណា​ចូលរួម​ជា​ផ្លូវការ ​យោង​ទៅលើ​ការ​ប្រែប្រួល​នៃ​ស្ថានការណ៍​នយោបាយ​។

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​កញ្ញា​កឹម មនោ​វិទ្យា​ដែលជា​កូនស្រី​លោក​កឹម សុខា និង​ជា​អនុប្រធាន​កិច្ចការ​សាធារណៈ​របស់​អតីត​គណបក្ស​សង្គ្រោះ​ជាតិ។ ឆ្លើយតប​នឹង​សំណួរ​របស់​វណ្ណ សុគន្ធា កញ្ញា​កឹម មនោ​វិទ្យា បាន​លើកឡើងថា ការបោះឆ្នោតជាតិ​នាពេល​ខាងមុខនេះ គឺ​មិនអាច​យកជាការ​បានទេ ដោយសារតែ​គ្មាន​វត្តមាន​អតីត​គណបក្ស​សង្គ្រោះ​ជាតិ​ចូលរួម។ តទៅ​នេះ សូម​ស្តាប់​បទសម្ភាសន៍​ទាំងស្រុង​រវាង​វណ្ណ សុគន្ធា និង​កញ្ញា​កឹម មនោ​វិទ្យា៖

ដូច​ការ​គ្រោង​ទុក ម៉ោង​៥​កន្លះ​ល្ងាច​ថ្ងៃ​នេះ​ជា​ថ្ងៃ​បិទ​ទ្វារ​ឈប់​ទទួល​ពាក្យ​សុំ​ចុះ​ឈ្មោះ​របស់​គណបក្ស​នយោបាយ​នៅ​គណៈកម្មាធិការ​ជាតិ​រៀប​ចំ​ការ​បោះ​ឆ្នោត​(គ.ជ.ប) សម្រាប់​ចូល​រួម​ប្រកួត​នៅ​ថ្ងៃ​ទី​២៩​កក្កដា។ អ្នក​នាំ​ពាក្យ​គ.ជ.ប បាន​បញ្ជាក់​ថា​មាន​គណបក្ស​នយោបាយ​រហូត​២០​បាន​មក​សុំ​ចុះ​ឈ្មោះ​ចូល​រួម​ប្រកួត ខណៈ​កាល​ពី​បោះ​ឆ្នោត​ជាតិ​ឆ្នាំ​២០១៣​មាន​គណបក្ស​នយោបាយ​តែ​ចំនួន​៨​ប៉ុណ្ណោះ។ នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​រាត្រី​នេះ​ លោក ឌឹម សុវណ្ណារុំ បាន​អះអាង​ថា ការ​ចូល​រួម​ច្រើន​គឺ​ជា​សេរីភាព​របស់​គណបក្ស​នយោបាយ។

មួយ​ថ្ងៃ​មុន​ការ​បិទ​បញ្ចប់​ដំណើរ​ការ​ចុះ​បញ្ជី​គណបក្ស និង​បេក្ខជន​សម្រាប់​ការ​ចូល រួម ការ​បោះឆ្នោត​នៅ​ថ្ងៃ​ទី​១៤​ឧសភា ដំណើការ​ចុះ​បញ្ជី​នា​ពេល​កន្លង​មក​គឺ​ប្រព្រឹត្ត​ទៅដោយ​រលូន​ទោះ​ជា​គណបក្ស​នយោបាយ​ខ្លះ​បាន​ជួប​បញ្ហា​នៅ​ថ្នាក់​ខេត្ត​ក៏​ដោយ។ នេះគឺ​ជា​ការ​អង្កេត​របស់​លោក សម គន្ធាមី ប្រធាន​អង្គការ​និច​ហ្វិក។

ខណៈ​អ្នក​នាំ​ពាក្យ​គ.ជ.ប អំពាវនាវ​ឲ្យ​គណបក្ស​នយោបាយ​រួសរាន់​មក​ចុះ​បញ្ជី លោក សម គន្ធាមី មើលឃើញថា ភាព​​យឺត​យ៉ាវ​​ដែល​​គណបក្ស​​ខ្លះ​​មិន​​ទាន់​​រួស​​រាន់​​មក​​ចុះ​បញ្ជី​ដោ​យ​សារ​​ខ្វះ​​បេក្ខជន​​ឈរ​​ឈ្មោះ​​ទាំង​​បំរុង​​និង​ផ្លូវការ។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក អាត់ ធន់ ប្រធាន​សម្ព័ន្ធ​សហជីព​ប្រជាធិបតេយ្យ​កម្មករ​កាត់​ដេរ​កម្ពុជា (ស៊ី​ខៅ​ឌូ)។ ឆ្លើយតប​នឹង​សំណួរ​របស់​វិទ្យុ​បារាំង​អន្តរជាតិ RFI លោក អាត់ ធន់ បាន​សំដែង​ការព្រួយបារម្ភ​ចំពោះ​ដំណើរ​ទស្សនកិច្ច​របស់​គណៈប្រតិភូ​សហភាព​អឺរ៉ុប​មកកាន់​ប្រទេស​កម្ពុជា នៅ​អំឡុង​ខែមិថុនា ខាងមុខនេះ​ថា កម្ពុជា​អាច​នឹង​បាត់បង់​ទីផ្សារ​ដ៏​ធំ​នៅ​អឺរ៉ុប ប្រសិនបើ​ពួកគេ​ផ្តាច់​កិច្ចព្រមព្រៀង​អនុគ្រោះ​ពន្ធ​ពី​កម្ពុជា។ ជាមួយនឹង​ការព្រួយបារម្ភ​នេះ លោក អាត់ ធន់ បាន​ជំរុញ​ឲ្យ​រដ្ឋាភិបាល​កម្ពុជា កំណត់​យុទ្ធសាស្ត្រ ដើម្បី​ស្តារ​ស្ថានការណ៍​នៅ​កម្ពុជា​ឡើងវិញ។