Wie hou nie van 'n boeiende speurverhaal nie? Gehore in Kaapstad, en later in Johannesburg, kan hulle verlustig in die ontknoping van 'n egte Agatha Christie-verhaal. Terrance April gesels met Alan Comittie oor BLACK COFFEE.

Diary of a Wimpy Kid – The Musical word vir die heel eerste keer in Suid-Afrika opgevoer. Daphne Kuhn, medevervaardiger, vertel meer.

Ingrid: ‘n Vlam in die sneeu, handel oor die briewewisseling tussen Ingrid Jonker en André P. Brink. Die regisseur, Nadia Beukes, vertel wat die produksie so besonders maak.

Liza Grobler, die KKNK 2025 se kurator vir visuele kuns, oor vanjaar se uitstallings onder die tema, Diepe Grond.

Die skrywer, vertaler en regisseur Hennie van Greunen vertel vir Sue Pyler-Slabbert van die toneelstuk, Annie+Helen.

Daar is weer ‘n plekspesifieke toneelstuk by vanjaar se KKNK. Skrywer en aktrise Stephanie Hough vertel vir Terrance April van die stuk, Wag!

Nataniël sluit die KKNK af met die produksie, Duif. Hy vertel vir Christelle Webb-Joubert waaroor dit gaan, en wat gehore kan verwag. Die produksie is ook te sien by die Suidoosterfees.

Joburg Ballet debuteer op 28 Maart 2025 met 'n aantal kort werke onder die titel, DREAMSCAPES. Terrance April het met Dane Hurst, bekroonde danser en choreograaf, en Alice le Roux, 'n danser van die geselskap, oor die produksie gesels.

Die aktrise, regisseur en vervaardiger, Annie Basson, sterf op Sondag 16 Maart 2025. Regisseur Henry Mylne bring hulde aan haar.

Die akteur, skrywer en regisseur, Wessel Pretorius, is by vier produksies by die KKNK betrokke. Hy vertel van Die een wat bly, Kuns en Ont- en Smieg.