Despois da publicación dos últimos datos do IGE sobre o uso do galego, Marcos Maceira e Elsa Quintas, da Mesa pola Normalización Lingüística, conversan con Daniel Seixo sobre o futuro do nosa idioma. Outubro 2024.

Iñaki Gil de San Vicente é un profesor e pensador vasco e marxista, coñecido polo seu activismo na esquerda abertzale. "Tesis contra el fascismo: 2005-2018" (DDT Liburuak, 2018), "'El Capital', un libro que asusta al capital… Y al reformismo" (Boltxe Kolektiboa, 2019) e "Pensar y practicar el marxismo" (Boltxe Kolektiboa, 2019) son os títulos dos seus últimos libros.

Hoxe, entrevistado por Daniel Seixo, contamos con el no estudio de gravación da ACLP Roxín Roxal (Paderne, Galiza).

Dispoñíbel tamén en YouTube: https://youtube.com/live/vvU8eiKczdQ

A figura do bispo galaico Prisciliano (340-385), a primeira persoa condenada a morte pola Igrexa Católica na súa historia, arraiga especialmente na Galiza tardorromana e altomedieval. Executado por herexe, a súa figura é obxecto de continua investigación nos nosos días. O profesor e ensaísta Victorino Pérez Prieto (Hospital de Órbigo, 1954) é un destacado especialista no estudo de Prisciliano e o priscilianismo. O xornalista Daniel Seixo entrevistouno o pasado venres 12 de xaneiro de 2024 nos Diálogos de Paderne en liña.

Nos primeiros días de outubro de 2023 a policía italiana detiña a galega Christina Moreira na praza vaticana de San Pedro baixo o cargo da presunta usurpación do “hábito talar”.

Christina Moreira, muller sacerdote católica, celebra misa (en galego, naturalmente) desde hai anos na Comunidade do Home Novo na Coruña, aínda que en aberta contradición coa oficialidade da Igrexa. Francesa e galega ao mesmo tempo, Christina mantén as súas raíces familiares nunha parroquia do concello de Paderne.

Xosé Manuel Golpe, enxeñeiro técnico industrial e experto en renovábeis, dános as claves indispensábeis para entender o noso presente eólico. Nun país normal os seus argumentos serían o pan de cada día nos medios públicos e privados. Aquí non.

Non perdades de escoitar, enteira e con calma, a entrevista que Daniel Seixo lle fixo o pasado venres 15, desde o estudio de Roxín Roxal en Paderne.

O xornalista Daniel Seixo entrevista Manuel Monge, da Comisión pola Recuperación da Memoria Histórica da Coruña, sobre o recentemente estreado documental "Camarada Fraga", unha achega documentada á "cara B" do exministro franquista e expresidente da Xunta.

O xornalista Daniel seixo entrevista desde o estudio de gravación de RR o debuxante, ilustrador, caricaturista e ensinante Xoán Andrade Vidal, autor de numerosos traballos que se expoñen até 08/03/23 no Edificio Arquivo de Betanzos.

Desde o estudio de gravación de Roxín Roxal, o xornalista Daniel Seixo entrevista Anxos García Fonte, inspiradora, guionista e produtora da curtametraxe "A rosa incandescente". O filme, que repasa a vida de Rosalía de Castro como muller e escritora, foi galardoado co primeiro premio no festival de cinema de Castellaneta (Puglia, Italia).

O xornalista Daniel Seixo entrevista o escritor Xesús Fraga é Premio Nacional de Narrativa (2021) co seu libro "Virtudes (e misterios)". Xesús prorroga o libro "Recordos daquel pasado", un estudo etnográfico sobre a parroquia de Vigo (Paderne) no que Roxín Roxal colabora. O seu autor, Francisco Pico Pena, e a súa neta Nuria están activamente presentes na conversa.

Conversa entre Carlos Callón e a presentadora María Gutiérrez sobre O libro negro da lingua galega, imprescindíbel novidade editorial do profesor e lingüista, que relata feito por feito os 500 anos de imposición do castelán en Galiza.

Entrevista efectuada no estudio de gravación de Roxín Roxal, previa á presentación do libro en Betanzos (22/07/11).