Mathys Roets gesels oor die vertoning "Grassade & Katerdrale" saam met Mauritz Lotz, vir die eerste keer by die Atterbury Teater. Dit sluit in nuwe musiek vanaf sy album "Reën" asook ou gewildes wat met ‘n nuwe klank na die verhoog gebring word op Moedersdag.

Rian van Heerden gesels oor 'Karakter' - 'n dokumentêre reeks oor diverse mense in Suid-Afrika. 'n Program wat vooroordele uitlig en onderskei tussen die waarheid en wolhaar.

Renier West van Rooksein gesels oor hul vertoning by die Ultimate Aim Sports Pavilion as deel van die #StaanOpFees konsertreeks. Hy verklap ook iets oor nuwe musiek...

‘n Opwindende reeks van vertonings lê voor by die Ultimate Aim Sports Pavillion in Montana as deel van die Staan Op Fees. Juanita du Plessis vorm deel van die 'line-up' en verklap wat ons kan verwag van haar vertoning op die 01ste Mei.

Intiem Huwelik met Liezel van der Merwe - 15 Blitsresepte vir beter kommunikasie.

Die talentvolle musikant Herman Kleinhans het 'n spesiale liedjie vir sy ma geskryf en hy stel dit vry voor Moedersdag. Die liedjie was aanvanklik in sy kamer opgeneem, maar die reaksie daarop was so oorweldigend dat hy besluit het om 'n professionele opname te maak en uit te reik.

Boer Soek 'n Vrou se Richann & René deel nie net hul liefde vir mekaar nie, maar ook vir musiek. Die verliefdes staan ook nou bekend as die sangpaar Reën, wat in 'Vrystaat Vlaktes' sing oor daai brief gestuur na die platteland...

Wanneer André Schwartz en Leah se stemme een word in hul produksie, Magical Musicals, sal die gehoor meegesleur word na die fantasiewêreld van die grootste musiekblyspele soos hul bekroonde treffers vertolk. André sluit telefonies by Francois van Rensburg in die Lunch Punch aan om meer te vertel oor hierdie verhoogproduksie.

Sandra Prinsloo vertel meer oor haar eenvroustuk 'Spertyd' by die Atterbury Teater. 'n Teks wat handel oor die reis deur die kontinent van ouderdom, 'n verwerking van die bekroonde Elsa Joubert se roman.

Deur die jare het Bles Bridges diep spore getrap in die Suid-Afrikaanse musiekbedryf, maar veral ook in sy persoonlike hoedanigheid as mens. Hy is tot vandag toe nog die grootste Afrikaanse manlike verkoper in Suid-Afrika, met albumverkope van 3.2 miljoen kopieë. Familie, vriende & kollegas in die bedryf vorm deel van 'n baie unieke huldeblyk aan Bles - 21 jaar sedert hy op 53-jarige ouderdom in 'n motorongeluk oorlede is.