ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នៅ​យប់​នេះ​គឺ លោកស្រី មិថុនា ភូថង អភិបាល​ខេត្ត​កោះ​កុង​ថ្មី​ដែល​ជា​ស្ត្រី​ដំបូង​គេ​បំផុត ត្រូវ​រដ្ឋាភិបាល​ជ្រើស​រើស​ឲ្យ​ធ្វើ​ជា​ចៅ​ហ្វាយ​ខេត្ត។ លោកស្រី មិថុនា ភូថង ជឿ​ជាក់​ថា ការ​តែង​តាំង​នេះ គឺ​ជា​ការ​ផ្ដល់​ឱកាស​របស់​រដ្ឋាភិបាល​ដើម្បី​លើក​កម្ពស់​សិទ្ធិ​ស្ត្រី។

ភ្ញៀវប្រចាំថ្ងៃ​របស់​វិទ្យុ​បារាំង​អន្តរ​ជាតិ​នៅ​យប់​នេះ គឺ​លោក​ងិន សៅរ័ត្ន នាយក​ប្រតិបត្តិ​របស់អង្គការ​ជន​ពិការ​កម្ពុជា​។ ក្រោយ​ពីការ​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ សង្កាត់ កាល​ពីថ្ងៃទី៤ ខែមិថុនា បាន​បញ្ចប់ អង្គការ​ជន​ពិការ​កម្ពុជា​បាន​រក​ឃើញ​ថា​ជន​ពិការ ដែល​បាន​ចូល​រួម​នៅ​ក្នុង​ការ​បោះ​ឆ្នោត នៅ​តែ​ជួប​ឧបសគ្គ​មួយចំនួន​ដដែល​។ ប្រធាន​អង្គការ​ជន​ពិការ​កម្ពុជា​រូប​នេះ ចង់​ឲ្យ​ គ.ជ.ប ដាក់​បញ្ជាក់​ពីពិការភាព​៣ប្រភេទ នៅក្នុង​បញ្ជី​បោះ​ឆ្នោត ដើម្បី​ងាយ​ស្រួល​ក្នុង​ការ​សម្រប​សម្រួល​ជួយ​ពួក​គាត់​ក្នុង​ពេល​បោះ​ឆ្នោត​។

ភ្ញៀវ​ប្រចាំថ្ងៃ​របស់​វិទ្យុ​បារាំង​នៅយប់​នេះ គឺ​វេជ្ជបណ្ឌិត​ François Xavier Roux ដែល​​ជា​ទីប្រឹក្សា​ក្រសួង​សុខា​ភិបាល​កម្ពុជា។ លោកបាន​​ចេញ​យោបល់​ថា អ្នក​មានទ្រព្យ​សម្បត្តិ ដែល​ស្ពាយ​លុយ​ទៅ​ព្យាបាល​ជំងឺ​នៅ​បរទេស គឺជា​ទម្លាប់​អាក្រក់ ដែលត្រូវ​កែប្រែ​។ ក៏ប៉ុន្តែលោក​​វេជ្ជបណ្ឌិត ក៏​បាន​សង្កេត​ឃើញ​ថា មាន​ការ​ផ្តើម​រីកចម្រើន​នៃ​វិស័យ​សុខាភិបាល​នៅកម្ពុជា​។ ក្នុងនាទីភ្ញៀវ​ប្រចាំថ្ងៃ​របស់​យើង​ វេជ្ជបណ្ឌិតជំនាញ​​វះ​កាត់​ប្រព័ន្ធប្រសាទរូប​នេះ​ នឹង​ណែនាំ​លោកអ្នក​នាងឲ្យ​ស្គាល់​បន្ថែមពី​​មជ្ឈ​មណ្ឌល​វិទ្យាសាស្ត្រ​ប្រព័ន្ធ​ប្រាសាទ​ នៅក្នុងមន្ទីរពេទ្យ​កាល់ម៉ែត្រ​។

