Die gesoute aktrise Elma Potgieter gesels oor die lekkerlag-klug "My Oom Se Vrou Se Plekkie" wat Vrydagaand die 06de & Saterdagaand die 07de November te sien is by die Atterbury Teater in Pretoria. Beide vertonings begin 20:00.

Ché is die naam wat jy moet onthou as jy opgewonde is oor die toekoms van Afrikaanse Pop. Saam met Snotkop stel sy haar heel eerste Afrikaanse enkelsnit vry en dit beloof om ‘n groot een te wees. Sy het kom gesels oor hierdie nuwe somertreffer.

Josh Middleton recently released his second studio album "A Mild Case Of Insomnia" and just dropped the third single from this record. He talks to us about "Than You Do".

Filipa Alexandra Carmo da Silva (born 1995) is a South African singer and songwriter. She gained wide recognition for winning the RyanSeacrest.com's cover song competition for her rendition of One Direction's song "Story Of My Life". She visited GROOTfm to tell us more about her new single "Do Something".

Tasha het harte gewen tydens Die Kontrak, Coleske Artists se realiteitsangkompetisie en is besig om haar merk as talentvolle kunstenaar te maak. Sy het in verskeie van die episodes lof ontvang vir haar optredes. Sy volg haar eerste enkelsnit "Die Uitsondering" op met 'n liedjie uit die pen van twee nefies Riaan Benade en Marno van der Merwe. Sy kom stel "Ek Moet Weet" op GROOTfm bekend en bring haar kitaar saam om ons akoesties met een van haar persoonlike gunstelinge te vermaak.

Die regisseur en akteur Gerrit Schoonhoven was wyd bekend in die rolprent- en televisiebedryf, asook in teaterkringe. Hy is op Dinsdag 20 Oktober 2020 oorlede nadat kanker 'n paar maande gelede by hom gediagnoseer is. Die bekende akteurs Zak Hendrikz, Je-ani Swiegelaar, Luan Jacobs, Christel van den Bergh en Germandt Geldenhuys vertel van die impak wat Gerrit op hulle loopbane gehad het en deel staaltjies oor hoe hulle hom sal onthou.

Willem Botha kuier in die Lunch Punch om te gesels oor Kimberley, die nuwe enkelsnit uit sy eie pen. Hy vertel verder hoe hy tyd maak vir sy ander passies naamlik toneelspel, aanbieding en deesdae ook fotografie.

Die veelsydige sangeres Charlize Berg kom deel haar langverwagte enkelsnit "Verspoel My" met ons. Later tydens die onderhoud slaan sy ons vir 'n ses uit met ander baie opwindende nuus wat sy vir die eerste keer met die publiek deel in die Lunch Punch.

Die kans dat jy al vir Pieter Marcato êrens sien optree het is baie goed. Miskien as deel van die groep Marcato saam met Ben van Zyl of in die alternatiewe popgroep EON saam met sy mede-kunstenaars Altus Theart en Jerry Spangenberg. Hy het onlangs ook as solo-kunstenaar begin optree en stel sy nuutste enkelsnit "Ek Onthou Jou" eksklusief in die Lunch Punch vry.

Die talentvolle sanger en liedjieskrywer, Christiaan Baartman, reik sy nuwe enkelsnit, Die Beste Deel, uit. Christiaan en Jattie de Beer het die lied saam geskryf. "Gebore uit 'n lekker bottel rooiwyn en 'n nostalgie van liefde," sê hy in die Lunch Punch. Hy vertel ook meer oor sy ervarings in Nashville, Tennessee.