Elvis Blue kuier by Francois om te gesels oor Meer As Genoeg, die album, liedjie en musiekvideo. Hy sing ook vir ons die nuwe enkelsnit akoesties.

Jeandré Visser van Hoërskool Florida in Roodepoort is aangewys as die jaar se algehele wenner in Jou Groot Talent in die kategorie gedramatiseerde prosa, graad 10 tot 12. Die titel kom hom toe na sy voordrag van ''n Kaartjie na Parys' uit Nataniël se boek Zip.

Ouer maar nog nie kouer nie. Nico Loubser bewys met sy inskrywings vir hierdie jaar se oopafdeling, dat ouderdom 'n bysaak is wanneer dit kom by talent. Hy staan vir niemand terug nie en vertel eerstehands hoekom hy besluit het om hierdie jaar in te skryf. Hy het al opleiding ontvang by Edrien Erasmus en omring homself juis met jonger mense soos die akteur Zack Mtombeni wat hom gehelp het om sy videos op te neem en aan te stuur.

Die akteur Sean van Noordwyk groet Reitz van Getroud Met Rugby - kykNET. Hy het met Francois gesels oor sy toekomsplanne en passie vir geestesgesondheid. Hy smag daarna om ‘n verskil te maak, veral in jongmense se lewens.

Die aktrise, Ilne Nienaber, is opgewonde om nou meer tyd saam met haar gesin te spandeer en self te besluit hoe sy haar hare wil sny. Sy praat met Francois oor die besluit om haar karakter, dokter Elana Bester, in Binnelanders, vaarwel te roep.

Intiem Huwelik met Liezel van der Merwe - Is die gras groener aan die anderkant?

Ons het haar eers leer ken as aktrise, maar vroeg in 2019 reik Christia Visser haar eerste solo enkelsnit en daarna ook 'n SAMA-genomineerde album uit. Sy kom gesels oor haar loopbaan, die getroude lewe en haar nuwe vrystelling 'Beste Leuen Wen'.

Camino van Mississippi gesels met Francois vanaf LA oor die 'Burning Fire' enkelsnit en video vanaf sy nuwe EP. Geïnspireer deur sy oom Wallace en tannie Peggie... Luister hier na die aangrypende verhaal van hoe hy basies van die straat af in Akon se Ferrari beland het en selfs vir 6 maande in sy huis gebly het.

Die veelsydige aktrise, Marion Holm, vertel hoe sy uitdagings in haar lewe die hok slaan. Sy bly positief oor die lewe en haar loopbaan te midde van onvoorspelbare omstandighede en deel meer oor die aanlyn weergawe van Die Voordele Van Eierwit, 'n produksie wat sy saam met Margit Meyer-Rödenbeck aangepak het.

Laurika Rauch vertel meer oor haar digitale speellys wat duette wat sy oor die afgelope vier dekades opgeneem het, insluit.