ការ​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ សង្កាត់ អាណត្តិ​ទី​៤ កាល​ពី​ថ្ងៃ​ទី​៤​ខែ​មិថុនា បាន​កន្លង​ផុត​ទៅ​ហើយ នៅ​តែ​ការ​ប្រកាស​លទ្ធផល​ផ្លូវ​ការ​របស់​គណៈកម្មាធិការ​ជាតិ​រៀប​ចំ​ការ​បោះ​ឆ្នោត​(គ.ជ.ប)​ប៉ុណ្ណោះ។ ក៏​ប៉ុន្តែ​អ្វី​ដែល​ជា​ការ​កត់​សម្គាល់​នោះ គឺ​បណ្តឹង​សុំ​រាប់​សន្លឹក​ឆ្នោត​ឡើង​វិញ មាន​ច្រើន។ លោក យង់ គឹមអេង នាយក​ប្រតិបត្តិ​មជ្ឈមណ្ឌល​ប្រជាពលរដ្ឋ​ដើម្បី​អភិវឌ្ឍន៍​និង​សន្តិភាព​និង​ជា​សមាជិក​នៃ​បន្ទប់​ស្ថានការណ៍​បោះ​ឆ្នោត មើល​ឃើញ​ថា​សម្លេង​ឆ្នោត​ប្រកៀក​ប្រកិត​គ្នា​ច្រើន និង​ការ​គូស​សន្លឹក​ឆ្នោត​ដោយ​មិន​យល់​របស់​អ្នក​បោះ​ឆ្នោត​មួយ​ចំនួន ជា​មូលហេតុ​ដែល​នាំ​ឲ្យ​មាន​បណ្តឹង​រាប់​សន្លឹក​ឆ្នោត​ឡើង​វិញ​ច្រើន។

នៅ​ខណៈដែល​គម្រោង​អភិវឌ្ឍន៍​ទំនប់​វា​រី​អគ្គីសនី​ប៉ាក់​បេង ក្នុងប្រទេស​ឡាវ​កំពុង​វិ​វត្ត​ក្នុង​ដំណើរ​ឈានទៅរក​ពិគ្រោះ​យោបល់​នោះ សង្គម​ស៊ីវិល​ធ្វើការ​ផ្នែក​បរិស្ថាន​ក៏ដូចជា​តំណាង​យុវជន​ការពារ​បរិស្ថាន​នៅក្នុង​ប្រទេស​កម្ពុជា មានបំណង​ស្នើ​ឲ្យ​រដ្ឋាភិបាល​ឡាវ​បញ្ឈប់​គម្រោង​អភិ​វ​ឌ្ឈ​ន៍​នេះ។ លោក​តឹក វណ្ណា​រ៉ា នាយក​ប្រតិបត្តិ​វេទិកា​នៃ​អង្គការ​មិនមែន​រដ្ឋាភិបាល​ស្តីពី​កម្ពុជា​ដែលជា​ភ្ញៀវ​របស់​យើង​នៅ​រាត្រី​នេះ បាន​អះអាងថា មូលហេតុ​នៃ​ការចង់​ឲ្យ​បញ្ឈប់​នេះ គឺ​ព្រោះថា ឡាវ​មិនទាន់បាន​សិក្សា​ពី​ផលប៉ះពាល់​ឆ្លងដែន​ដែល​កើតមាន​ពី​ទំនប់​អគ្គីសនី​ប៉ាក់​បេង​នេះ​នៅឡើយ​ទេ។

នៅ​ថ្ងៃ​អង្គារ​នេះ ​សហ​ចៅក្រម​ស៊ើបអង្កេត ​បាន​ជូន​ដំណឹង​ដល់​ភាគី​ទាំងអស់​នៅ​ក្នុង​សំណុំរឿង​ ០០៤ ​ថា ​សហ​ចៅក្រម​ស៊ើប​អង្កេត​យល់​ឃើញ​ថា ​កិច្ច​ស៊ើបសួរ​លើ​ឈ្មោះ ​យឹម ទិ​ត្យ ​នៅក្នុង​សំណុំ​រឿង​០០៤ ...

