Intiem Huwelik met Liezel van der Merwe - 'n Skild vir jou huwelik & verveeldheid in jou huwelik.

Emile Welman (vroeër van die groep Overtone) se eerste Suid-Afrikaanse enkelsnit as solo-kunstenaar is onlangs uitgereik. Hy vertel ook hoe sy pad met Clint Eastwood & sy destydse vrou, Dina, gekruis het. Luister na sy tuimeltrein-rit tot dusver...

Mari Molefe van Heerden, Frans Swart, Casper de Vries, Heidi Bothma du Toit, Simon Rademan, Johny Klein, Hennie Smit & Lizz Meiring onthou vir Shaleen. Die veteraan aktrise is die afgelope week in die ouderdom van 66 oorlede. Haar staatsbegrafnis is op Sondag 13 Junie 2021 regstreeks vanaf Kaapstad op televisie uitgesaai.

Die geliefde aktrise Shaleen Surtie-Richards se liggaam is Maandagoggend op 66-jarige ouderdom in ‘n gastehuis in Kaapstad gevind. Hier is ‘n kort terugblik na een van haar gesprekke met GROOTfm tydens die ‘re-run’ van die immergewilde teaterproduksie “Fiela Se Kind” wat ‘n paar jaar gelede weer deur Lefra Produksies op die planke gebring is. Sy het veral ‘n huishoudelike naam geword vir die vertolking van haar rol as Nenna in Egoli, plek van goud. Rus in vrede Shaleen, ons sal jou altyd onthou vir jou oneindige talent en lewensgroot persoonlikheid.

Die klassieke- en jazz-pianis, Charl du Plessis het kom gesels oor sy loopbaan tot dusver, asook die reeks vertonings wat deel vorm van Atterbury Klassiek.

Intiem Huwelik met Liezel van der Merwe - 'n Huwelik vol dankbaarheid.

Margit Meyer-Rödenbeck, veral bekend as Dowwe Dolla, is aktrise, komediant, sosiale kommentator en teatervervaardiger. Margit en Dolla kom vir middagete en vertel hoekom Dolla haar stilettos ophang na meer as twee dekades van opvoerings.

Matthys Maree, mede-eienaar en bestuurder van die Atterbury Teater kom kuier, want hierdie landmerk onder teatergangers in Pretoria word 10!

Dowwe Dolla het beplan om einde 2020 haar stiletto’s op te hang en haar lollie op Gumtree te verkoop, maar antie Corona en haar niggie Nkosozana het haar koebaai-waai effe vertraag, maar vandag is Dolla terug met ‘n vertoning in Pretoria, Nou Of Nooit, Woensdagaand 19 Mei en Dinsdagaand 25 Mei by die Atterbury Teater.

Die beeldskone en talentvolle Caroline Grace (nou ook ma van twee) het by GROOTfm kom kuier. Sy stel haar nuwe enkelsnit 'Breek' na 'n stilte van twee jaar vry.