ក្រសួង​បរិស្ថាន ​រួម​នឹង​ស្ថាប័ន​ពាក់ព័ន្ធ​ដទៃ​ទៀត ​ដោយ​មាន​ការ​ចូលរួម​ពី​ក្រុម​អ្នកច្បាប់ ​នៅ​ពេញ​មួយ​ថ្ងៃ​ទី​០៨​ មិថុនា​នេះ​ បាន​លើក​យក​សេចក្តី​ព្រាង​ក្រម​បរិស្ថាន​និង​ធនធាន​ធម្មជាតិ​ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​រាត្រី​នេះ​គឺ ​លោក សៀ ភារម្យ នាយក​លេខាធិការដ្ឋាន​ក្រុម​ការងារ​ពិសេស​សិទ្ធិ​លំនៅដ្ឋាន។ ក្រុមការងារ​ពិសេស​សិទ្ធិ​លំនៅដ្ឋាន ជា​ស្ថាប័ន​ក្រៅ​រដ្ឋាភិបាល​មួយ ដែល​បាន​តាម​ដាន​យ៉ាង​ដិតដល់ ដំណើរ​ការ​លក់​ទិញ​បន្ទប់​នៃ​អគារ​ប៊ូឌីញ​ស រវាង​ពលរដ្ឋ​និង​ក្រុមហ៊ុន​ជប៉ុន​ ក្រោម​ការ​សម្រប​សម្រួល​ពី​ក្រសួង​ដែនដី​។ លោក សៀ ភារម្យ បាន​លើក​សរសើរ​ថា ការ​សម្រប​សម្រួល​របស់​ក្រសួង​ដែនដី​នៅ​ក្នុង​គម្រោង​នេះ គឺ​ជា​គំរូនៃការ​អភិវឌ្ឍ​ក្នុង​ទីក្រុងចៀស​ផុត​ពី​ការ​បណ្ដេញ​ចេញ​ដោយ​បង្ខំ​។

ការ​ប្រកាសលទ្ធផលបោះឆ្នោត​របស់​មេបក្ស​ធំៗទាំង​ពីរ គឺជាការ​រំលោភបំពាន​ច្បាប់បោះឆ្នោត​ហើយ​នេះជាការ​ទទួល​ខុសត្រូវ​របស់​មេបក្ស​ទាំងពីរ​នោះ​។ បើ​តាម​ច្បាប់បោះឆ្នោត​,​ គ.ជ.ប. នឹង​ចាត់​វិធានការ​ព្រមាន ដោយផ្ទាល់មាត់ ឬដោយ​លិខិត​ ហើយអាច​នឹងមានការ​ផាក់​ពិន័យថែមទៀត​​។​ នេះគឺជាបញ្ជាក់​របស់​អ្នក​នាំពាក្យ​ គ.ជ.ប.។ បណ្ឌិត ហង្ស ពុទ្ធា ក៏​បាន​ពន្យល់ពី​ហេតុផល​នៃភាព​​យឺតយ៉ាវ​ក្នុង​ការប្រកាស​លទ្ធផល​។

ភ្ញៀវ​​ប្រចាំថ្ងៃ​​របស់​​វិទ្យុ​​បារាំង​​អន្តរជាតិ ​RFI​ នៅ​ថ្ងៃ​នេះ ​គឺ​​លោក ​យ៉ង ​គិ​ម​អេង ​នាយក​​មជ្ឈ​មណ្ឌល​​ប្រជាពលរដ្ឋ​​ដើម្បី​​សន្តិភាព​​និង​​ការ​អភិវឌ្ឍន៍ ​និង​​ជា​​អ្នក​នាំ​ពាក្យ​​បន្ទប់​​ស្ថាន​ការណ៍​​សម្រាប់​​ឃ្លាំ​មើល​​ការ​បោះ​ឆ្នោត​។ ​បន្ទប់​​ស្ថាន​ការណ៍​​បោះ​ឆ្នោត​​ដែល​ជា​​បណ្ដុំ​​អង្គការ​ក្រៅ​រដ្ឋាភិបាល​​ក​ម្ពុ​ជា​ជាង​៤០ ​បាន​​វាយ​តម្លៃ​​ជា​បឋម​​ថា ​ការ​បោះ​ឆ្នោត​​ឃុំ​​សង្កាត់​​អាណត្តិ​​ទី​៤ ​ប្រព្រឹត្ត​​ទៅ​ដោយ​​រលូន ​និង​​ដោយ​​សន្តិវិធី​។ ​ប៉ុន្តែ ​បន្ទប់​​ស្ថានការណ៍​​បាន​​រក​ឃើញ​​ភាព​មិន​ប្រក្រតី​​មួយ​ចំនួន​​ដែរ​​នៅ​ក្នុង​​ថ្ងៃ​​បោះឆ្នោត​។ ​ក្រៅ​ពី​នេះ​​បន្ទប់​​ស្ថានការណ៍​​សម្រាប់​​ការ​បោះ​ឆ្នោត​​ក៏​បាន​​បង្ហាញ​​របាយការណ៍​​បឋម​​ថា ​គណបក្ស​​ប្រជាជន​​កម្ពុជា​​បាន​ទទួល​​សំឡេង​គាំទ្រ​​ជាង​៤៨% ​ខណៈដែល​​គណបក្ស​​សង្គ្រោះ​​ជាតិ​​ទទួល​បាន​​សំឡេង​គាំទ្រ​​ជាង​៤៥%​។ ​ទន្ទឹម​គ្នា​នេះ ​លោក ​យ៉ង គិ​ម​អេង ​បាន​ចាត់ទុក​លទ្ធផល​នេះ​ថា គណបក្ស​ណា​ដែល​ឈ្នះ​តំណែង​មេឃុំ​-​ចៅ​សង្កាត់ ​គឺ​​ប្រៀប​ដូចជា​​ឈ្នះ​​បាន​​មេដាយ​មាស​​អូឡាំពិក​​អញ្ចឹង​​ដែរ​។