ថ្ងៃនេះ ​គ.ជ.ប. បាន​រាប់​សន្លឹក​ឆ្នោត​ឡើងវិញ សម្រាប់ឃុំ​ដូង​ ក្នុង​ខេត្ត​ស្វាយ​រៀង។ ទន្ទឹម​នេះ បន្ទប់​ស្ថានការ​ណ៍ ក៏​ស្នើ​ឲ្យ​បន្ត​រាប់ថែមទៀត​ ចំពោះ​ឃុំ​សង្កាត់​ណា​ដែល​មាន​ពាក្យ​ប្តឹង។ អ្នក​ជំនាញ​ផ្នែក​បោះឆ្នោត លោក កង សាវាង្ស ចាត់ទុក​ថា ការ​ហ៊ាន​រាប់​សន្លឹក​ឆ្នោត​ឡើងវិញនេះ​ គឺជា​ចំណុច​ល្អ និង​ចំណុច​ខ្លាំង​របស់​គ.ជ.ប. ហើយ​ក៏​ដើម្បី​បញ្ចប់​ការ​សង្ស័យ​ទាំង​ឡាយ​ផង​ដែរ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នៅ​យប់​នេះ​គឺ​លោកស្រី ប្រាក់ ម៉ាលី  ចៅ​សង្កាត់​បឹង​កេង​កង​ទី១​មក​ពី​គណបក្ស​ប្រជាជន។ លោក​ស្រី​បាន​រក្សា​តំណែង​ជា​ចៅ​សង្កាត់​នេះ ក្នុង​រយៈ​ពេល​បួន​អាណត្តិ​ជាប់ៗ​គ្នា ដោយ​រាប់​ចាប់​តាំង​ពី​កម្ពុជា​រៀប​ចំ​ការ​បោះឆ្នោត​ឃុំសង្កាត់ ដំបូង​ក្នុង​ឆ្នាំ​២០០២។ លោក​ស្រី ប្រាក់ ម៉ាលី គូស​បញ្ជាក់​ថា ការ​ផ្ដល់​សេវាសាធារណៈ​ដោយ​ការ​យក​ចិត្ត​ទុក​ដាក់​ជូន​ប្រជាពល​រដ្ឋ ទើប​ធ្វើ​ឲ្យ​លោក​ស្រី​រក្សា​បានតំណែង​ជា​ចៅ​សង្កាត់​រហូត​មក។

ភ្ញៀវ​ប្រចាំ​ថ្ងៃ​របស់យើង​​នា​រាត្រីនេះ​គឺ​លោក ច្រឹក សុខនីម អគ្គនាយក​ក្រុមហ៊ុន ​Century 21 Mekong ​ជា​ក្រុមហ៊ុន​​​ជំនាញ​ខាង​អចលនទ្រព្យ​នៅ​កម្ពុជា។ ឆ្លើយ​នឹង​សំណួរ​របស់​វិទ្យុ​បារាំង​អន្ដរជាតិ លោក ច្រឹក សុខនីម បាន​គូស​បញ្ជាក់​ថា ការ​បោះ​ឆ្នោត​ក្រុម​ប្រឹក្សា​ឃុំ​សង្កាត់​ដែល​ទើប​តែ​កន្លង​ទៅ​ថ្មី​នេះ មិនប៉ះពាល់ដល់​ចរន្ត​ទិញ​លក់​ឬ​តម្លៃ​អចលនទ្រព្យ​ទេ​។ ផ្ទុយ​ពី​ការ​បោះ​ឆ្នោត​ជាតិ​នៅ​ឆ្នាំ​ក្រោយ ដែល​លោក សុខនីម សង្កត់​ធ្ងន់​ថា តិច​ឬ​ច្រើន ច្បាស់​ជា​ផ្ដល់​ការ​រំខាន​ខ្លះៗ​មិន​ខាន​​​។

ភ្ញៀវ​ប្រចាំថ្ងៃរបស់​វិទ្យុ​យើង​ គឺលោក ជិន សុខង៉េង ដែល​ជា​អនាគត​ចៅសង្កាត់​សាលា​កំរើក ​ខេត្ត​សៀមរាប។ ក្នុង​​អាយុ​២៦ឆ្នាំ អនាគតចៅ​សង្កាត់​វ័យ​ក្មេង រូប​នេះ​ បាន​កំណត់​ផែន​ការ រយៈ​​១០០​ថ្ងៃ បន្ទាប់ពី​​ចូល​កាន់តំណែង​ គឺ​ប្រមូលទិន្នន័យ ពិគ្រោះ​យោបល់​ ​សិក្សាបញ្ហាក្នុង​មូល​ដ្ឋាន​​ និងដោះស្រាយ​បញ្ហាបន្ទាន់ៗ​ ព្រម​ទាំង​រៀប​ចំ​រចនាសម្ព័ន្ធ​រដ្ឋ​បាលថ្មី​ដែល​គ្មាន​អំពើ​ពុករលួយ​។ ទន្ទឹមនេះ ការ​ងារ​អាទិភាព​របស់​លោក សុខង៉េង គឺ​ដោះស្រាយ​បញ្ហា​ហេដ្ឋារចនា​សម្ព័ន្ធ​ ​នៅ​ក្នុងសង្កាត់។