Die restaurantteater Die Boer in Durbanville speel al die afgelope 16 jaar gasheer vir ons land se voorste kunstenaars. Eienaar en aktrise Margit Meyer-Rödenbeck (Dowwe Dolla) vertel meer oor die Red Die Boer insamelingsveldtog.

Die sanger, Muller Brandt, het onlangs die liedjie 'Vriende van Landbou' vrygestel. Hy het 'n passie vir ons land se boere en is intussen aangewys as die ambassadeur vir Vriende van Landbou, 'n platform wat momentum verleen aan diegene wat hulle tyd, geld en kundigheid in die regte rigting wil stuur.

Alhoewel hy al op vyrftien begin kitaar speel het en betrokke is by musiekbediening in sy kerk, het hy eers onlangs besluit om 'n kans te waag op sy musiekdroom as solokunstenaar. Hy werk ook as 'n fotograaf en grafiese ontwerper. Morné Coetzee het kom gesels oor sy motiverende enkelsnit "Vandag" uit die pen van Vaughan Gardiner.

Die 13-jarige Hanru is in ‘n stabiele toestand nadat ‘n gewas by hom verwyder is. Sy ma, Lizette kom kuier in die ateljee om hul oorwinningsreis met ons te deel.

GROOTfm se musiekskeduleerder (en omroeper) Pieter Cloete, kom gesels oor Maroela Media se lys van Top 40 Afrikaanse liedjies wat die afgelope jaar vrygestel is. Hy vertel ook hoekom sekere kunstenaars se musiek kop en skouers bo die res uitgestaan het. Hierdie lys bestaan uit liedjies wat veral goed gevaar het op stroomdienste en platforms soos Youtube asook wat radio-lugtyd betref.

Die sanger & liedjieskrywer, Rowan Stuart, reis al die pad van Kwazulu-Natal af vir 'n vertoning in Pretoria. In die proses maak hy GROOTfm deel van sy roete. Hy kom gesels oor sy nuwe enkelsnit vrystelling "Queen Emily" en bederf ons ook met 'n paar akoestiese liedjies op sy Cort-kitaar.

Nadat sy luisteraars se harte aangegryp het tydens 'n baie emosionele telefoniese oomblik op lug tydens die Spar Blessing Giveaway, kom kuier Chandre Dear in die ateljee om die res van haar storie te deel...

Die sanger en multi-instrumentalis, Ricus Nel, kom gesels oor hoe country-musiek as genre hom beïnvloed het. Hy brei uit oor sy unieke weergawe van Johnny Cash se treffer "Ring Of Fire".

Die sangers Maritza, Dennis East en Barbara Ray vertel kortliks hoe hulle pad met country musiek gekruis het.

Emosionele oomblik tydens Spar Kersfees Blessing met Chandre Dear op die lyn...