ភ្ញៀវ​ប្រចាំ​ថ្ងៃ​របស់​វិទ្យុ​យើង​នា​រាត្រី​នេះ​គឺ​លោក ព្រាប កុល នាយកប្រតិបត្តិ​អង្គការ​តម្លាភាព​កម្ពុជា​។ ក្នុង​នាម​អង្គការដែល​តាមដាន​ការ​បោះ​ឆ្នោត​ លោក ព្រាប កុល សង្កេត​ឃើញ​ថា ក្នុង​«ថ្ងៃ​ស» ​នេះ គ្មាន​សកម្មភាព​ឃោសនា​នៅ​តាម​ដង​ផ្លូវ​ឬ​ស្នាក់​ការ​គណបក្ស​រំលោភ​លើ​បម្រាម​របស់ គជប ទេ​។ ប៉ុន្តែ​យ៉ាង​ណា​ក៏​ដោយ លោក​កត់​សម្គាល់​ថា ការ​ឃោសនា​នយោបាយ​ក្នុង «ថ្ងៃ​ស» នៅ​តែ​មាន​លើ​បណ្ដាញ​សង្គម។ ជា​សកម្មភាព​ដែល​ច្បាប់​មិន​បាន​គ្រប​ដណ្ដប់ ហើយ​ថែម​ទាំង​ពិបាក​គ្រប់​គ្រង​ទៀត​ផង​។

នៅ​វេលា​ម៉ោង​១០​យប់​នេះ យុទ្ធនាការ​ឃោសនា​បោះ​ឆ្នោត​នឹង​បិទ​បញ្ចប់​ជា​ផ្លូវការ។ លោក​ហង្ស ពុទ្ធា អ្នក​នាំ​ពាក្យ​គ.ជ.ប​ដែលជា​ភ្ញៀវ​របស់​យើង​នៅ​រាត្រី​នេះ បាន​ឲ្យ​ដឹង​ថា នៅ​ក្នុង​យុទ្ធនាការ​បោះ​ឆ្នោត​នេះ គ.ជ.ប​ទទួល​បាន​ពាក្យ​បណ្តឹង​ចំនួន​៧៨ ដែល​ភាគ​ច្រើន​ប្តឹង​ដោយ​គណបក្ស​ប្រជាជន​កម្ពុជា។ ទោះ​ជា​បែប​នេះ​ក្តី លោក​ហង្ស ពុទ្ធា បាន​គូស​បញ្ជាក់​ថា យុទ្ធនាការ​បោះឆ្នោត​នៅ​អាណត្តិ​នេះ មាន​ភាព​ល្អ​ប្រសើរ​ជាង​អាណត្តិ​មុនៗ ព្រោះ​ថា គណបក្ស​នយោបាយ​មាន​ភាព​ចាស់​ទុំ និង​ចេះ​អធ្យាស្រ័យ​គ្នា​បាន​ច្រើន​ជាង​មុន។

