Roxín Roxal (programas de radio)

Conversa entre Carlos Callón e a presentadora María Gutiérrez sobre O libro negro da lingua galega, imprescindíbel novidade editorial do profesor e lingüista, que relata feito por feito os 500 anos de imposición do castelán en Galiza.

Entrevista efectuada no estudio de gravación de Roxín Roxal, previa á presentación do libro en Betanzos (22/07/11).

Unha zona chea de inesperados segredos artísticos, históricos e naturais atópase (tamén) en perigo pola ofensiva dos macroparques eólicos, que ameaza con estragar o que queda do mundo rural galego. Branca e Antón, impulsores da Nova Poesía Guitírica (Guitiriz, Lugo) participan nesta imprescindíbel conversa en liña. O rural galego sabe defenderse!

O venres 29 de maio de 2022 tivemos nas nosas canles de YouTube e Facebook a Antón Malde e Aranza González, que nos falarán do próximo roteiro do día 8 de Maio, A Torre de Teodomiro. Malde explicounos a relevancia histórica e arqueolóxica da descuberta da Torre no Monte do Gato. Aranza comentounos os últimos acontecementos na loita que se desenvolve nas Mariñas en defensa da integridade dese espazo natural.

Antes da presentación en Betanzos do seu novo libro

, o político e historiador Francisco Rodríguez mantivo esta conversa no estudio de gravación da ACLP Roxín Roxal. Rodríguez demostra no seu libro a singular importancia do Reino de Galiza no conxunto peninsular da Idade Media, unha preponderancia sempre ocultada e negada pola historiografía españolista.

As visitas efectuadas ao Pazo de Meirás en setembro de 2021 ergueron un grande interese nos socios e achegados de Roxín Roxal. Nesta conversa, conducida por María Gutiérrez Calvete para o noso programa en Radio Filispim 93.9 FM (Ferrol e comarca), Silvia e Carlos achegan toda a información sobre as causas e o momento actual (decembro 2021) da loita polo Pazo. Carlos Babío é coautor do libro Meirás, un Pazo, un caudillo, un espolio. Silvia Seixas é unha das 19 de Meirás, colectivo encausado por un acto reivindicativo no mesmo Pazo. O sociólogo e xornalista padernense Daniel Seixo participa na conversa.

"As mulheres da Csa da Bouça da roupa estendida" é o novo romance de Adela Figueroa Panisse. Antes da sua apresentação em Sada, conversamos com a autora para Rádio Filispim 93.9 FM.

Acto em linha que tivo lugar o passado 20 de maio de 2021 sobre a problemática do Monte do Gato (Aranga, Coirós e Oza-Cesuras, na província da Corunha, Galiza) espaço natural ameaçado pola ofensiva dos parques eólicos. Participam Antóm Malde (arqueólogo), Fernando Bandín (naturalista), Aranza González (secretaria da Comunidade de Montes de Fervenzas) e Adela Figueroa (Adega).

Apón un período de inactividade debido á pandemia da Covid-19, a Asociación Cultural Libre de Paderne Roxín Roxal presenta a súa programación para a primavera de 2021.

Caros Callón presenta desde Lisboa, onde traballa, o seu segundo poemario. É un acto celebrado en liña e retransmitido a través da nosa canle de YouTube (ACLP Roxín Roxal) e Facebook (páxina co mesmo nome).

Durante o confinamento pola Covid-19 producíronse en Galiza renovados atentados contra o patrimonio no medio rural. Esta é unha mesa redonda online organizada pola ACLP Roxín Roxal o 29 de maio de 2020, que contou coa participación de Antón Malde, Adela Figueroa, Xabier Moure, Soledad Felloza e Puri Soto.