Die aktrise Mandri Sutherland vertel van haar eenvrouvertoning, Vrou ens. 1.2

Mzansi Chamber Music Collective is 'n organisasie wat kamermusiek bevorder, met die aanbied van talle konserte waar plaaslike kunstenaars kan optree. Terrance April gesels met Francois Combrinck oor die verskillende konserte in die eerste helfte van die jaar.

Die artistieke direkteur van die Franschhoek Kamermusiekfees, Peter Martens, vertel van die tien konserte by vanjaar se fees, wat plaasvind van 12 tot 15 Februarie.

Die veelbekroonde ANNIE+HELEN is te sien in Pretoria. Christelle Webb-Joubert gesels met die dramaturg en regisseur, Hennie van Greunen, asook met Judi Hattingh, wat die rol van Helen vertolk.

Die Suid-Afrikaanse Internasionale Balletkompetisie word vanjaar vir die 17de keer aangebied. Terrance April gesels met Dirk Badenhorst, bestuurshoof van Mzansi Ballet, wat ook die organiseerder is van dié ballethoogtepunt vir talle jong dansers.

Christelle Webb-Joubert kuier vir die laaste keer saam met die kunsjoernalis en resensent, Diane de Beer. Diane vertel wat haar ontstel, en wat sy nog sou wou doen.

Die artistieke direkteur van Kaapstad Opera, Magdalene Minnaar, vertel wat hulle vir 2026 beplan.

Die musiekspel, CATS, is tans te sien by Montecasino in Johannesburg. Christelle Webb-Joubert praat met musiekregisseur Louis Zurnamer oor sy werk en lewe.

Die Oppiwater Kunstefees vind plaas van 9 tot 14 April 2026. Daar is meer as 40 Afrikaanse teaterproduksies waaruit gaste kan kies, soos Dana Snyman se memoire, SEUN, wat verwerk is vir die verhoog. Christelle Webb-Joubert gesels met die regisseur Nico Scheepers.

Die tenoor en organiseerder Coert Grobbelaar vertel van ‘n konsert ter ere van die komponis, S. le Roux Marais.