៣​ថ្ងៃ​មុន​ការ​បោះឆ្នោត​ជ្រើសរើស​ក្រុមប្រឹក្សា ​ឃុំ ​សង្កាត់​ អាណត្តិ​ទី​៤​នេះ ​បន្ទប់​ស្ថានការណ៍​បោះឆ្នោត ​ដែល​ប្រមូល​ផ្តុំ​ដោយ​អង្គការ​សង្គម​ស៊ីវិល​ជិត​៤០ ​បាន​និង​កំពុង​មមាញឹក ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​ថ្ងៃ​នេះ គឺ​លោក ខឹម វាសនា ប្រធាន​គណបក្ស​សម្ព័ន្ធ​ដើម្បី​ប្រជាធិបតេយ្យ ហៅ​កាត់​ថា LDP។ សម្រាប់​ការ​បោះ​ឆ្នោត​ក្រុម​ប្រឹក្សា​ឃុំ​សង្កាត់​អាណត្តិ​នេះ លោក ខឹម វាសនា បញ្ជាក់​ថា គណបក្ស​លោក​គ្មាន​ដាក់​ចេញ​គោលនយោបាយ​អ្វី​ដើម្បីទាក់​ចិត្ត​ម្ចាស់​ឆ្នោត​ទេ​។ ប្រមុខ​បក្ស​នេះ​គ្រាន់​តែ​បញ្ជាក់​ថា បេក្ខជន​ក្រុមប្រឹក្សា​ឃុំ​សង្កាត់​របស់ LDP ជា​មនុស្ស​ល្អ មិន​ពុក​រលួយ តែង​តែ មាន​វត្តមាន​ក្នុង​ម៉ោង​ធ្វើ​ការ ហើយ​ពលរដ្ឋ​អាច​បោះ​ឆ្នោត​ដក​ចេញ​បាន​បើ​មិន​ពេញ​ចិត្ត​។ លោក ខឹម វាសនា ថា ការ​ចូល​រួម​របស់ LDP ក្នុង​ការ​បោះ​ឆ្នោត គឺ​គ្រាន់​តែ​ចង់​ផ្ដល់​ឱកាស​ឲ្យ​ពលរដ្ឋ​រើស​បាន​តំណាង​ល្អ​។ តែ​បើ​ពលរដ្ឋ​មិន​បោះ​ឆ្នោត​ឲ្យ​ទេ ក៏​ហី​ទៅ!

រឿងរ៉ាវ​ជុំវិញ​ការសន្យា​ផ្តល់​ថវិកា​ចំនួន៥០ម៉ឺន​ដុ​លា្ល​រ​អាមេរិក​សម្រាប់​ឃុំ សង្កាត់នីមួយៗ ដែលជា​កម្មវិធី​នយោបាយ​មួយ​របស់​គណបក្ស​សង្គ្រោះ​ជាតិ​កំពុង​ត្រូវបាន​គេ​លើក​មក​ជជែក​យ៉ាង​ផុលផុស។ នៅ​រាត្រី​នេះ លោក​យឹម សុវណ្ណ អ្នកនាំពាក្យ​គណបក្ស​សង្គ្រោះ​ជាតិ​បាន​ចូលខ្លួន​មក​បកស្រាយ​រឿងរ៉ាវ​នេះ និង​កម្មវិធី​នយោបាយ​ផ្សេងទៀត​របស់​បក្សប្រឆាំង​តាមរយៈ​បទ​សម្ភាស​ជាមួយ​វណ្ណ សុគន្ធា។ លោក​យឹម សុវណ្ណ បាន​បញ្ជាក់ថា ថវិកា​ចំនួន៥០ម៉ឺន​ដុល្លារ​សម្រាប់​ឃុំ សង្កាត់នីមួយៗ គឺជា​រឿង​អាចធ្វើ​ទៅបាន ប្រសិនបើ​គណបក្ស​សង្គ្រោះ​ជាតិ​កាន់អំណាច​នោះ ហើយ​លោក​ពន្យល់​ដែរ​ថា ថវិកា​ទាំងនេះ គឺ​បានមកពី​ការរំលែក​ចេញ​ថវិកាជាតិ។ សូម​ស្ដាប់​បទ​សម្ភាស​រវាង​វណ្ណ សុគន្ធា និង​លោក​យឹម សុវណ្ណ ដូចតទៅ៖

នៅ​ថ្ងៃនេះ ភ្ញៀវ​របស់​យើង គឺលោក សុខ ឥសាន ជាអ្នក​នាំពាក្យ​គណបក្ស​ប្រជា​ជន​កម្ពុជា​។ សម្រាប់​ការ​ឃោសនា​បោះឆ្នោត​ឃុំ​សង្កាត់​នេះ បក្ស​ប្រជាជន​កម្ពុជា បាន​ដាក់​ចេញ​គោល​នយោបាយ​១៣​ចំណុច​។ គោល​នយោបាយ​នេះ ត្រូវ​លោក សុខ ឥសាន​ ពន្យល់ថា គឺដើម្បី​បន្ត​អភិវឌ្ឍជាតិ រក្សាការពារសន្តិសុខ និងសន្តិភាពជូន​ប្រជា​ពលរដ្ឋ។